Valdarán...

Litli kútur og mamman eru komin heim... og foreldrarnir komust að því á fyrsta sólarhringnum, hvað þau ráða litlu. Það er sá minnsti og sætasti sem stjórnar... amk í bili

Við... þessi eldri og reynari vissum þetta fyrirfram... hann er stjarnan sem beðið var eftir og allt mun snúast um. 

Ég stal þessari mynd af prinsinum á facebook

Gengið á Esjuna

Vala sótti mig rúmlega 9... Sjöbba systir hennar kom líka með. Veðrið var dásamlegt. Það voru ekki margir á leiðinni upp Esjuna þegar við lögðum af stað...
Ég tók tímann - bara að gamni mínu. Við vorum nákvæmlega 1:20 mín upp. Við fengum einhvern til að mynda okkur á toppnum.

Útsýnið var gott, þó var eitthvað mistur yfir Reykjavík... niðurleiðin tók slétta klst. og ferðin í það heila, að heiman og heim aftur... tók 4 tíma.

 alveg frábært...

Litla fjölskyldan farin aftur til Keflavíkur

  

Litli krúttilingurinn og foreldrarnir fóru aftur á sjúkrahúsið í Keflavík í dag. Ekki er vitað hve lengi þau verða þar, en sá litli svaf af sér ferðalagið og hver veit hvort hann fái titilinn ,,ferðamála-frömuður Suðurnesja"  enda kominn með ,,þónokkra reynslu" af brautinni rúmlega sólarhringsgamall.

Nýtt barnabarn :)

 það var erfið biðin, allan daginn í gær (mánudag)... eftir að 6. barnabarnið kæmi í heiminn. Við renndum suður í Keflavík og vonuðumst til að ná því að sjá kraftaverkið glænýtt... en fórum heim aftur um kvöldið...

 Stjörnur eru vanar að láta bíða eftir sér og drengurinn kom í heiminn kl. 2:40 í nótt.  Sannkallað kraftaverk... þyngd og lengd voru ekki komin á hreint en pabbinn var að rifna af stolti.

 Til hamingju Lovísa og Gunni

 Drengurinn er rúmar 16 merkur (4080 gr) og 52 cm... og í nótt flutti nýja fjölskyldan á Lsp í Rvík því skurðstofan í Keflavík var lokuð. Fylgjan var föst og Lovísa þurfti að fara í aðgerð... sem gekk vel. Litla fjölskyldan er enn í Rvík og ekki ákveðið hvort eða hvenær þau fara aftur á fæðingardeildina í Keflavík.

Denver - New York - Keflavík

Eftir 2ja vikna ferðalag, 1.976 mílna keyrslu, og 2 maraþon var tími til kominn að fara heim.
Heimferðin var 19 tíma ferðalag í allt... ég lagði snemma af stað út á flugvöll, enda þurfti ég á tímanum að halda. Lenti í veseni á flugvellinum í Denver, var með aukatösku og þarna voru þau ströng á handfarangur, þannig að ég varð að yfirþyngja aðra töskuna og síðan þurfti ég afpanta farið heim fyrir Bíðara Nr. 1
En allt small saman að lokum og ég sem vaknaði kl 6 í Denver var lent í Keflavík kl 6 í morgun og 6 tíma tímamunur... Bíðarinn sótti mig.

Ég er ekki vön því að leggja mig en af því að ég ætla í Flugleiðahlaupið kl 7 í kvöld, þá lagði ég mig í nokkra tíma.

Fort Collins - Pueblo West

Takmarki ferðarinnar hefur verið náð... 2 ný fylki féllu  

Heimferðarferlið er hafið. Ég tékkaði mig út af áttunni í Fort Collins í gær og keyrði til Pueblo West... til Lilju og Joe. Pakkinn sem ég átti von á þangað er ekki enn kominn
Ég fékk að gista hjá þeim í nótt. Við ætlum að borða á Country Buffet í dag, áður en ég fer til Denver. Ég hef verið í góðu sambandi gegnum MSN við Bíðara nr. 1, sem er lasinn núna

Hvílíkur munur að geta hringt í gegnum MSN, að geta verið í beinu sambandi heim

 

Í heimsókn hjá Lindu

Þegar ég var búin að tékka mig inn á áttuna, (á föstudag) kíkti ég til Lindu. Hún býr ca 4 mílur héðan. Hún var akkúrat að koma heim úr vinnu.
Lilja var enn á leiðinni ca í Denver. Við Lilja fórum á sitthvorum bílnum, því ég verð hér fram á mánudag, en Lilja þarf að mæta í vinnu.

Ég hef verið svo þreytt í dag, að ég ákvað að hitta þær bara á morgun þegar ég væri búin að sækja gögnin... ca kringum hádegi.

Í gær, á laugardag, eftir að ég hafði sótt númerið mitt í expoið fórum við saman smá rúnt um bæinn og borðuðum á Country Buffet. Síðan geta alvöru konur ekki annað en farið svolítið í búðir.
En ég fór á hótelið um 5 leytið, því ég þarf að vakna kl 2 í nótt og ná rútunni milli 4 og 4:30.  

Flaug til Boston - keyrði til Attleboro

það var enginn smá barningur að taka ákvörðun um að fara ein út... og ákvörðunin var svo óraunveruleg... eins og þetta væri ekki að gerast. Ég verð sem sagt ein hérna í 2 vikur. Vélin lenti um kl 7 á staðartíma.
Ég fannst ekki í tölvunni hjá Avis og varð að vekja upp heima til að fá staðfestingarnúmerið á pöntuninni, það tók 20 mín.  Svo þegar ég var komin í bílinn tók ég eftir að hann var skráður á annan... en þetta reddaðist sem sagt og ég lagði af stað í þetta líka skemmtilega slaufu-reddingar-vegakerfi.  Kl. 10 var ég komin á hótelið í Attleboro....

Super 8 N Attleboro, MA-Providence, 787 S Washington St. North Attleboro, MA 02760 US
Phone: [phone]  Room 128

Laugardagur...

Þessi vika hefur liðið áfram... farin á nóinu. Nú fer að líða að næstu hlaupaferð hjá mér. Við förum út næsta miðvikudag... fljúgum til Boston og keyrum til Washington DC, Virginia Beach og endum í New Jersey. Komum heim aftur að morgni 1.apríl.

Töskurnar standa í ganginum, það tók því ekki að setja þær út í geymslu  

Það var fjölmennt í Vogana í dag að skoða kettlingana, "börnin" hennar Emmu sem eru 2 1/2 vikna og nýfarnir að sjá. Þeir eru ekkert venjulega sætir

Freddie og Carroll Filmore

Ég sæki Freddie og Carroll Filmore út á völl í fyrramálið. Vélin á að lenda um 6:10. Það er alltaf gaman að hitta þau. Við heimsóttum Freddie og Carroll í janúar, kíktum aðeins heim til þeirra en þegar við fórum í kirkjuna þeirra... voru þau á innsetningarhátíð Obama í Washington.

En þau koma sem sagt á morgun og Freddie prédikar í Fríkirkjunni Kefas næsta sunnudag. Annað veit ég ekki úr dagskrá hans.