Beaver, Utah

Við lögðum snemma af stað frá Vegas... rúmlega 8 enda ekki eftir neinu að bíða. Það var hálf míla frá hótelinu að I-15 North og síðan voru 390 mílur að næstu beyju... þ.e. að Hótelinu í Utah. Vegurinn var beinn og breiður og hraðinn frá 75-80 mílur, leyfilegt að fara í 85 eða um 140 km.   I LOVE IT

Á leiðinni stefndum við beint á fjallgarð og héldum að við værum að fara í göng gegnum fjallið, en allt í einu opnaðist rosalega flott leið, niður snarbratt og krókótt gljúfur. Lúlli tók videó af hluta af því - maður veit alltaf of seint að maður hefði átt að hafa myndavélina tilbúna. 

Við stoppuðum í Beaver u.þ.b. á hálfri leið og tókum hótel.  

Best Western Paradise Inn,
314 West 1425 North
Beaver Utah 84713

Enn í Las Vegas

Við urðum að skipta um hótel, smá mistök í pöntun heima, fengum Áttu rétt hjá og átti meira að segja punkta fyrir henni. Hvílíkur munur að vera komin á jarðhæð og rétt hjá útidyrum...

Kannski maður skreppi út að sundlaug og fái smá sólarskvettu á sig... og taka það aðeins rólega smá stund, hitinn er svo mikill að maður getur ekki verið lengi úti... svo er bara að halda sig inni í mollum og skemmtistöðum svo maður stikni ekki :)

Super 8 - Las Vegas
4250 Koval Lane, Las Vegas, NV 89109 
phone [phone],  room 1094

LA - Santa Barbara - San Diego - Las Vegas

Við flugum út á þriðjudegi 29.maí og eftir langt ferðalag vorum við komin til Los Angeles.

Miðvikudagur 30.maí... við keyrðum til Santa Barbara til Jonnu og Braga. Það er alltaf svo yndislegt að heimsækja þau... við fengum höfðinglegar móttökur. Við vorum enn hálf þreytt og á vitlausum tíma, eftir ferðalagið og tókum það rólega þann daginn. Gengum upp að strönd og fórum í Costco :)

Fimmtudagur 31.maí... Það var nóg um að tala síðan við hittumst síðast, þjóðmálin á Íslandi, kosningar og fl. gengið upp að strönd, við borðuðum kvöldmatinn snemma og spiluðum UNO á eftir. Ég fékk sms frá Eddu að pabbi hefði farið á spítala... en frétti síðan að hann hefði verið sendur heim eftir að hafa fengið rafmeðferð til að leiðrétta hjartsláttaróregluna.

Föstudagur 1.júní... Morgunmatur á IHOP, Dr. John Mark kom í heimsókn eh, það var gaman að hitta hann. Við Lúlli gengum upp að strönd. en um kvöldið fóru Jonna og Bragi með okkur á besta steikhús St Barbara, Fess Parkers, Rodneys steakhouse... og ég fékk mér aftur NEW YORK steik... ummmm 
http://www.rodneyssteakhouse.com/menu.html  svo var spilað UNO  

Laugardagur 2.júní... Nú var komið að kveðjustundinni í bili... alltaf erfitt að fara... en það var ekki hjá því komist, maraþonið daginn eftir í San Diego. Eftir að hafa faðmað, kysst og kvatt systkinin var keyrt til San Diego til að sækja gögnin fyrir Rock´N´Roll-ið. og gistum nokkrar mílur frá Sports Arena, þaðan sem rúturnar fara á startið. 

Misson Valley Resorts, 
875 Hotel Circle South, San Diego... 

Sunnudagur 3.júní... R´N´R San Diego  http://byltur.blog.is/blog/byltur/entry/1243298/ Við keyrðum strax eftir hlaupið til Las Vegas. Það var að verða dimmt þegar við komum inn í borgina. Við höfðum keypt hundódýra gistingu á svakalega flottu hóteli og Casino... en vorum síðan sett í Courtyard bakvið... hehe... með kílómetra löngum göngum... en herbergið er stórt og gott svo við getum ekki kvartað.

Palace Station Hotel and Casino,
2411 W Sahara Ave, 89102 Las Vegas 

Mánudagur 4.júní... Við dingluðum okkur eitthvað, það er brjálæðislega heitt úti, borðuðum morgunmat á IHOP og fórum í grill til Lilju og Joe um 3-leytið... en hún hafði boðið íslenskri konu og manni hennar sem búa hér, líka í mat. Lilja flýgur til Íslands á morgun og verður heima í sumar, svo við hittum hana aftur heima
.

Kef - Seattle - LA

Þetta var langt og strangt ferðalag í gær... en nú erum að vakna í LA... Lúlli hafði getað sofið eitthvað á leiðinni en ég var gjörsamlega búin þegar við komum á hótelið í nótt. Við tókum okkur hotel í Inglewood, nú liggur fyrir að keyra til stór-vina okkar og höfðingja, Jonnu og Braga. Okkur hlakkar mikið til :)

Value Inn 4751 W Century Blvd., Inglewood, CA 90304 US

Tveir í nánustu fjölskyldu hafa átt afmæli í maí...

Happy Birthday Matthías Daði 2012.wmv
Happy Birthday Sigrún 2012.wmv

Komin heim :)

Við keyrðum síðasta daginn til DC... þurftum ekkert að stressa okkur neitt, nægur tími. Ég skildi Lúlla eftir í flugstöðinni enda vorum við með töskur, kassa og reiðhjól... jammm....

Síðan skilaði ég bílnum... við keyrðum 1.398 mílur þessa daga.
Allt gekk vel, ég náði ekki að sofa á leiðinni heim. Sonurinn sótti okkur og dýrin fögnuðu Lúlla, aðallega Venus :) 

Allt er gott sem endar vel :) 

Nashville TN - Wytheville VA

Við keyrðum hingað í gær... strax eftir maraþonið. Frekar langt án þess að komast í sturtu en það varð að hafa það. Hótelið er alveg sérstaklega gott - mæli með því ef einhverjir eru á ferðinni hérna.

Days Inn
150 Malin Drive, Wytheville VA 24382 phone [phone] 

Hafnarfjörður - Nashville Tennessee

Við flugum út í gær... til Washington DC... keyrði til Harrisonburg VA... Við fengum svakalegan 8 sæta van hjá Enterprise... hann drekkur :/

Super 8, 3330 South Main Street, Harrisonburg VA. 

og það var nóg að keyra þangað, ég var orðin dauðþreytt. Við vöknuðum síðan snemma og lögðum af stað enda tæpar 600 mílur eftir til Nashville... komum þangað um 5 leytið og ég ætla ekki að fara út í kvöld.

Travelodge, 95 Wallace Road, Nashville TN,  

Síðast þegar við keyrum þetta vorum við ekki með Garmin og maður hristir hausinn núna yfir því hvað það var mikil vinna að skipuleggja leiðina og síðan fylgjast með öllu til að fara nú rétta leið. 

Emilía Líf langömmukrútt

Gleðilegt sumar.

Vá, hvað tíminn líður, langömmukrúttið orðið 3 og hálfs mán. Fékk þessa mynd á facebook, ég vona að ég sjái litla krúttið og alla fjölskylduna mína oftar þegar skólinn er búinn í maí. 

Þessir eiga afmæli í apríl...

10.apríl Ástþór Andri 

2:05

Happy Birthday Ástþór Andri 2012.wmv

 

 

 

 

19.apríl - mamma fædd 1929

Svo er hér vídeó af hljómsveit Matthíasar og ömmu.

Matthías Daði syngur Daginn í dag.wmv 

Ótrúlega léleg á síðunni :/

Vonandi stendur þetta til bóta, það er ekki hægt að halda úti síðu og skrifa ekki orð þar vikum saman... og er ég ekki í stjórnmálum ;) Þeir leyfa sér sumir að stofna síðu og gleyma því síðan að þeir stofnuðu hana.

Það er einhvern veginn þannig að þetta er bara þó nokkur vinna að standa sig á netinu. Ég blogga um hlaupin á byltur.blog.is, svo fylli ég út hlaupadagbókina á hlaup.com, maður er á facebook... og í nokkrum grúppum þar.... og svo er maður endalaust í tölvunni í sambandi við skólann. Ugla er innri vefur HÍ og þangað sækir maður verkefni og lestrarefni... öll verkefnavinna er unnin á tölvu... mér finnst ég alltaf vera í tölvunni...

En síðan í haust hef ég gert afmælisvídeó fyrir nánustu fjölskyldu og elsta dóttlan átti afmæli í byrjun mars... En þessi hafa átt afmæli síðan ég skráði síðustu afmælisvídeó...

Sigurður Bragi 29.des...  Happy Birthday Sigurður Bragi.wmv 
Gabríel Natan 18.febr...  Happy Birthday Gabriel Natan 2012.wmv 
Helga Lúthers 5.mars... Happy Birthday Helga 2012.wmv

Fyrir utan að pabbi átti afmæli í janúar og Bragi höfðingi í Santa Barbara átti afmæli í febr.
Happy birthday to you all :) 

 

Mikið að gera í skólanum

Máltækið segir að það sé ekki gott að vera iðjulaus... hver samdi það eiginlega, Það er enginn algerlega iðjulaus... þetta er dulbúin athugasemd um leti.

Mig langar til að vera löt í nokkra daga, en ég má ekki vera að því... Fyrir liggja ritgerðir, smáverkefni og stærri verkefni, prédikanir og fleira. þessi önn í skólanum verðu töff... en líka hin síðasta.

Næsta vika verður verkefnavika, frí í skólanum og þá verð ég helst að loka mig inni og skrifa, reyna að skrifa styttri ritgerðina (texti ca 16 bls) svo ég geti byrjað á hinni sem á að vera 25-30 bls.

Gegnum öryggisleit í USA á röngu nafni

Það er frekar erfitt að eiga tvö næturflug í röð eins og við eigum núna. Við tékkuðum okkur út af hótelinu í Phoenix og urðum eiginlega að hanga þar til miðnættis þegar vélin fór. Ekki gátum við verslað - plássið búið.

Það vildi þannig til að maginn hafði verið gersamlega öfugur í mér í nokkra daga og ég svaf lítið nóttina áður. Við keyrðum eitthvað um en síðan leyfði Lúlli mér að leggja mig, ég hallaði sætinu aftur og svaf um 2 tíma. Við keyrðum um sama svæði og síðustu skipti sem við höfum verið í Phoenix og vorum sammála um að kaktusum hafði fækkað stórlega.

Við borðuðum á buffeti og mættum snemma upp á flugvöll… vorum með þeim fyrstu til að tékka okkur inn. Konan ,,sá” að við áttum ekki sæti saman og setti okkur í öftustu röð. Við samþykktum allt því við vorum með 2 smekk-fullar töskur og alltof mikinn handfarangur. Við fórum gegnum öryggisleitina og alla leið inn í aftasta sæti í vélinni – Ég hafði ekki setið lengi þegar indversk kona kom og taldi að ég sæti í hennar sæti… þegar við skoðuðum báða miðana, þá hafði ég komist í gegnum allt eftirlit á hennar nafni… við vorum báðar með miða á hennar nafni.

Ég gat sofið á leiðinni... varð að gera það til að geta lifað af þennan dag í Boston. Við lentum kl 7 um morguninn. Við vorum með aukatösku og byrjuðum í Walmart, síðan Target og fl. Tókum nokkur moll á þetta og Buffetið okkar í einu þeirra.

Síðan skiluðum við bílnum um kl 5... þetta var orðið ágætt. Tvö heil maraþon og eitt hálft, skipt við þrjár bílaleigur (Advantage, Dollar og Budget), flogið með Icelandair, Delta og jetBlue.

Nú bíðum við eftir kalli út í vél í Boston og verðum komin heim í fyrramálið.

Tvö næturflug heim. AZ - MA - IS

Við eigum flug til Boston um miðnætti og lendum þar um 7 leytið... Þar bíður okkar bílaleigubíll sem við ætlum að snatta á þar til Icelandair vélin fer um kvöldið. Pabbi ætlar svo að sækja okkur upp á völl.

Santa Barbara CA - Phoenix AZ

Við kvöddum vini okkar í Santa Barbara með trega og keyrðum til Arizona... 10 tímar með stoppum. Við keyrðum 1 tíma fram í tímann og það var orðið hressilega dimmt þegar við komum.

Hótelið er hrörlegt að utan í myrkrinu... og tveir indverjar afgreiddu okkur þegar við tékkuðum okkur inn í þvottahúsinu þeirra. Þetta leit ekki vel út EN viti menn, herbergið er frábært, þrifalegt, stórt með litlu eldhúsi... ég verð greinilega að éta ofaní mig það sem ég hef sagt áður (að allt virtist drabbast niður hjá þeim)... sennilega er þetta eins misjafnt hjá öllum hóteleigendum, sum eru slæm og sum góð þó þau séu undir sama nafni.

Knights Inn
2510 West Palos Verde, Phoenix

Los Angeles - Santa Barbara :)

 I LOVE IT  
Hvílík dásemd. Flugið frá Orlando til Los Angeles var 5 klst. Við höfðum upphaflega keypt hundódýrt flug til San Diego með millilendingu í LA... og fórum bara út þar. Delta var ekki eins liðlegt og jetBlue að merka töskurnar til LA og merkti þær til San Diego. En konan í týndu-tösku-vandræða-deildinni í LA lét sækja þær fyrir okkur :)

Við sóttum bílaleigubílinn og keyrðum til stór-vina okkar í Santa Barbara
Þar urðu fagnaðarfundir. Það er svo dásamlegt að heimsækja þau Jonnu og Braga. Við tókum því bara rólega, enda vöknuðum kl 3:30 síðustu nótt og svo er 3-4 tíma munur á tíma hér. Við fórum því snemma að sofa í gær og vöknuðum fyrir allar aldir í morgun.

Í Santa Barbara biðu okkar nokkrir pakkar...

Fljúgum til Los Angeles í fyrramálið

9.jan mánudagur
Síðasti dagurinn í Orlando. Í stað þess að borða morgunmat á hótelinu, þá ákváðum við að borða öll saman á Golden Corral… frábært.  Síðan var búðarráp… við Lúlli vorum bara dugleg, hann fékk sér stakan jakka og skó og ég fékk mér kjól, 2 toppa og tvenna skó… ég toppa hann alltaf ;)

Um miðjan dag fórum við til baka, til að pakka. Við eigum flug til LA kl 7 í fyrramálið.