San Diego - Santa Barbara

31.maí
Ég fór um miðja nótt og hljóp. Lúlli varð eftir á hótelinu enda er fyrirkomulagið á hlaupinu þannig að það er best fyrir hann. Síðast þegar ég hljóp hérna vorum við á öðru hóteli hérna í götunni og þá beið Lúlli líka á hótelinu á meðan ég hljóp.

Eftir R´N´R San Diego maraþonið sótti ég Lúlla á hótelið og við keyrðum beint til Jonnu okkar. Það er 4-5 tíma keyrsla til Santa Barbara og við komum um kl 8 um kvöldið.

Ó hvað það var gott að hitta Jonnu okkar og Matta sem á ógurlega bágt núna því hann er með húðkrabbamein grey kisan.... en þetta verða dásamlegir dagar hérna hjá kærum vinum okkar.

...............

1.júní
Við getum ekki heimsótt Santa Barbara án þess að kyssa ströndina. Við gengum “upp” að strönd í morgun. Það var skýjað og aðeins kalt ca 15°c

Eftir hádegið fórum við aðeins á rúntinn en annars er þetta bara afslöppun. Við fórum með Jonnu í Costco, versluðum vítamín og keyptum stóran, safaríkan steiktan kjúkling til að borða í kvöldmat. Eftir matinn gripum við aðeins í spil... UNO UNO

Denver - Las Vegas - San Diego

30.maí 2015
Við gistum á flughóteli, sem þýðir að morgunmaturinn er frá kl 4:30 am... auðvitað kom það sér vel fyrir okkur því við erum á kolvitlausum tíma.
Við höfðum pantað skutlu á flugvöllinn kl 9:15 og það veitti ekkert af tímanum til að ná flugi kl 12 á hádegi. Nú innrita sig allir inn í vélum og það þýðir biðröð við vél... svo var mikið að gera í öryggisleitinni og þaðan fórum við í lest í okkar terminal.

Við flugum með Spirit... í  fyrsta sinn (sem við ætlum að forðast í framtíðinni) Við flugum fyrst til Las Vegas, skiptum um vél og flugum svo til San Diego. Við fengum bílinn hjá Fox og þaðan lá leiðin til að sækja gögnin fyrir maraþonið.

Ég verð að viðurkenna að ég var orðin mjög stressuð... af því að fá ekki bílastæði og vera föst í bílaröð við Convention Center. Það endaði með því að þegar ég var búin að borga okkur inn í bílastæðahúsið – þá tók Lúlli við bílnum og ég hljóp að ná í númerið. Það mátti varla tæpara standa – ég náði inn korter fyrir lokun, fékk númerið, keypti mér bílastæði og rútumiða fyrir hlaupið og fór út án þess að geta skoðað mig neitt um.

Næsta skref var að koma sér á hótelið og græja sig fyrir nóttina.

Super 8, Sea World Zoo Aria,
445 Hotel Circle South, Mission Valley San Diego CA 92108
phone: [phone]

Keflavik - Denver

Saga Lounge var fyrsti viðkomustaður. Síðan flaug Surtsey með okkur til Denver. 7 tímar og 20 mín.

Við gistum hér eina nótt og höldum áfram á morgun.

Microtel Inn and Suites

18600 E 63rd Ave, Denver Co 80249

phone [phone]

Það er að koma sumar :)

Það sem af er ári hefur liðið ótrúlega hratt. Það hefur verið nóg að gera og stutt á milli ferða. Veðrið er ömurlegt úti... ég held það sé einn af stóru kostunum núna að hafa skammtíma-veður-minni... 

Nú er vetrarstarfinu að ljúka og þá vaknar allt til lífsins aftur :)

Detroit MI - Boston MA

Við vöknuðuðum hálf 5, fengum okkur morgunmat, pökkuðum endanlega og tékkuðum okkur út. Við erum alveg við flugvöllinn og stutt að skila bílnum. Við fljúgum með jetBlue til Boston kl 9:30. Allt hefur gengið vel og maður er alltaf þakklátur fyrir það

Toledo OH - Detroit MI

Ég var skráð í maraþon hérna í dag en ég hætti við það. það gengur ekki að ætla að taka tvennu svona æfingalaus... svo við sváfum út, borðuðum morgunmat og keyrðum til Detroit.

Eftir að hafa tékkað okkur inn fórum við í smá búðarráp. Ég fann í hverju skrefi að það hafði verið rétt hjá mér að sleppa maraþoninu.

Við borðuðum á All American, enda erum við hálf amerísk... pökkuðum og slökuðum á.

 

Knights Inn, Romulus

9863 Middle Belt Rd. Romulus MI 48174

phone [phone] room 216

Louisville KY - Toledo Ohio

Það var grenjandi rigning þegar við vöknuðum, svo Lúlli ákvað að bíða á hótelinu. Ég fór því ein í maraþonið. Eftir maraþonið sótti ég Lúlla á hótelið og við keyrðum 300 milur norður til Toledo Ohio. Það rigndi megnið af leiðinni.

Við stoppuðum í Walmart um 5 leytið og fengum okkur kjúkling. Við komum á hótelið um kl hálf 10 um kvöldið. Vá hvað það verður gott að komast í sturtu og slaka á.

Days Inn, Toledo,
1800 Main Street, Ohio 43605
Phone: [phone] room 272

Indianapolis IN - Louisville Kentucky

Við sóttum bílinn, fengum æðislegan van...og keyrðum um 130 mílur suður, stoppuðum aðeins á leiðinni til að vekja okkur. Byrjuðum á hótelinu,við gistum  í IN þótt hlaupið sé í KY... síðan sóttum við númerið, fórum á Golden Corall og þá passaði að fara að græja morgundaginn.

 

Days Inn, Jeffersonville IN

354 E Boulevard, Jeffersonville IN US 47130

phone [phone] room 222

Kefl - DC - Indianapolis IN

 GLEÐILEGT SUMAR ☺

Þetta verður langur dagur. Vaknaði kl 8 am til að vera tilbúin, mætt í Víðistaðakirkju um kl 10. það voru 7 börn fermd hjá okkur. 

Ég var komin heim um hálf eitt og við brunuðum í Keflavík þar sem gamla "ástin" fékk dekur hjá Týra.

Við vorum orðin glorhungruð þegar við komum í betri stofuna. Vélin fór í loftið um kl 5 en það er 6 tíma flug til DC.

það er eins gott að hafa rúman tíma á milli fluga því taskan okkar kemur alltaf síðust og við lendum svo oft í "vesenis-biðröðum" Núna var langt á milli hliða og nauðsynlegt að hafa minnst 2 tíma... við höfðum 3... flug kl 10 á staðartíma með United.

Taskan sem við tékkuðum inn til Indianapolis kom til okkar með brotið handfang... við náðum varla að kvarta... konan fór bakvið og náði í glænýja tösku af svipaðri stærð og bauð okkur að skipta. Frábær þjónusta.

við vorum orðin ansi þreytt og tætt þegar við komumst loks á hótelið, hundfúl yfir að þurfa að borga 20 usd fyrir "fríu" hótelskuttluna.

Knights Inn, Indianapolis Airport south
4909 Knights Way, Indianapolis IN 46217
Phone [phone] room 200

Raleigh NC - DC - Boston MA - Keflavik

Ég reyndi aldrei að rétta tímann við... og ég er orðin svo löt að ég nenni oftast ekki út eftir maraþonin í helgarferðum. Núna borðaði ég á Wendy´s út á horni áður en ég fór á hótelið... það kom ágætlega út. Eftir sturtuna, gekk ég frá dótinu, ég átti flug snemma og þurfti að vera búin að skila bílaleigubínum kl 8 am. 

Morgunmaturinn var frá 6am og eftir það var bara að koma sér í flugið. Bíllinn var frá Hertz og ég flaug með United Airlines, fyrst til DC og þaðan til Boston.

Ég flaug síðan í fyrsta (og vonandi síðasta) sinn heim með WOW air. Ég gerði þeim ekki til geðs að kaupa aukaþyngd á handfarangur og var því aðeins undir 5kg takmarkinu. Vélin var stór og greinilega ný (Freyja) en um borð var ALLT selt nema súrefnið. Ég verð að segja að ég hef flogið þónokkuð mikið en ALDREI flogið með flugfélagi sem gefur manni ekki svo mikið sem vatnssopa eða kaffi.

Í þessari nýju flugvél var ENGIN afþreying... það var gert ráð fyrir að maður kæmi með sína eigin tónlist eða myndir á eigin skjátölvu. Það er kannski frekar hægt að þola það á heimleið af því það er næturflug en hlýtur að vera skelfing á leiðinni út. Alla vega vona ég að ég þurfi aldrei að ferðast með þeim aftur og myndi ekki mæla með WOW við neinn. 

Raleigh NC

Vélin lenti rétt fyrir miðnætti í nótt og ég hringdi eftir hótelskuttlunni... ég leit ekki á klukkuna þegar ég fór loks að sofa... Hótelið var rétt hjá flugvellinum, eftir morgunmat tékkaði ég mig út og notaði skuttluna til að fara á bílaleiguna... var komin með bílinn kl 8 am.

Ég dinglaði mér eitthvað, fann Walmart og Dollar Tree áður en í fór í expo-ið og sótti númerið mitt... þau eru alltaf frábær hjá R'N'R seríunni.

Þá er bara næsta skref að fá sé að borða, kaupa morgunmat og hringja heim í gegnum Viber. 

Days Inn, 3201 Wake Forest Rd, NC 27609 US
Phone: [phone] room 170

Keflavik - Boston - Raleigh NC

Þetta er helgarferð... eins og síðasta ferð og ég er aftur ein á ferð. Ég er ekki alveg orðin nógu góð í fætinum en ætla að fara og gera mitt besta. Það er ekki hægt að biðja um meira... 

Það voru tæpir 3 tímar á milli fluga hjá mér í Boston og það mátti ekki vera minna. Þeir eru að setja allsstaðar upp vélar þar sem maður svarar sömu spurningum og á hvíta miðanum, vélin tekur fingraför og mynd og raðirnar eru hvíllíkt langar að ég hélt fyrst að ég myndi missa af fluginu til Raleigh.

Ég var ekki komin til Raleigh fyrr en um miðnætti og enn seinna á hótelið... 

Days Inn, 1000 Airport blvd Morrisville, NC 27560
phone [phone]  room 216

Hilo - Honolulu - San Francisco - Seattle - Keflavik

Stutt stopp hjá Marathon Maniac í þetta sinn... og MJÖG langt ferðalag. Ég gisti í Seattle á leiðinni út en nú flýg ég 2 næturflug og tapa heilmiklum tíma.

Ég flýg fyrst til Honolulu og síðan næturflug til San Francisco, þaðan til Seattle og loks næturflug heim. 

Þetta mun aðeins rífa í :/

 

Hawaii - draumastaður allra

Ég er viss um að það er betra að koma hingað að sumri til. Hitinn hefur verið um 25 stig en það er töluverður vindur, enda er þetta eyja út í miðju hafi.

Síðast vorum við á Honolulu í 2 vikur... ég verð að segja að þessi hluti sem ég hef séð af Hilo er eins og eitt stórt fátækrahverfi miðað við Honolulu... enda held ég að þangað liggi ferðastraumurinn.

 

Það er 10 tíma munur á tíma miðað við heima og ég reyni ekki að rétta hann við.  Á morgun sæki ég gögnin fyrir maraþonið.

Seattle - Honolulu - Hilo Hawaii

Þetta hefur verið langt og strangt ferðalag. Ég vaknaði eldsnemma í morgun, langt á undan klukkunni. Svo var ég með allt tilbúið áður en ég mætti í morgunmat kl 6. 

Ég tók flugrútuna kl 7:05 og það passaði ágætlega. Hawaiian Airlines var með 300 manna vél og það tók 45 mín að koma öllum í sætin sín. Flugið til Honolulu tók 6 og hálfan tíma, síðan var um 2ja tíma bið en flugið til Hilo var undir klst. 

Mín var fljót að sækja bílinn og fara í Walmart. Ég náði mér í vatn, morgunmat og fl. fékk mér að borða og tékkaði mig svo inn á hótelið. Þá lenti ég í heljarinnar veseni að komast á netið því það komu alltaf villuboð í gegnum Google Chrome... Loksins gat ég fundið Explorer og komist inn í gegnum hann. 

Hilo Seaside
126 Banyan Dr. Hilo Island, HI 96720
Phone: [phone] room 26