Elmo radarvari

Ég gleymdi nú að blogga um Elmo kallinn...
Harpa pantaði Elmo á netinu og hann var sendur á hótelið til okkar. Við höfum ekkert tekið pakkann upp... enda eigum við hann ekki.
Eitt kvöldið þegar Lúlli var að flakka á milli stöðva á sjónvarpinu... þá heyrum við flaut... hvít-hvíjú...  í ca. eina mínútu.  Við skildum ekkert í þessu... en svo datt okkur í hug að þetta hafi komið frá Elmo... að sjónvarpsfjarstýringin hefði komið þessu flauti af stað.

Þegar við keyrðum til Georgíu, var Elmo í aftursætinu... Allt í einu fer hann að flauta og það eina sem okkur datt í hug var að við hefðum keyrt inn í radargeisla hjá lögreglunni. Svo Elmo kallinn lét okkur vita - kannski heldur seint - að lögreglan væri að mæla.

Frábær konsert

Ég var að horfa á beina útsendingu frá konsert í Washington. Þar söng hver stjarnan af annarri og hver stórleikarinn af öðrum tók til máls... til heiðurs Obama fjölskyldunni. 

Athöfnin var öll hin stórkostlegasta, frábær lög og flytjendur og sviðsetningin snurðulaus. Mannfjöldinn sem var á staðnum og fylgdist með... var eins og við myndum segja ,,óteljandi"

Obama aldrei vinsælli

Tilganginum náð!

Þeir þurfa sennilega ekki að ráða neinn starfsmann. Tilganginum er náð. Eyjan er komin á ferðamannakortið... það þarf ekki annað en auglýsa öðru hverju og endurnýja áhugann

Gríðarlegur áhugi á „besta starfi í heimi“

Freedom ministries

Við skelltum okkur í messu í hádeginu. Fórum í kirkju Freddie Filmors í Apopka. Það er virkilega skemmtilegt að koma þangað, fólkið tekur virkan þátt í athöfninni og músíkin frábær.

Þegar við komum til baka skelltum við okkur út á bekk í sólbað... við getum ekki komið heim hvít eins og við höfum dottið ofaní hveitipoka... eftir mánuð í Flórída.

Komin aftur í hitann í Orlando

Lúlli tékkaði okkur út af hótelinu á meðan ég hljóp maraþonið. Það var kalt í Georgíu þess vegna drifum við okkur suður. Kl 2 lögðum við af stað til Orlando og keyrðum samfleytt í 6 klst. fengum herbergi á áttunni sem við vorum á síðast. Hún er á mjög þægilegum stað.

SUPER 8 ORLANDO / NEAR UNIVERSAL    
International Dr &  (5900) American Way,
Orlando, FL 32819 US    
Phone: [phone]   herb. 205

Fjölgar þá hæfum konum sem bjóða sig fram?

Þó ég sé kona, þá er ég ekki fylgjandi kynjakvóta.
Við eigum margar hæfar konur sem gefa sig fram í þau störf sem þær girnast... þær stjórna ekkert betur vegna þess að þær eru konur. Sá hæfileiki sem þær þurfa að hafa til að valda starfi sínu er áunninn og meðfæddur.
Sú staðreynd að það eru færri konur í stjórnunarstörfum er ekki vegna þess að við höfum ekki hæfar konur... heldur vegna þess að þær bjóða sig ekki fram. Kynjakvóti gæti frekar komið óhæfum eða vanhæfum konum að... það myndi skaða ímynd kvenstjórnenda.
Fyrir utan það... hver vill vera valinn vegna kyns en ekki vegna hæfni.

Félagsmálaráðherra: Aðhyllist kynjakvóta

Hver er ekki spilltur?

Jesús sagði: Sá yðar sem syndlaus er kasti fyrstur steini á hana (konuna sem var staðin að hórdómsbroti) Hvergi er minnst á manninn sem hún var með... það hefur sennilega þótt eðlilegt að kenna bara konunni um og dæma hana eina. Dæmigert að hegningin lendi á lægri þjóðfélagsþegni.

Nú kasta menn skóm, það er niðrandi hjá múslimum en ekki hjá Íslendingum. Hvað um það... það á að kasta í gullkálfinn, táknmynd auðs og spillingar. Gott og vel, það er allt í lagi að mótmæla og sennilega hirða menn síðan skóna sína upp og fara með þá heim aftur.

Annað orðatiltæki er að kasta steinum í glerhúsi... það er ekki hægt að kasta í neinn án þess að það leiti til manns sjálfs á einhvern hátt. Við erum öll spillt.
Hver myndi ekki vilja kaupa hlut nótulaust og sleppa við vsk?
Hver myndi ekki þiggja vinnu hjá frænda?
Hver myndi ekki þiggja allskyns fríðindi sem væru ekki talin til skatts?
Hver vill ekki vera ávaxta fé sitt með bestri ávöxtun?

Við verðum öll ánægð ef þetta tekst, en hundfúl ef það bregst.

Kasta skóm í gullkálfinn

Warner Robins, Georgía

Við komum rétt eftir hádegið, þetta er stærri bær en við héldum, allar helstu keðjurnar eru hér. Við komum okkur fyrir og erum að fara út að borða.

Super 8 Warner Robins, 
105 Woodcrest Blvd. Warner Robins, GA 31093-8825 US
Phone: [phone] Room 111

Hvílíkt bull

Sigurbjörg var með þessu að fá fólk almennt til að taka afstöðu á móti ráðherrum og með sér. Til hvers nefndi hún skilaboðin... hún þurfti þess svo sannarlega ekki.  Mér finnst Sigurbjörg hafa skemmt fyrir sér með þessu og reyna svo að snúa sér út úr vandræðunum með því að segja að,

,,fyrir henni hafi aðeins vakað að koma almennum skilaboðum á framfæri, en ekki persónulegum, um hvað hefði áhrif á það hvort og hvernig fólk tjáði sig á opinberum vettvangi."

Hvílíkt bull... Sigurbjörg ætlaði að láta þetta hafa áhrif á fólkið sem hlustaði á hana á fundinum.

Ráðlegging eða boð?

Ekki nóg að tvöfalda

Nú höfum við hjónin keyrt tugþúsundir mílna í Bandaríkjunum. Vegirnir eru frábærir, ekki bara það að akgreinarnar séu aðskildar, heldur eru vegirnir beinir og brýr eða upphækkanir sem taka af allar lautir og dældir í landslaginu. 
Í þessu hafa yfirmenn vegamála verið að spara á Íslandi. Það er ekki nóg að tvöfalda og hafa síðan allar slysagildrurnar áfram á veginum.
Veghlutinn  í Kúagerði er bæði dæld og beygja... þar voru flest slysin fyrir tvöföldun brautarinnar og þarna hefðu átt að eiga sér stað endurbætur þ.e. upphækkun og taka beygjuna af.

Lenti utan Reykjanesbrautar

Lake Park, Gerorgía

Við keyrðum frá Florída áleiðis til Warner Robins, Georgíu í morgun. Ákváðum að gista á leiðinni í lake Park. Fundum okkur áttu og komum okkur fyrir. Það er kaldara hérna norðar.

Super8 4907 Timber Drive, Lake Park, GA 31636
Phone [phone] Room 216

Trúmál og siðferði

Ég var að skoða bloggflokkana og sá að það var búið að breyta nafni flokksins ,,trúmál" í ,,trúmál og siðferði"... flokkar sem hljóta þá að hanga saman... þó siðferði eigi auðvitað við alla líka hina vantrúuðu.

Það er sama hvaða trú fólk aðhyllist... Budda, Islam, Hindú, Gyðingdóm, Kristni eða Vantrú... allt þetta fólk reynir að lifa eftir svipuðum reglum og boðorðum og vill vera í sátt og samlyndi við aðra. Innan um í öllum þessum hópum eru til öfgahópar.

Hér á landi hafa oft verið spyrt saman þessi tvö orð ,,kristið" og ,,siðferði." Oftast er þá átt við að siðferðið sé trúarlegt... en ekki samfélagslegt atriði.  

Ég hef áður bloggað um skiptingu boðorðanna 10...
http://bryndissvavars.blog.is/blog/bryndissvavars/entry/642887/ 
http://bryndissvavars.blog.is/blog/bryndissvavars/entry/637734/

Fyrstu boðorðin varða samband manns við Guð og teljast því trúarlegi hluti þeirra... seinni hluti þeirra þ.e. frá og með hvíldardagsboðorðinu er samfélagsreglur... reglur sem eru gerðar fyrir manninn svo honum geti liðið vel og verið óttalaus í samfélagi við aðra. 
Þessar reglur gilda alls staðar hverju sem menn trúa...

Það er sérstaklega vantrúað fólk er í einhverri nöp við orðalagið ,,kristilegt siðgæði" og þeir blanda því meira að segja við Gamla testamentið... en réttilega væri aðeins hægt að tengja það við Nýja testamentið og boðorð Jesú um að elska Guð og náungann eins og sjálfan þig.  

Kenndedy Space Center á Canaveralhöfða

Veðurspáin var 40% líkur á rigningu í Orlando, svo við renndum niður á Cocoa Beach.
Við völdum tollvegina - mikið fljótlegra en vorum samt sem áður rúma klst á leiðinni.

Á leiðinni stoppuðum við og keyptum okkur Kentucky kjúlla.... frábært 

Ég sá í gær að það átti að skjóta upp eldflaug um hádegið... í morgun sá ég að það var búið að fresta skotinu til 7 um kvöldið...

Við ætluðum því að hafa daginn fyrir okkur til að kanna gamlar slóðir.

Þegar við komum í Kennedy Space Center var búið að fresta skotinu þar til annað kvöld... svo þetta var fýluferð til að sjá með eigin augum, eldflaug skotið upp.

Cocoa Beach er mjög fallegur staður og skemmtilegar brýrnar sem maður keyrir yfir til að komast þangað.
Við renndum auðvitað að mótelinu sem við vorum á þegar við vorum hér síðast og kysstum fjöruna...
Lúlli fer nú ekki niður í fjöru á þess að láta hafið þvo á sér tærnar... Held það hafi verið svolítið kalt

Við skelltum okkur á sjóbretti

Við sluppum nær alveg við rigningu í dag og á Cocoa Beach var hitinn um 25 °C... það rigndi þegar við komum aftur til Orlando.

Ég vann líka...

Ég hef aldeilis fengið að heyra það frá eiginmanninum í gegnum tíðina... hann hefur stöðugt gert grín að því að ég skuli hafa ,,fúlu röðina" í áskrift.

,,Fúla röðin" er afmælisdagar fjölskyldunnar 5, 7, 17, 25 og 30... þar sem tvær dætur eru fæddar 5. þá var sjöttu tölunni bjargað með húsnúmerinu í Víkingalottóinu...

Allir vinningshafar komnir fram

Samfélagsþjónusta í sekt!

Það var tími til kominn að mótmælendur sem hafa unnið skemmdarverk, séu handteknir. Kröfur þeirra eru einmitt að aðrir séu látnir standa skil á gerðum sínum... ekki geta þeir talið sig undanskilda lögum.
Þeir sem geta mætt til að mótmæla á hinum og þessum stöðum og á öllum tímum... eru kanski atvinnulausir og geta því ekki borgað þær sektir sem þeir fá... þeim ætti að gefast kostur á að vinna sektina af sér með samfélagsþjónustu.  Það er ekkert nema mannbætandi.

Það væri hægt að nota þá til að þvo byggingar sem hafa orðið fyrir ,,aðkasti" og svo vantar lögreglunni aðstoð við að halda aftur af ,,óróaseggjum"

Tveir mótmælendur handteknir