Fjölgar þá hæfum konum sem bjóða sig fram?

Þó ég sé kona, þá er ég ekki fylgjandi kynjakvóta.
Við eigum margar hæfar konur sem gefa sig fram í þau störf sem þær girnast... þær stjórna ekkert betur vegna þess að þær eru konur. Sá hæfileiki sem þær þurfa að hafa til að valda starfi sínu er áunninn og meðfæddur.
Sú staðreynd að það eru færri konur í stjórnunarstörfum er ekki vegna þess að við höfum ekki hæfar konur... heldur vegna þess að þær bjóða sig ekki fram. Kynjakvóti gæti frekar komið óhæfum eða vanhæfum konum að... það myndi skaða ímynd kvenstjórnenda.
Fyrir utan það... hver vill vera valinn vegna kyns en ekki vegna hæfni.

Félagsmálaráðherra: Aðhyllist kynjakvóta

Athugasemdir

[Björn Leví Gunnarsson, 16.1.2009 kl. 16:46]

Það má kannski benda á að kyn getur stundum aukið hæfni fólks í ákveðnum störfum. Helst þeim störfum þar sem mikill munur er á hlutfalli kynjanna. Nefni þar öll störf þar sem mannleg samskipti eiga sér stað ... aðallega vegna þess að staðalímyndir eru gríðarlega sterkar. Hæfni hins kynsins eykst því með það að markmiði að eyða kynbundinni staðalímynd starfsins.

Þessi staðreynd endurspeglast í þeim lögum þar sem tilgreint er að ef tveir jafnhæfir einstaklingar af hvoru kyni sækja um starf þá skal ráða þann sem er í kynjaminnihluta

[Bryndís Svavarsdóttir, 16.1.2009 kl. 22:41]

Sæll Björn Leví,
Er það ekki svolítið annað að velja á milli ,,jafnhæfra" og að ráða konu vegna þess að það eru færri konur í þessari tilteknu starfsgrein.
Er hjartanlega sammála þér að kynjaskipti auðgi starfsstétt, mannleg samskipti og staðalímyndir... en það er líka áberandi að konur sækja meira í störf sem mannleg samskipti spila stóran þátt s.s. umönnunarstörf, verslun og þjónustu.   

[Björn Leví Gunnarsson, 17.1.2009 kl. 00:33]

Jafnhæfi er mjög teygjanlegt hugtak er í raun það sem ég er að reyna að segja.