Indianapolis IN - Louisville Kentucky

Við sóttum bílinn, fengum æðislegan van...og keyrðum um 130 mílur suður, stoppuðum aðeins á leiðinni til að vekja okkur. Byrjuðum á hótelinu,við gistum  í IN þótt hlaupið sé í KY... síðan sóttum við númerið, fórum á Golden Corall og þá passaði að fara að græja morgundaginn.

 

Days Inn, Jeffersonville IN

354 E Boulevard, Jeffersonville IN US 47130

phone [phone] room 222

Kefl - DC - Indianapolis IN

 GLEÐILEGT SUMAR ☺

Þetta verður langur dagur. Vaknaði kl 8 am til að vera tilbúin, mætt í Víðistaðakirkju um kl 10. það voru 7 börn fermd hjá okkur. 

Ég var komin heim um hálf eitt og við brunuðum í Keflavík þar sem gamla "ástin" fékk dekur hjá Týra.

Við vorum orðin glorhungruð þegar við komum í betri stofuna. Vélin fór í loftið um kl 5 en það er 6 tíma flug til DC.

það er eins gott að hafa rúman tíma á milli fluga því taskan okkar kemur alltaf síðust og við lendum svo oft í "vesenis-biðröðum" Núna var langt á milli hliða og nauðsynlegt að hafa minnst 2 tíma... við höfðum 3... flug kl 10 á staðartíma með United.

Taskan sem við tékkuðum inn til Indianapolis kom til okkar með brotið handfang... við náðum varla að kvarta... konan fór bakvið og náði í glænýja tösku af svipaðri stærð og bauð okkur að skipta. Frábær þjónusta.

við vorum orðin ansi þreytt og tætt þegar við komumst loks á hótelið, hundfúl yfir að þurfa að borga 20 usd fyrir "fríu" hótelskuttluna.

Knights Inn, Indianapolis Airport south
4909 Knights Way, Indianapolis IN 46217
Phone [phone] room 200

Raleigh NC - DC - Boston MA - Keflavik

Ég reyndi aldrei að rétta tímann við... og ég er orðin svo löt að ég nenni oftast ekki út eftir maraþonin í helgarferðum. Núna borðaði ég á Wendy´s út á horni áður en ég fór á hótelið... það kom ágætlega út. Eftir sturtuna, gekk ég frá dótinu, ég átti flug snemma og þurfti að vera búin að skila bílaleigubínum kl 8 am. 

Morgunmaturinn var frá 6am og eftir það var bara að koma sér í flugið. Bíllinn var frá Hertz og ég flaug með United Airlines, fyrst til DC og þaðan til Boston.

Ég flaug síðan í fyrsta (og vonandi síðasta) sinn heim með WOW air. Ég gerði þeim ekki til geðs að kaupa aukaþyngd á handfarangur og var því aðeins undir 5kg takmarkinu. Vélin var stór og greinilega ný (Freyja) en um borð var ALLT selt nema súrefnið. Ég verð að segja að ég hef flogið þónokkuð mikið en ALDREI flogið með flugfélagi sem gefur manni ekki svo mikið sem vatnssopa eða kaffi.

Í þessari nýju flugvél var ENGIN afþreying... það var gert ráð fyrir að maður kæmi með sína eigin tónlist eða myndir á eigin skjátölvu. Það er kannski frekar hægt að þola það á heimleið af því það er næturflug en hlýtur að vera skelfing á leiðinni út. Alla vega vona ég að ég þurfi aldrei að ferðast með þeim aftur og myndi ekki mæla með WOW við neinn. 

Raleigh NC

Vélin lenti rétt fyrir miðnætti í nótt og ég hringdi eftir hótelskuttlunni... ég leit ekki á klukkuna þegar ég fór loks að sofa... Hótelið var rétt hjá flugvellinum, eftir morgunmat tékkaði ég mig út og notaði skuttluna til að fara á bílaleiguna... var komin með bílinn kl 8 am.

Ég dinglaði mér eitthvað, fann Walmart og Dollar Tree áður en í fór í expo-ið og sótti númerið mitt... þau eru alltaf frábær hjá R'N'R seríunni.

Þá er bara næsta skref að fá sé að borða, kaupa morgunmat og hringja heim í gegnum Viber. 

Days Inn, 3201 Wake Forest Rd, NC 27609 US
Phone: [phone] room 170

Keflavik - Boston - Raleigh NC

Þetta er helgarferð... eins og síðasta ferð og ég er aftur ein á ferð. Ég er ekki alveg orðin nógu góð í fætinum en ætla að fara og gera mitt besta. Það er ekki hægt að biðja um meira... 

Það voru tæpir 3 tímar á milli fluga hjá mér í Boston og það mátti ekki vera minna. Þeir eru að setja allsstaðar upp vélar þar sem maður svarar sömu spurningum og á hvíta miðanum, vélin tekur fingraför og mynd og raðirnar eru hvíllíkt langar að ég hélt fyrst að ég myndi missa af fluginu til Raleigh.

Ég var ekki komin til Raleigh fyrr en um miðnætti og enn seinna á hótelið... 

Days Inn, 1000 Airport blvd Morrisville, NC 27560
phone [phone]  room 216

Hilo - Honolulu - San Francisco - Seattle - Keflavik

Stutt stopp hjá Marathon Maniac í þetta sinn... og MJÖG langt ferðalag. Ég gisti í Seattle á leiðinni út en nú flýg ég 2 næturflug og tapa heilmiklum tíma.

Ég flýg fyrst til Honolulu og síðan næturflug til San Francisco, þaðan til Seattle og loks næturflug heim. 

Þetta mun aðeins rífa í :/

 

Hawaii - draumastaður allra

Ég er viss um að það er betra að koma hingað að sumri til. Hitinn hefur verið um 25 stig en það er töluverður vindur, enda er þetta eyja út í miðju hafi.

Síðast vorum við á Honolulu í 2 vikur... ég verð að segja að þessi hluti sem ég hef séð af Hilo er eins og eitt stórt fátækrahverfi miðað við Honolulu... enda held ég að þangað liggi ferðastraumurinn.

 

Það er 10 tíma munur á tíma miðað við heima og ég reyni ekki að rétta hann við.  Á morgun sæki ég gögnin fyrir maraþonið.

Seattle - Honolulu - Hilo Hawaii

Þetta hefur verið langt og strangt ferðalag. Ég vaknaði eldsnemma í morgun, langt á undan klukkunni. Svo var ég með allt tilbúið áður en ég mætti í morgunmat kl 6. 

Ég tók flugrútuna kl 7:05 og það passaði ágætlega. Hawaiian Airlines var með 300 manna vél og það tók 45 mín að koma öllum í sætin sín. Flugið til Honolulu tók 6 og hálfan tíma, síðan var um 2ja tíma bið en flugið til Hilo var undir klst. 

Mín var fljót að sækja bílinn og fara í Walmart. Ég náði mér í vatn, morgunmat og fl. fékk mér að borða og tékkaði mig svo inn á hótelið. Þá lenti ég í heljarinnar veseni að komast á netið því það komu alltaf villuboð í gegnum Google Chrome... Loksins gat ég fundið Explorer og komist inn í gegnum hann. 

Hilo Seaside
126 Banyan Dr. Hilo Island, HI 96720
Phone: [phone] room 26

Keflavik - Seattle

Ég hef sjaldan tvístigið eins yfir neinni ferð eins og þessari. Í fyrst lagi hef ég aldrei farið svona í ökklanum eins og ég gerði í síðustu ferð og í öðru lagi gat ég aldrei "gleymt" honum og var alltaf að vanda mig... og svo gat ég ekkert æft.

Það var á síðustu stundu sem ég ákvað að fara og nú er ég komin til Seattle eftir nærri 8 klst flug. Þar sem ég er bara með handfarangur þá var ég fljót út og komin á hótelið eftir klst. Ég svaf ágætlega í nótt, vaknaði auðvitað allt of snemma því það er 7 tíma munur, en ég á flug til Hawaii kl 8:45.

Hilton  Airport and Conference Center,
17620 Pacific Hwy South Sea Tec 98188
Phone: [phone]

New Orleans LA - New York - heim

Við gistum aðeins 2 nætur á Midtown motel... og það var meira en nóg fyrir okkur. Við erum ýmsu vön en þetta mjög óþægilegt. Ég held að SÍMI á herbergi sé með fyrstu atriðum sem maður óskar eftir... ömurlegt að þurfa stanslaust að fara niður ef eitthvað var að eða spurning vaknaði.

Morgunmatur er ekkert MUST þegar ég er að fara í hlaup - því ég verð að borða minn mat um miðja nótt og Lúlli getur alltaf fengið sér eitthvað... Við komum seint á laugardegi, ég hljóp á sunnudeginum og fórum snemma á mánudagsmorgni...(26.jan)

Lúlli var búinn að sjá óveðursspá fyrir New York-svæðið á mánudag og hafði áhyggjur af því hvort við kæmumst heim... en við fórum með stórri vél frá Delta til New York og Icelandair hélt sinni áætlun. Þó mörg flug hafi verið felld niður þennan dag, þá komumst við heim... lentum klst seinna en áætlað var.

Við ætluðum að prófa strætó frá Keflavík, en Harpa sótti okkur upp á völl og keyrði heim. Takk fyrir góða þjónustu :D