Dalton GA - Guntersville Alabama

Ég tékkaði mig út kl 6 am og mætti í garðinn þar sem maraþonið var. Það var rosalega gaman að hitta svona mikið af fólki sem ég þekki.

Strax eftir maraþonið keyrði ég til Guntersville í Alabama (3 tímar) og vá hvað það er fallegt hérna... mikið af vötnum og fallegt umhverfi. Ég var búin að panta herbergi á Super 8 en það var búið að skipta um nafn á því. 

Eftir að hafa farið í sturtu fékk ég mér pizzu á Pizzahut hér við hliðina og kom mér í háttinn. Kannski verð ég í smá vandræðum með tímann, ég fór yfir á annað tímabelti en síminn minn breytti sér ekki og ég get ekki fengið wake-up call hérna.

Super 8 eða ???
14341 US Highway 431 South, Guntersville AL 35976
Phone: [phone] room 235

Atlanta - Dalton Georgia

Ég hafði sett klukkuna á 7am, morgunmaturinn byrjaði kl 6 og ég ætla að fara með hótelskuttlunni kl 9:30 upp á völl að sækja bílinn. 

Það var eins gott að ég hafði nógan tíma... afgreiðslumaðurinn sagði það reglu A-Z bílaleigunnar að fá staðfestingu erlendra tryggingafélaga um að tryggingin gilti í USA. HANN gat ekki hringt erlendis og ég ekki heldur með mitt frelsi. Ég fékk að fara á netið og hringja gegnum Viber... og ég náði sambandi við Hörpu og svo Lúlla.... OG það er öruggt að mitt fyrsta verk þegar ég kem heim, verður að kvarta yfir samskiptum mínum við starfsmann Kreditkorta...

Sem betur fer voru rétt innan við 100 mílur á næsta stað... ég fór þangað sem hlaupið á að byrja, verslaði smá, fékk mér að borða og tékkaði mig inn á hótelið.

DAYS INN
1518 Weast Walnut Ave, Dalton GA, 30720 US
phone [phone], room 103

Keflavík - DC - Atlanta GA

Ég hélt ég hefði mætt alltof snemma í Leifsstöð en svo var ekki. Vélin fór í loftið eitthvað rúmlega 5 og lenti í Washington DC hálf 12 eða hálf 8 á þeirra tíma... sjálfvirka tollaafgreiðslan lá niðri og ógurlegar raðir... 

Eins gott að hafa rúman tíma í næsta flug. Ég var lent í Atlanta rétt fyrir miðnætti á þeirra tíma og komin á hótelið um hálf 1am.

Microtel Inn and Suites Atlanta Airport.

4839 Massachusetts Blvd. College Park GA 30337

phone: [phone] room 235

Portland OR - Seattle WA - heim

Ég fór snemma að sofa í gær og vaknaði um hálf 5 í morgun. Borðaði kjúkling í morgunmat í fyrsta sinn á ævinni, held ég. Síðan pakkaði ég á meðan ég beið eftir að kaffið byrjaði. 

Það er svo ekki eftir neinu að bíða, ég legg af stað þegar birtir... og ætla að koma við í einhverjum búðum á leiðinni til Seattle.

Ég verð auðvitað allt of semma á ferðinni en það er betra en að vera í stressi. Það eru um 170 mílur til Seattle.

Keflavik - Seattle WA - Portland OR

Föstudagur 2.okt.
Ég var ekki búin að taka allt úr töskunum úr síðustu ferð svo sumt var tilbúið... en þetta er svolítið stutt á milli ferða þegar næsta flug er hátt í 9 tímar.

Flugið var um kl 5eh og við lentum í Seattle kl 2am (7eh á þeirra tíma) ég var komin í gegn um skoðun og búin að fá töskuna klst síðar og bílinn eftir enn annan tíma... og ég var 4 tíma með stoppi í Walmart á leiðinni, til Portland Oregon. 

Ég sendi Bíðaranum sms að ég væri komin og sofnaði á leiðinni á koddann.

Í dag laugardag, ætla ég að versla aðeins, sækja gögnin fyrir Portland Marathon og setja helstu staðina í garminn minn.

RODEWAY INN and Suites, 
10207 SW Park Way, Portland OR 97225
Phone: [phone] room 273

Akron - Cleveland OH - Boston MA - heim

Mánudagur 27.sept.
Ég pakkaði í gær, stillti vekjarann á 4am og fór snemma að sofa. Svaf ágætlega.

Ég hitaði morgunmat og kaffi í örbylgjuofninum og tékkaði mig út kl 5... ég keyri alltaf aðeins hægar í myrkri og rigningu en kl 7 var ég búin að skila bílnum í Cleveland og komin á flugvöllinn.

Ég á flug með jetBlue til Boston kl. 9:30

............................

Það er rosalegur munur að fá síðdegisflug heim frá Boston (14:20)... og lenda um miðnætti heima og geta sofið nokkra tíma fyrir vinnu... í stað þess að mæta og vinna með ferðaþreytuna í sér allan daginn.

Bíðarinn beið á flugvellinum um miðnætti og við vorum komin heim um eittleytið.  Þá var gott að komast í rúmið sitt.

Keflavík - Boston - Cleveland - Akron Ohio

Fyrsta farfugla-haustflugið mitt.
Þetta var smá ferðalag í gær... ég er eiginlega hætt að nenna að fljúga áfram eftir kvöldflug en þetta gekk því ég fékk morgunflug til Boston og gat síðan lent í björtu í Cleveland. Það er þægilegast að geta komist út í umferðina í björtu. Það passaði að þegar ég var komin á hraðbrautina í Cleveland þá skall myrkrið á... og kl að verða 3 um nótt heima þegar ég kom á hótelið.

Ég var eitthvað um klukkutíma að keyra til Akron og er svo heppin að Walmart er við hliðina og einhver hellingur af matsölustöðum. Bíllinn sem ég fékk er algjör lúxuskerra og hótelið dekurdolla ;)

Quality Inn Conference Center
2940 Chenoweth Rd, Akron Ohio 44312
Phone [phone] room 129

Eagle River Alaska - heim

Við höfum verið nærri 4 vikur á ferðalagi um Usa. Við byrjuðum í Denver... flugum þaðan til San Diego, keyrðum til Santa Barbara og heimsóttum yndislegu frænku mína Jonnu. þaðan keyrðum við til Las Vegas, Grand Canyon, Tusayan, Williams Arizona og aftur til Las Vegas.

Við flugum til Seattle, vorum þar í viku og flugum þaðan til Anchorage í Alaska.

Ég hljóp 3 maraþon, í San Diego, Seattle og Anchorage. Ferðin tókst í alla staði mjög vel en óneitanlega var sorglegt og við slegin að fá þrjár andlátsfréttir í ferðinni og allar í sömu vikunni.

Seattle WA - Anchorage Alaska

Við vorum viku í Seattle, frá föstudegi til föstudags. Ég hljóp R´N´R Seattle Maraþonið á laugardeginum en vikan fór síðan að mestu í búðarráp. 

Á þessari viku fengum við þrjár andlátsfregnir. Joe dó á föstudegi 12.júní, Billi á sunnudeginum 14.júní og Guðrún Ásgeirs á miðvikudegi, 17.júní... við vorum slegin yfir þessu og sendum samúðarkveðjur í gegnum netið til allra aðstandenda. 

19.júní
Við borðuðum morgunmat snemma í morgun til að hafa tímann fyrir okkur, flugvöllurinn hér er nokkuð stór, og lestar a milli terminala. Við vorum bara á þægilegu róli... um leið og við skiluðum bílnum var komin hellirigning.

Við flugum með Alaska Airlines til Anchorage kl.11:40, flugið tók rúma 3 tíma.
Eins og síðast þegar við vorum hérna þá inniheldur Garmurinn okkar ekki Alaska... en við vorum svo heppin að fá bíl með innbyggðu gps.

Microtel Inn and Suites 
13049 Old Glen Highway Eagle River, AK 99577
Phone: [phone] room: 321

Las Vegas NV - Seattle WA

Við þurftum að vakna snemma, vera búin að koma dótinu út í bíl og tilbúin í morgunmat kl 7am. Morgunmaturinn var frábær eins og venjulega og við vorum búin að tékka okkur út og lögð af stað kl 8:30. Fox er aðeins útúr, en við vorum komin í flugstöðina kl 9

Við áttum flug kl 11 til Seattle en það tók 2 tíma og 15 mín og það er sama tímabelti hér. Við tékkuðum okkur fyrst inn á hótelið og fórum síðan að ná í gögnin fyrir maraþonið á morgun. Þá var Walmart næsti viðkomustaður, byrgja sig upp af vatni og kaupa morgunmat fyrir hlaupið.

Fyrstu fréttir þegar ég opnaði tölvuna, voru að Joe hennar Lilju hefði dáið á meðan við flugum til Seattle. Við vorum slegin og hefðum svo sannarlega viljað hafa verið enn í Vegas til að votta samúð okkar í eigin persónu. Við sendum Lilju, Diane og allri fjölskyldunni okkar dýpstu samúðarkveðjur.

Skyway Inn Seatac
20045 International Blvd. Seatac 98198 WA 
phone: [phone] room 151

Las Vegas Nevada

11.júní, fimmtudagur
Við höfum verið í Vegas síðan á mánudag. Hitinn hefur verið frá 36°c til 41°c. Það hefur aðeins verið skýjað stundum og það hefur bjargað okkur frá því að grillast. Svo er hitinn hérna er þurrari svo hann virkar ekki mollukenndur. 

Við heimsóttum Lilju á Sommerlin sjúkrahúsið og biðum með henni og Diane meðan Joe var í aðgerð á þriðjudaginn og í gær heimsóttum við þau bæði á spítalann. Læknirinn kíkti á Joe á meðan við vorum þar og hún var ánægð með batann... allt í áttina, sagði hún.

Í dag kíktum við á Las Vegas Blvd... The Strip og horfðum á vatnsorgelið spila þó við höfum séð það nokkrum sinnum áður og við keyrðum líka að Vegas skiltinu... skiltið er alltaf eins EN VIÐ BREYTUMST... haha

Á morgun fljúgum við til Seattle.

Williams AZ - Grand Canyon west, Skywalk - Hoover Dam - Las Vegas NV

8.júní
Sexurnar eru aldrei með morgunmat svo við lögðum snemma af stað. Það var svo sem full dagskrá hjá okkur. Við vorum búin að ákveða að fara á verndarsvæði indíana, Grand Canyon west og ganga SKYWALK... og ganga eftir Hoover Dam brúnni.

Ég hljóp Grand Canyon Maraþonið í okt 2002 á þessu svæði og hvílíkt hvað svæðið var breytt... Ferðamennskan og græðgin var ótrúleg - allt gert til að plokka ferðamanninn...

Aðgangurinn 100 usd var rán-um-hábjartan-dag og það kostaði að auki 30 usd á mann að ganga SKYWALK... Í Tusayan borguðum við 30 usd samtals fyrir okkur bæði, þar voru 11 eða 12 frábærir útsýnisstaðir og passinn gilti í viku. Það eru 240 mílur á milli þessara tveggja staða við Grand Canyon.

Svæðið er í einkaeigu indíánanna, rúta keyrði okkur á TVO útsýnisstaði og Skywalk var á öðrum þeirra. Maður sá varla landslagið fyrir fólksfjöldanum. Við urðum fyrir gífurlegum vonbrigðum að það skyldi vera bannað að taka myndavélina/símann sinn með sér í Skywalk en það var auðvitað bara til að þeir gætu selt okkur myndir.
ÉG RÁÐLEGG FÓLKI AÐ FARA FREKAR TIL TUSAYAN.

Á leiðinni til baka ákváðum við að ganga loksins upp á nýju brúna við Hoover Dam og mynda stífluna. Við erum búin að koma svo oft í Hoover Dam, bæði áður en nýja brúin kom, á meðan  hún var í byggingu og eftir að hún komst í gagnið en við höfðum ekki enn labbað eftir henni. Hitinn var um 100°F þegar við vorum þar... en eins og við vissum var útsýnið frábært.

Þaðan keyrðum við til Las Vegas á uppáhaldshótelið okkar þar. Hér verðum við fram á föstudag. 

Palace Station Hotel,
2411 W Sahara Ave, Las Vegas 89102 Nevada,
phone: [phone] room: 9017

Tusayan - Grand Canyon - Williams AZ

7.júní  

Við tókum daginn snemma... Dagur 2 í Grand Canyon. Ég hélt í gær að ég hafi snúið kortinu öfugt... en NEI, mín snéri því rétt... Leiðin sem leit út fyrir að vera miklu lengri er í raun styttri. Hún hefur 3 viðkomustaði en það voru sýndar 20 mílur í viðbót sem maður verður að keyra sjálfur. Við ætlum ekki að gera það því við skildum bílinn eftir niðri í bæ.

Upphaflega, þegar ferðin var keypt í ágúst í fyrra, var ætlaði ég að ganga Kaibab trail, en ég er ekki búin að ná mér í fætinum og búin að ákveða að sleppa göngunni. Í dag ákvað ég að fara niður hluta af leiðinni og skoða sem flest í sambandi við gönguna sem ég er ákveðin í að fara í á næsta ári.

Ég gekk niður um 500metra lækkun á The Bright Angel trail sem er endirinn og skoðaði niðurgönguna Kaibab-megin. Þegar við vorum búin að stoppa og mynda á öllum stoppustöðum við gilið, tókum við rútuna í bæinn og keyrðum um 50 mílur til Williams þar sem við gistum í nótt. Williams er sögufrægur bær.  Route 66 liggur í gegnum hann og í stórum boga yfir hann stendur “Gateway to the Grand Canyon” héðan er hægt að taka lest upp í Grand Canyon.

Motel 6 831 West Route 66, Williams (Arizona), AZ 86046, Williams West.
phone: [phone] room 118

Las Vegas NV - Tusayan - Grand Canyon AZ

6.júní
Það var ekki morgunmatur á Mardi Gras svo við tékkuðum okkur út um kl.7 og skelltum okkur á buffetið á Palace Station - það er í uppáhaldi hjá okkur. Við vorum búin að borða og lögð af stað til Tusayan  AZ kl 8:30. Þetta var löng keyrsla en umferðin var þokkaleg. Við stoppuðum ekkert á leiðinni og komin á hótelið rétt eftir hádegið.

Við gátum keypt okkur passa í þjóðgarðinn í lobby-inu. Við skoðuðum kortið og sáum ferðir í báðar áttir frá bílastæðunum við Grand Canyon og ákváðum að fara styttri leiðina (til vinstri) í dag. Passanum fylgdu fríar rútuferðir á staðinn svo við hoppuðum bara um borð. Þegar við komum upp eftir var okkur rétt nýtt kort og við tókum "vinstri leiðina"  þessa styttri.

Kerfið er þannig að maður notar rúturnar á útsýnisstaðina og hoppar af og á eftir eigin vali... við gengum á milli tveggja staða þar sem var stutt. Við vorum mjög heppin með veður - glampandi sól og smá vindur sumstaðar.

Það er EKKI hægt að lýsa Grand Canyon... og myndirnar ná EKKI að segja helminginn. Við vorum hálfnuð með leiðina okkar í dag - þegar við áttuðum okkur á að við vorum að fara lengri hringinn... kortið snéri öfugt við fyrra kortið okkar. haha

Red Feather Lodge, 
300 State Route 64, Tusayan (Arizona), AZ 86023,
phone:     room:4134      

Santa Barbara - Las Vegas

4.júní
Við höfum verið í dekri hjá Jonnu í 3 daga og um, hádegið kom að brottför. Það er alltaf erfitt að kveðja góða vini en hjá því var ekki komist. Takk innilega fyrir okkur Jonna okkar og Matti "bless í bili"

Það eru um 380 mílur til Vegas og við lentum í tveim tímafrekum umferðartöfum á leiðinni og komum ekki til Vegas fyrr en um kl 9 pm. og upp á herbergi hálftíma seinna. Hér verðum við í 2 daga áður en við förum í Grand Canyon. 

Mardi Gras Hotel & Casino
3500 Paradise Road Las Vegas NV 89169
phone:[phone] room 2120
http://www.mardigrasinn.com/