Denver Colorado...

Beint flug til Denver er 7 tímar og 40 mín... síðast þegar við lentum hér fórum við með rútu í eftirlitið en núna vorum við látin ganga þangað og það var smá spotti... Allt gekk síðan vel, ég þurfti ekki að rífa upp pylsurnar sem Dísa átti að fá - gegnumlýsing nægði.

Flugvöllurinn er um 10 mílum fyrir utan Denver og bílaleigurnar á leiðinni... en það er reglan í USA-flugi að maður lendi í björtu og það sé svo orðið niðdimmt þegar maður fær bílinn. 

Við stoppuðum í Walmart á leiðinni á hótelið og ég þekkti mig um leið og beygði út af I 70... Þetta var rétt hjá þar sem við vorum 2 daga í júní... Núna erum við við Cherry Creek.

Dísa og dóttir hennar biðu eftir okkur við hótelið þegar við komum svo við gátum skilað dótinu af okkur og hún var með fullan poka af ýmsu matarkyns fyrir okkur. Þá var bara að bera sig inn og fara að sofa enda klukkan rúmlega 4 um nótt á okkar tíma.

Homestead Cherry Creek
4444 Lettsdale Drive, Denver Co, 80246
phone: [phone], herbergi 102 

Til hamingju með afmælin :)

♥ ♥ ♥ Það eru 3 sem eiga afmæli þessa dagana.

♥ Ísak Lúther varð 16 ára í gær 24.júl. 
Innilega til hamingju með afmælið sæti, vona að dagurinn hafi verið þér minnisstæður, 16 ára afmælisdagurinn er nokkuð stór tímamót :)

1:41

Happy birthday Isak Luther, 2012

 

 

 

 

og síðan eiga
♥ Jonna og ♥ Lúlli afmæli í dag, 25.júlí. 

♥ Jonna á stórafmæli 90 ára í dag... Innilega til hamingju með daginn elsku Jonna mín, vona að dagurinn verði þér gleðilegur og eftirminnilegur.

2:27

Happy Birthday Jonna age 90, 2012

 

 

♥ Síðast en ekki síst á elsku kallinn minn afmæli - og eldist samt ekki neitt - skrítið...
Innilega til hamingju með daginn Lúlli minn... ég held þetta sé dagurinn sem þú átt að dekra sérstaklega við mig - er það ekki ;) 

3:28

Happy Birthday Luther 2012

 

 

♥♥♥ Innilega til hamingju með afmælin ♥♥♥

Selvogsgatan - tékk

Ég hef gengið Selvogsgötuna í fjöldaára... man ekki hvað ég hef farið hana oft... en oftast hef ég verið ein - með Guði :)

Á síðasta sumri - aldrei þessu vant - gekk ég ekki heldur hjóluðum við Lúlli í Selvoginn... en í morgun var sett -tékk- á Selvogsgötuna.

Ég var ein, Lúlli keyrði mig upp að björgunarskýlinu við Bláfjallaveg, veðrið var ágætt, svalur vindur í bakið og rigningarúði langleiðina... en síðan létti til og sólin lét sjá sig. Fyrir utan nokkra fugla, fann ég fé á leiðinni - humm... er samt ekkert ríkari ;)

Garmurinn mældi leiðina 14,5 km og ferðin tók mig 2 tíma og 57 mín. 

37 ára brúðkaupsafmæli :)

Minnisstæðasti brúðkaupsafmælisdagurinn var fyrir 2 árum,


 
En þá gekk nær öll fjölskyldan á Helgafell í tilefni dagsins. Veðrið í dag er álíka gott og fyrir tveim árum þegar við slógum upp veislu og borðuðum sjónvarpsköku á toppnum. Þá sá ég svo sannarlega hvað ég er rík. Þessi dagur lifir í minningunni. Takk allir :)

Nú get ég notað ,,tékkið"

LOKSINS var komið að því, Emilía litla er orðin 6 mánaða og kominn tími á mynd af ættliðunum.

Þrif - tékk
útskriftarveisla - tékk
myndataka - tékk

Einn af mínum stóru dögum var í gær... Ég er svo ánægð yfir því hvað boðið heppnaðist vel í gær...
ég ákvað svolítið seint að hafa útskriftarkaffi í gær fyrir nánustu fjölskyldu... og það gátu næstum allir mætt :) Við vorum 23 í allt.

Dagskráin byrjaði kl 3 með FIMM-ættliða myndatöku, sem tókst frábærlega vel. Uppröðunin var eftir aldri og tign svo ekki fari neitt á milli mála :) Dagurinn heppnaðist frábærlega vel... og ekki skemmdi að veðrið var dásamlegt og hægt að vera líka úti á palli. 

Hvað varð um framtakssemina ?

TO-DO listinn var margra metra langur... og ég ætlaði að byrja að strika út af honum um leið og ég kæmi heim...

1... þrífa - tékk...
2... útskriftarveisla - tékk... 
3... litapartý... tékk...
4... 5... 6... 7... og svo framv.

EN ég hef ekki einu sinni tékkað á listanum... hef sem sagt EKKERT gert af því sem ég ætlaði að gera... nema dandalast úti á hjólinu, hlaupið og gengið í ratleiknum :) 

Það er tvennt til ráða... byrja á einhverju eða strika bara út það sem er ekki bráðnauðsynlegt og ef ég byrja á því sem er efst... þá verður nr 1 að bíða betri tíma :)

Komin heim aftur

Við komum heim snemma í gærmorgun, sonurinn sótti okkur á völlinn. Á meðan við vorum úti var tengdur ljósleiðari inn í húsið og tengingin við tölvuna okkar og sjónvarpið var ekki græjuð. En nú er netsambandið komið.

Ég tók upp úr töskunum í gær og gekk frá dótinu. Dæturnar komu allar í heimsókn, ég missti að vísu af Helgu því ég var í heimsókn hjá pabba á lansanum. Hann er betri en hann var en ekki nógu góður. 

Nú liggur fyrir útskrift á laugardaginn... en veislan fyrir nánustu fjölskyldu bíður betri tíma  

Denver Colorado

Við sitjum í betri stofu UNITED í Terminal B... á Denver International Airport... Við þurftum að skila bílnum snemma, upp úr hádegi og því höfðum við góðan tíma til að fara í betri stofuna... En fyrir þá sem hafa skamman tíma er betra að sleppa því. 

Stofan er svolítið útúr fyrir Icelandair farþega. Við þurfum að fara með lest yfir í Terminal A þaðan sem við förum um borð. Hér er enginn matur, bara snakk, kaffi og hægt að fá suma drykki frítt. Þeir sem ætla að stoppa hérna til að borða fyrir flugið... geta því líka sleppt að koma.

En hér er hægt að fara á netið :)

Red Rock, Colorado

Keyrðum til Red Rock eftir hádegið í dag... Þetta er í 3ja sinn sem ég kem til Colorado og er í Denver. Í fyrsta sinnið hér var ekki tími til að fara, í annað sinnið gleymdi ég því en nú kom loksins að því.

Í gær hélt ég að töskuvesenið myndi verða til að við kæmust ekki en nú er það orðið að veruleika. Við eigum 2 DVD gospel tónlistardiska sem eru teknir upp á tónleikum í Red Rock. Þess vegna var æðislegt að koma loksins á staðinn. 

 

Red Rock Colorado June 2012.wmv

 

Gleðilega þjóðhátíð :)

Las Vegas, Nevada - Denver, Colorado

Vaknaði kl 5 í morgun... gengum frá því síðasta af dótinu og ég tékkaði okkur út. Það var stutt upp á flugvöll... Ég keyrði Lúlla að innrituninni og skilaði bílnum.  Við höfðum keyrt um 1850 mílur... 
Morgunmaturinn á Saga Lounge, bauð ekki upp á betra en meðal-Super8.
Þar munaði minnstu að ég týndi kortaveskinu mínu, það rann undir stólinn og japönsk kona benti mér á það.
Ég gat þakkað henni fyrir með dvd-diski um Ísland... ég held að hún hafi verið ánægðari en ég :)

Við flugum með UNITED til Denver. Ballið byrjaði þegar við sóttum töskurnar sem við þurfum að borga undir í Las Vegas...

Stóra taskan hafði verið skorin upp meðfram rennilásnum á tveim hliðum... og síðan teipuð lauslega saman og utan á töskunni var poki með dóti flæktur í teipinu sem var merkt Transportation Security Administration... Þeir hafa ekki fattað að það átti að opna hana að framan.

Ég kvartaði í starfsmann UNITED en hann benti á TSA. Þar fékk ég spjald með símanúmerum og netfangi. Enginn svaraði í fyrra símanúmerinu en í því seinna lenti ég í könnun savings2go og átti að fá sendan vinning og alltaf beið kvörtunin mín út af töskunni...

Ég var gjörsamlega græn fyrir því að ég hefði lent í símtali sem hafði verið brotist inn í... Ég var að hringja í öryggisþjónustu Bandarísku flugvallanna... en ég sá síðan þegar ég fletti upp þessu savings2go á netinu, að þetta var svindl-fyrirtæki... og ég búin að gefa upp kortanúmer.

Ég sendi því kvörtunina mína til TSA varðandi töskuna á email og sendi annað email til Vísa á Íslandi og lét loka kortinu mínu. Þessir svindlarar skulu ekki fá krónu frá mér.

Hótelið okkar er frábært....

Best Inn and Suites,
4590 Quebec Street, Denver, CO 80216 

RIO, Casino Las Vegas... Újé ;)

Við skelltum okkur að sjá show-ið sem við ætluðum að sjá í síðustu viku... Höfðum verið þarna áður og fannst það skemmtilegt.

Eftir söng-og skemmtiatriði, byrjaði sýningin í loftinu en þá runnu vagnar með dönsurunum á brautum eftir loftinu og hentu niður perlufestum til þeirra sem veifuðu til þeirra... 

Þegar við vorum að fara byrjaði skemmtiatriði á barnum... og við stóðum einmitt við barinn.

Barþjónarnir voru hreinustu snillingar, Lúlli náði hluta af því á vídeó... hreinasta snilld.

 

World Champions, bartenders at Rio Casin…

 

Palace Station Hotel and Casino

 Komin á Kasíno-ið... við erum með herbergi við sundlaugina og það er spáð 40°c út vikuna. Ég held að þetta sé bara snilld að baka sig hér í garðinum... ekki getur maður komið heim náhvítur... eins og maður hafi dottið ofaní hveitipoka 

Nú er bara að drekka nógu mikið 

Palace Station Hotel and Casino
2411 W Sahara Ave, Las Vegas NV 89102,
Room 1629  

Úff... 40°c í Las Vegas

Vegna þess að það varð breyting á ferðalaginu hjá okkur þá vantaði okkur gistingu síðustu nótt. Við höfðum keyrt frá Lehi til Vegas og fórum beint á áttuna. Ljónið hitti bangsa á leiðinni.
Þar fyrir utan opnaði ég tölvuna og pantaði herbergi fyrir punkta... ferlið tók ekkert smá langan tíma... netið var svo hægt og pöntunin fór ekki í gegn strax fyrir mín mistök... en loksins því hótelið var nær uppselt. 

Þetta er miklu betra hótel en Casino-ið sem við förum á í dag og verðum þar til 16.júní. 

Super 8 - Las Vegas
4250 Koval Lane, Las Vegas, NV 89109 

phone [phone],  room 1078 

Lehi, Utah

Það var ekki löng keyrsla frá Beaver til Lehi. Við gistum hér í tvær nætur fyrir Utah Valley Marathon. Þetta er ágætis hótel en ég gerði smá mistök ??? eða ég man ekki hvort það var hægt að fá hótel á viðráðanlegu verði nær.  Ótrúlega óskemmtileg götuheiti hér... snúin til að setja í Garmin.

Days Inn, Lehi Utah,
280 N 850 E, 84043 Lehi