Gleðilegt ár 2015

 

GLEÐILEGT OG GÆFURÍKT KOMANDI ÁR 2015

Ég hef þegar fært inn hlaupa-annálinn fyrir 2014 á http://byltur.blog.is og er að reyna að muna hvað gerðist eiginlega á þessu ári. Nú þýtur tíminn svo hratt framhjá að það er erfitt að muna hvað gerðist og hvenær. Ég man að Lúlli átti að fara í hnjáliðaskipti daginn fyrir Reykjavíkurmaraþon (þetta er eins og í LAX, LAX, LAX)... en því var svo frestað. Við hjónin vorum bæði, allt árið í hremmingum með tennurnar, en það fer sem betur fer að taka enda. 

Afmælisbarn dagsins...
Ótrúlegt en satt... í dag er Emilía Líf lang-ömmu-dúllan mín 3ja ára. Litla fjölskyldan í Noregi stækkaði 5.mars þegar Helga-amma fékk stærstu afmælisgjöf lífsins, Evu Karen. Nú eru allir svo spenntir því eftir nokkra daga kemur fjölskyldan til landsins í heimsókn.

Stórafmæli...
Mamma varð 85 ára 19.apríl sl. og komum við systkinin saman af því tilefni.  Þá gerðist sá merkis atburður að ég fór erlendis ÁN ÞESS AÐ HLAUPA... Það hefur ekki gerst í 18 ár... Erlingur eini eftirlifandi af bræðrum pabba varð 90 ára 8.nóv og við Edda, Berghildur og mamma skelltum okkur til Danmerkur í veisluna.

Fjölgun á árinu...
Ég fékk annað langömmu-barn 5.mars þegar Bryndís Líf og Símon Már eignuðust Evu Karen í Noregi. Þá kom sjöunda barnabarnið í heiminn 6.júní þegar Lovísa og Gunnar eignuðust Indíu Carmen. Ég var í miðju maraþoni í Illinois í USA þegar sms-ið kom. Barnabörnin eru orðin 7 og 2 lang-ömmu-börn.

Hreyfing...
Ætli það hafi ekki verið meiri hreyfing á bankareikningnum en mér... ég var frameftir öllu sumri að jafna mig eftir hálku-byltur og reyndi að halda mér aðeins við með því að hjóla, ganga og synda í bland, en við systurnar höfum synt á föstudögum frá því í mars. Stundum fór ég oft í viku á Helgafell og svo var það ratleikurinn en ég leitaði öll 27 spjöldin uppi...  

Ég fór fjórar ferðir til USA að hlaupa og í síðustu ferðinni hlupu Edda og Berghildur hálft maraþon í fyrsta sinn. Sonurinn fór líka hálft maraþon í fyrsta sinn síðasta sumar í Reykjavík.

Einhverntíma kemur að því að börnin koma með mér í maraþon í USA. 

Gleðileg jól

Kæru ættingjar, vinir og samstarfsfélagar. Við sendum ykkur bestu óskir um

Gleðileg Jól

megi friður og helgi jólahátíðarinnar lýsa ykkur í skammdeginu. 

Bryndís og Lúther

Dagur 7, Cocoa Beach FL - Toronto Canada - Keflavík Ísland

Við vöknuðum kl 6 am til að ganga frá öllu og ná fluginu kl 13 til Toronto... Tíminn flaug frá okkur... sturta, morgunmatur, pakka því síðasta, troða öllu í bílinn, kaupa það síðasta, klukkutíma keyrsla til Orlando, skila bílnum, koma sér í afgreiðsluna, tékka sig inn og skila af sér töskunum... þetta var ekkert stress en tíminn var ekkert of langur. Flugið var kl 13 og tók tæpar 3 klst.

Þetta er í fyrsta sinn sem ég flýg til Canada... hef áður bæði keyrt og farið hlaupandi yfir landamærin. Nú var svipað ferli (útfylling pappíra) og þegar maður kemur til USA... 

Við þurftum að bíða nokkra klukkutíma á flugvellinum og við notuðum tímann til að fá okkur að borða og fara í tölvu. Flugið heim var kl 20:10 og við lentum um kl 6:20 í Keflavík.

Veðrið tók hressilega á móti okkur, rok og rigning - þá er Florida nú betri. Lúlli sótti okkur en Emil beið með morgunmat handa okkur.

Dagur 6, Space Coast Marathon 30.11.2014

Það fór lítið fyrir verslun þennan daginn... enda var annað og merkilegra á dagskránni hjá okkur. Tilgangur ferðarinnar (amk eitt af aðalverkefnum ferðarinnar) var að hlaupa Space Coast Marathon á Cocoa Village.

Við vöknuðum 2:45 og eftir allar serímóníurnar fórum við með rútunni í hlaupið. Berghildur og Edda voru að hlaupa hálft maraþon í fyrsta sinn og þeim gekk báðum vel... Peningurinn er æðislega flottur...

Veðrið var ALLT OF GOTT... og eftir hlaupið vorum við Edda alls ekki tilbúnar að fara bara inn á eftir... svo við löbbuðum niður á strönd og fórum í klst sólbað.

Eftir sólbaðið, sturtu og hringingar heim fórum við út að borða á "Þriðjudegi". Þetta er í annað sinn sem ég hleyp á afmælisdeginum mínum, síðast var það 2008 í Seattle. Núna er nokkurra stiga frost í hlaupinu hjá þeim....
FRÁBÆR DAGUR :)

Dagur 5, Cocoa Beach 29.11.2014

Við tróðum öllum töskunum inn í bílinn og keyrðum til Cocoa Beach. Við byrjuðum á að sækja númerin okkar og tékkuðum okkur inn á Days Inn á Atlantic Ave. Það er sól og frábært veður svo við ætlum að kyssa ströndina aðeins. 

Days Inn 
5500 North Atlantic Ave, A1A & Atlantic Ave, Cocoa Beach, FL 32931 US

Room 138

Dagur 4 í Orlando, 28.11.2014

BLACK FRIDAY

Það er ekki hægt að segja annað en að við höfum staðið okkur vel í dag... við fórum að sofa um 10 leytið í gærkvöldi... vöknuðum síðan kl 2:30am og fórum í útsöluþorpið... og komum aðeins við budduna. Síðan fórum við heim á hótel og lögðum okkur aðeins áður en við fórum í morgunmat.

Eftir morgunmatinn héldum við áfram og fórum þá í mollin til að athuga hvort það væri eitthvað eftir í þeim... ÓJÁ og við redduðum því. Við fengum okkur síðan kvöldmat áður en við fórum heim á hótel og pökkuðum flestu því við skiptum um hótel á morgun.

Dagur 3 í Orlando, 27.11.2014

THANKSGIVING... eitthvað af búðum lokaðar en flestar opnar í PREMIUM OUTLET á International Drive. VIÐ ÞANGAÐ og vorum þar allan daginn... Við vorum ekki þær einu. 

Við gátum verslað svolítið... orðnar eins og jólatré þegar við hættum um kl 6... samt fengum við að geyma góss til miðnættis í einni búð, en þá fer verðið niður á gólf.

Á heimleiðinni komum við við í Best Buy. Þar var verið að opna og löng biðröð til að komast inn og önnur eins til að borga á kassanum.

Dagur 2 í Orlando, 26.11.2014

Verslunartörnin í dag spannaði 12 klst... við byrjuðum á uppáhaldsbúðunum okkar og enduðum í Outdoor World... þá var þetta líka orðið gott.

Eins og sést á myndinni, var ekki slegið slöku við í dag og Edda keypti tösku í ROSS. Við borðuðum á Golden Corrall um 4 leytið. Margar búðir byrjuðu með afsláttinn í dag en Thanksgiving er á morgun... Þá byrjar fjörið fyrir alvöru.

Dagur 1 í Orlando

Við sváfum nokkuð vel... samt ótrúlega tímalausar... vöknuðum eldsnemma og vorum komnar í morgunmat rúmlega sjö og sóttum pakkana sem vorum pantaðir á netinu og sendir á hótelið...
Þurftum að hjálpast að að bera þá alla í herbergið.

Berghildur tók myndina og setti á Facebook og ég stal henni þar... þið þurfið að lesa athugasemdina með henni... haha ENNNNNN
hva... það er verið að bjarga mömmu frá "leitarstarfi" í búðunum.

Það voru þrumur, eldingar og úrhellis-ausandi-skýfalls-rigning í morgun þegar við byrjuðum að versla... Veðrið var svipað og í síðasta rigningarhlaupi.

Við vorum nokkuð duglegar... og LANGUR DAGUR og eftir daginn var verslun dagsins mynduð á rúminu.

Keflavik - Orlando 24.11.2014

Þessi síða er að verða ferða-blogg-síða. Ég hef lítið sem ekkert skrifað hér nema þegar ég ferðast. Við systur erum í systra-ferð í Orlando - með Thanksgiving, BlackFriday og Space Coast Marathon sem primary goal.

Við fórum á loft frá Keflavík 5:15 og flugtíminn var 8 klst og 20 mín... seinkun upp á hálftíma vegna mótvinds. Það voru nokkrar ,,nýjar" myndir í skemmtikerfinu en ég átti í mesta basli með skjáinn minn - hann var bilaður.

Við fengum ágætis bíl hjá Thrifty og skelltum okkur á áttuna sem við vorum líka á í fyrra. Klukkan er 4:45 á íslenskum tíma núna... og tími til að fara að sofa. 

Super 8 International Drive
5900 American Way, Orlando 32819 Florida

room 146... síðan 137... og aftur 146 hehe...

Kaupmannahöfn - heim :)

Gærdagurinn var langur en skemmtilegur, afmælisveislan tókst mjög vel og við vorum svo ljónheppnar að hafa ákveðið að gista á sama hóteli og veislan var á. 

Kjartan sonur Erlings sótti okkur á hótelið kl 9:30 í morgun og keyrði okkur út á Kastrup... það liggur við að það sé slegist um að dekra við okkur. 

Það fylgdi ekki morgunmatur með hótelinu svo við fengum okkur að borða á flugvellinum. Við vorum mættar áður en tékkið inn byrjaði en það mátti ekki vera styttri tíminn sem við höfðum til að komast í gegnum öryggisleitina, borða og ganga í okkar terminal.

Ferðin gekk í alla staði vel og gott að koma heima aftur.

Keflavik-Kaupmannahöfn

Þetta hefur verið langur en skemmtilegur dagur. Ég vaknaði kl 3 am, Berghildur, Edda og mamma sóttu mig um kl 4 og við keyrðum út á flugvöll. Flug kl 7:15.

Ég var að fljúga í fyrsta sinn með WOW-air... og mér líst ekki á að fljúga með þeim aftur... Það er hreinlega ekki hægt að ferðast með AÐEINS 5 kg...

Flugið var 3 klst og við lentum á Kastrup 11:20. Erling Kristjan frændi var svo æðislegur að leigja sér bíl, sækja okkur úr á flugvöll, keyra okkur á hótelið, bjóða okkur heim í kaffi og síðan upp eftir öllu Sjálandinu og fleira áður en hann skilaði okkur aftur á hótelið.

Park Hotel 
Strandvejen 23, Hellerup
Köbenhavn

 

Towson MD - heim á klakann

Af því að ég hljóp svo mörg maraþon í þessari ferð - þá tók því aldrei að snúa tímanum, við vöknuðum snemma og fórum snemma að sofa flesta daga. Heimferðardagurinn var því MJÖG langur. 

Við vorum búin að pakka... svo við þurftum eiginlega bara að dinglast eitthvað um daginn, borða, skila bílnum og mæta snemma upp á Dulles Airport til að vigta töskurnar og kannski færa eitthvað á milli.

Í þessari ferð sem var 12 dagar, keyrðum við frá DC til Virgininu, West Virgininu, gegnum Norður Carolinu og yfir hornið á Tennessee til Suður Carolinu... aftur norður til Baltimore og þaðan til Atlantic City í New Jersey... og síðasti leggurinn var svo frá NJ til Washington DC.

Við keyrðum 1.744 mílur og ég hljóp 5 maraþon í 5 fylkjum á 9 dögum. Þau voru ríflega mæld og eru samtals ca 215 km.

Næsta ferð sem er systraferð í Space Coast Marathon, er eftir mánuð.

Atlantic City NJ - Towson MD

Þá er heimferðin hafin fyrir alvöru... öll maraþonin búin og bara eftir að græja heimferðina. Við keyrðum aftur til Baltimore þar sem við verðum í nótt og svo er flug heim á morgun. Það hefur kólnað aðeins hér í NJ, peysa er málið ;) 

Comfort Inn

8801 Loch Raven Blvd, Towson, MD, US, 21286

• Phone: [phone]   room 209 

Baltimore MD - Atlantic City NJ

Við keyrðum strax eftir Baltimore-maraþonið til Atlantic City í New Jersey... án þess að ég færi úr hlaupagallanum eða burstaði saltkögglana úr andlitinu... Ég rétt hljóp inn í Balleys Ballroom - gegnum kasíó fullt af fólki og sótti númerið mitt og við tékkuðum okkur síðan inn á hótelið...

Knights Inn Atlantic City
500 North Albany Avenue, Atlantic City, NJ 08401, US
Phone: ??? room 118