Ég fer í fríið...

 

Ég reyndi að mála í dag, var gjörsamlega andlaus   vissi ekkert hvað átti að fara á strigann. Ég sem hef varla mátt vera að því að mála eftir áramót... verð að bæta þetta upp þegar ég kem heim aftur. 
Við fljúgum til Boston á föstudag og ég er ekki einu sinni búin að sækja ferðatöskuna út í geymslu. Það eina sem ég er búin að gera... er að sækja gjaldeyririnn...  

Þetta fer kanski versnandi með aldrinum, það kemur kanski að því einhverntíma....  að ég gleymi að fara út. Nei, Við gætum ekki gert krökkunum það, þeim hlakkar svo til að losna við okkur.  

Það verður að henda einhverju í tösku á morgun. 

Útskrift frestað

Það var mikið að gera í gær...

Ég fór fh með eintak af ritgerðinni til leiðbeinanda míns og hann gaf mér þá umsögn síðar um daginn, að ég þyrfti meiri tíma og vinna betur í henni.  Ekki þýðir að deila við þá sem vita þetta best. Svo ég hef frestað útskriftinni fram í okt.

Þessi frestun breytir samt sem áður ekki því... að ég er farin í árs frí

Við hjónin fórum eh í Bláa lónið, og áttum dekurdag þar.
Fengum saltskrúbb og nudd og flutum síðan um eins og tveir sykurpúðar.

Þegar heim var komið var ekki hægt annað en halda áfam að slappa af.... enda er það nú orðið mitt aðalstarf 

Hið ljúfa líf

      

Það er heldur betur völlur á minni. Gerði bara það sem ég vildi um helgina.....
Ég hef verið að kíkja á ritgerðina öðru hverju, laga uppsetningu og bara dunda við þetta... í hvert skipti heyrist í manninum.... er verið að bæta við lokaorðin ? ? ?

Ég ætla að láta prenta hana út og binda inn á Lyng ljósritunarstofu á þriðjudag.

Þá á bara eftir að renna með hana til leiðbeinandans og vona hið besta.

Nýtt líf hafið...

   

Á hádegi í dag, urðu þáttaskil í lífi mínu er ég lauk við BA-ritgerðina mína. 
Ritgerðin endaði í 56 bls. með forsíðu og heimildaskrá.

Eftir hádegi byrjar nýtt líf hjá mér......    AMEN

Alsæla

Ég er alsæl.....
Mér hefur gengið svo vel með ritgerðina mína, að það er kraftaverk. Enda trúi ég á þau.

Þessi ritgerð hefur ekki verið nein smá vinna, svo það verður sannkölluðu alsæla hjá mér þegar henni er lokið. 

Það má segja að ég eigi bara lokaorðin eftir, og svo eru samt alltaf einhverjar fíniseringar eftir.

EN..... ég er að sjá fyrir endann á þessu...

Prófin búin hjá mér

 

Ég var að koma úr prófi í Fimmbókaritinu,

Ekkert nema dýrð og dásemd.... nú er bara ritgerðin eftir.
Og það er svosem ekkert BARA... 50.bls.

Nú er ekkert sem heitir, það verður að bretta upp ermarnar og hugsa ekki um annað á meðan svo draumurinn rætist 

Komin í BA

Frábært,

Helgin fór í heimapróf í Liturgíu I, og svo að klára ritgerðina í Stefi í kirkjusögu.
AMEN... hvað ég er fegin að vera búin með þetta.

Í morgun byrjaði ég svo á BA ritgerðinni, ég hef nákvæmlega mánuð til að klára hana.
Skiladagur er 15.maí

Þessi vika er síðasta kennsluvikan í skólanum, ég er með kynningu á miðvikudag, eina prófið er 29.apríl..... svo það er bara sæla sem er framundan......

Skólinn byrjaður aftur

Allt er þetta að styttast.... ég kláraði 2 ritgerðir um páskana, kynningarnar fyrir þær og 2 úrdrætti sem á að skila fljótlega..... ég get sagt að ég var MJÖG dugleg um páskana. 
Nú er komið að þriðju ritgerðinni......

Fjölskyldan var alveg útundan  
fyrir utan... og ég get varla talið það með,
að ég hélt páskabingó á skírdag svona alveg óvænt...

En þegar ég verð útskrifuð . . .  Oh my hvað ég ætla að gera mikið

Gleðilega páska

Jæja.... taki nú allir upp reiknivélina...

það er rosalegt að eiga svona gamlan frumburð,
en það er óþarfi að elda mig um eitt ár ...

.... heilt ár í hefndarskini. 
(sjá athugasemdir frumburðarins) 
vona að það festist ekki við mig... eins og aukakílóin

Óska öllum gleðilegra páska !

Komin í páska...frí

Hvílíkur lúxus...

Síðasta kennslustundin fyrir páska var á föstudag.... og þá kláraði ég ritgerðina í Gamla testamentinu, ég var búin að liggja yfir henni í 2 vikur en á fimmtudagskvöldinu var ég til 2 um nóttina. 

Núna ligg ég í ritgerð í Nýja testamentinu, en í síðustu utanlandsferð var ég allar frístundir að pikka inn upplýsingar af netinu og úr bókum, sem ég gæti notað í sambandi við hana.  Ég vonast til að klára hana og kynninguna á henni, fyrir páska svo ég geti snúið mér að þeirrri næstu... sem er ritgerð í Stefi í kirkjusögu og svo BA ritgerðinni..... sem er 50 bls.

Þetta páskaFRÍ er kærkomið... og ég verð að nota það vel