New York - Keflavík - heim

Heimferðardagurinn er alltaf langur, þá er maður að keyra síðasta spölinn, klára að versla og bíða eftir kvöldfluginu.

Ég kom við í nokkrum Walmart á leiðinni frá Mount Laurel NJ í leit að Lego geimstöð og 16" spidermanhjóli í kassanum. Þá stoppaði ég líka í Toys-R-Us og Macy´s, fékk mér að borða og svoleiðis.

Ég lenti í smá umferðarteppu í NY en tíminn var nægur hvort sem var. Þegar ég skilaði bílnum var ég búin að keyra 578 mílur og hlaupa 2 maraþon á þessum 4 dögum. 

Bíðari nr 1 sótti mig og allt dótið á völlinn og kom mér heilli heim  

Mount Laurel NJ - New York NY

Þá er það smá búðarráp í dag, keyrsla til New York og flug heim kl 20:40

Þetta er búið að vera fínt, ég er búin að keyra um nokkur fylki og veðrið er búið að vera frábært þó það rigni úti núna. Ég er á glænýjum bíl, það var aðeins búið að keyra hann 2 mílur þegar ég fékk hann og hann er algjör draumur - hef ekki enn spáð í hvaða sort hann er !!! 

Ég var að pakka áðan, fékk mér morgunmat og nú ætla ég í síðustu búðirnar.  

Gettysburg PA - Mount Laurel NJ

Strax eftir Gettysburg North-South Marathon-ið settist ég upp bílinn og keyrði úr úr Pensilvaníu, gegnum Maryland, Delaware og til Mount Laurel í New Jersey.

Ég stoppaði tvisvar á leiðinni, fór í búð, fékk mér að borða og tók bensín.

Ég er búin að vera á hótelum með flottum morgunmat og guest-laundry og ekki getað notað morgunmatinn nema hér vegna þess að ég hef þurft að tékka mig svo snemma út til að fara í hlaupin.

Ég lagði af stað rétt fyrir kl 3 og kom hingað kl 8... og gisti á sama móteli og fyrstu nóttina í ferðinni. Á morgun flýg ég heim frá New York.

http://www.rodewayinn.com/hotel-mount_laurel-new_jersey-NJ258?sid=DVFji.fWfpSgPSc.9 

 

Rodeway Inn (NJ258)

1132 Route 73, Mount Laurel, NJ, US, 08054

• Phone: [phone]     room 125

 

Newark DE - Gettysburg PA

Eftir trailmaraþonið í gær, keyrði ég beinustu leið til Gettysburg. Keyrslan tók 2 tíma og korter á sveitavega-hraða. Veðrið var frábært og sveitirnar sem ég keyrði um voru eins og klipptar út úr ferðakynningarbæklingi.

Klukkan var orðin frekar margt svo ég ákvað að sækja ekki gögnin í dag, heldur í fyrramálið fyrir hlaup. Skrapp aðeins í Walmart - það var hálfa mílu frá hótelinu og svo er bara að borða og fara að sofa. Klukkan var sett á 3:40

Days Inn Gettysburg

 

2 stjörnur

865 York Rd, Gettysburg, PA, 17325 
room 518 

Mount Laurel NJ - Newark DE

Ég var lögð snemma af stað og komin fyrir kl 9 til Newark... Veðrið er frábært, sól og blíða. Ég var allt of snemma í því að tékka mig inn á hótelið, svo ég fór þangað sem maraþonið byrjar á morgun... Gögnin verða afhent við ráslínu á morgun svo það er ekkert EXPO í dag... Þá var það bara Walmart og Dollar Tree. 

Svo ætla ég bara að taka það rólega það sem eftir er dag.

 

SUPER 8 NEWARK DE

268 East Main Street, Newark, DE 19711 US 
Phone: [phone]    room 204

http://www.super8.com/hotels/delaware/newark/super-8-newark-de/hotel-overview? 

 

Kef - New York - Mount Laurel NJ

Ég hef bara verið stillt í utanlandsferðunum þetta vorið, hef ekki verið úti síðan á jólunum. Vegna veikindanna var ég bara heppin að hafa ekki átt ferð um páskana og ég er því miður ekki búin að ná mér enn eftir þennan vírus... en ég átti þessa ferð í vændum og það var ekkert annað að gera en að láta sig hafa það.

Þetta er bara helgarferð og Bíðarinn bíður heima í þetta sinn. Ég átti flug kl 5 og lenti kl 7:15 á staðartíma í New York... ég hef sjaldan lent í annarri eins biðröð í tolleftirlitinu - beið á annan klukkutíma og var þess vegna ekki komin með bílinn fyrr en rúmlega kl 9. Það tók síðan tvo tíma að keyra til Mount Laurel í New Jersey. Ég hef gist hérna nokkrum sinnum áður og finnst þetta mjög skemmtilegur staður. 

Á morgun helg ég áfram til Newark í Delaware :)

http://www.rodewayinn.com/hotel-mount_laurel-new_jersey-NJ258?sid=DVFji.fWfpSgPSc.9 

 

Rodeway Inn (NJ258)

1132 Route 73, Mount Laurel, NJ, US, 08054

• Phone: [phone]

 

Veikindi

Ég er búin að vera hundlasin undanfarið. Fyrst fékk ég kvef eða hæsi sem ég ætlaði aldrei að losna við, vegna þess að ég gat aldrei hvílt röddina... ekki auðvelt þegar maður er í starfi þar sem maður þarf að tala og syngja mikið.

Hæsin var síðan greind sem sýking í hálsi og ég fékk Pensillin.  Eftir að hafa tekið það í 3 daga var ég hastarlega veik, með hita, algert þróttleysi og vanlíðan. Eftir viku inntöku þá steyptist ég út í rauðum upphleyptum doppum og dílum, eins og ég hefði fengið rauða hunda, mislinga og hlaupabólu allt í einu. 

Þetta var dæmt sem ofnæmi fyrir Pensillin-inu og ég sett á ofnæmislyf. Mér fannst tímasetningin á þessu ofnæmiskasti vera vest, ég var auglýst á tveim stöðum á sunnudeginum en varð að vera á þeim þriðja, þ.e.a.s. HEIMA.  

Nú hefur svo sannarlega birt til... sólin farin að skína, veðrið malar eins og köttur og ég að lagast. 

Minning - Bragi Freymóðsson, 27.2 1920 - 12.1. 2013

† † † 

Bragi Freymóðsson, frændi minn í Santa Barbara er látinn. Það er erfitt að ætla að minnast hans í fáum orðum því hann var einstakur höfðingi og öðlingur í hjarta. Ekkert var Braga óviðkomandi og þjóðmálin á Íslandi áttu hug hans og hjarta þó hann hafi verið búsettur í Ameríku mestan hluta ævinnar. 

16.febr. nk. verður minningarathöfn í Santa Barbara. Við munum líka minnast hans hér á Burknavöllunum. 

Það er svo skrítið hvernig lífsþræðirnir fléttast saman. Fyrir árið 2000 vissi ég aðeins að ég átti frændfólk í USA, systkinin Jonnu og Braga en ég vissi nánast ekkert um þau.
Ég kynntist Rut vinkonu minni hér í Hafnarfirði, en hún hafði alist upp í Californíu frá 7 ára aldri. Þegar hún síðan fluttist aftur þangað, heimsótti ég hana og við hlupum saman LA-maraþonið árið 2000. Í þeirri heimsókn hringir Jonna í mig hjá Rut, og um sumarið, þegar Jonna kom til Íslands, hittumst við og ég varð að lofa því að gista hjá henni ef ég kæmi aftur til Californíu. Þá kom upp úr kafinu að foreldrar Rutar höfðu fengið íbúð Jonnu að láni fyrstu mánuðina eftir að þau fluttu frá Íslandi.

Árið eftir efndi ég loforðið og gisti hjá Jonnu í Redondo Beach og ævarandi vinátta skapaðist á milli okkar hjóna og Jonnu og Braga. Okkar uppáhaldsstaðir í USA eru Redondo Beach og Santa Barbara. 

Ég veit ekki hvar ég á að byrja til að lýsa Braga, því ég hef alltof fá orð til þess... en ég vildi að ég hefði kynnst honum og Jonnu fyrr á ævinni. Hann var einstök persóna, hann vildi fá að vita allar hliðar málanna og algert aukaatriði hvort mín skoðun samræmdist hans, raunar var hans skoðun aukaatriði líka. Jahá, sagði hann kannski, já, þetta er ein hliðin á málinu.
Ekkert var honum óviðkomandi hvort sem það voru tækninýjungar eða þjóðmálin heima. Minni hans var ótrúlegt... við hringdum venjulega í systkinin hvar sem við vorum stödd í Ameríku og hann vissi alltaf um einhverja áhugaverða staði nálægt þar sem við vorum. Það var engu líkara en að hann hefði innbyggt GPS kort í heilabúinu. 

Bragi var höfðingi heim að sækja. Eftir margar ferðir til þeirra systkina í Santa Barbara eru okkur efst í huga þakklæti fyrir hina ógleymanlegu dekurdaga sem við höfum notið hjá þeim og hinn hlýja hug sem var borinn til okkar. Eitt eftirminnilegasta atvikið var í nóv. 2011 þegar ég hljóp Santa Barbara Marathon og þau systkini lögðu á sig að bíða við 18.mílu sem var rétt hjá heimili þeirra, aðeins til að sjá mig hlaupa framhjá. 

http://byltur.blog.is/blog/byltur/entry/1204480/

Ég mun minnast Braga sem manns sem reyndi sífellt að láta gott af sér leiða og vildi helst skila meiru aftur til þjóðfélagsins, en hann fékk sjálfur, hann t.d. stofnaði styrktarsjóð fyrir námsmenn. 

Jonnu minni, Steinunni dóttur Braga og hennar fjölskyldu sendum við Lúther, okkar dýpstu samúðarkveðjur, en minningin um Braga lifir áfram í hugum okkar.  

http://www.mbl.is/greinasafn/grein/1094171/?item_num=1&searchid=6a8ef5efd72fc4b4518869b06c2a56a210e20dd3

http://www.hi.is/frettir/velgjordarmadur_hi_og_einn_af_fedrum_gps_latinn

http://www.legacy.com/obituaries/newspress/obituary.aspx?n=johann-bragi-freymodsson&pid=162995274#fbLoggedOut

Minningarathöfn í Háskólanum í Santa Barbara http://new.livestream.com/accounts/2822008/events/1880775 

Stórt afmæli í dag :)

Elsku pabbi, tengdapabbi, afi, langafi og langalang-afi, innilega til hamingju með daginn  

Þeir sem gátu mættu á Slétthrauninu í gær, sunnudag, í tilefni þess að pabbi er 80 ára í dag 21.1.2013... Að sjálfsögðu var sunginn afmælissöngur og hann tekinn upp á videó. Það var gaman hvað margir gátu komið. Hafdís og Guðjón voru í London, Harpa í Orlando og einhverjir úti á landi, uppteknir eða komu á öðrum tíma. 

Fyrir mestu var að úr þessu varð smá afmæli  

1:15

Svavar Jóhannesson 80 ára 2013 

http://www.youtube.com/watch?v=D9Nn-GN_qN0&feature=share&list=UU3cPhEuKo9FdMn6D0DNB8Iw 

Komin heim heil á húfi

Flugið frá Dallas til Denver var um 1 og hálfur tími en síðan þurftum við að bíða tæpa 4 tíma eftir að fara heim. Flugið heim var tæpir 7 tímar og vélin nær full. Í gluggasætinu hjá okkur sat vel fullur Norðmaður og hann var smá þreytandi :Z  Það var varla hægt að horfa á sjónvarpið fyrir honum.

Pabbi og mamma sóttu okkur upp á völl og keyrðu okkur heim... munur að hafa svona þjónustu á reiðum höndum :D

Þá er það bara að koma dótinu fyrir og ganga frá töskunum... 

Dallas TX - Denver CO - Kef Ísland :D

Nú tekur við langt ferðalag, við eigum flug um hádegið til Denver ca 1 og hálfur tími og síðan flug kl 16:15 til Íslands. Við erum 8 tíma til Denver en ég man ekki hvað við erum lengi heim.

Við ætlum að mæta snemma upp á völl og skila bílnum, maður veit ekki hvort við tefjumst eitthvað þar vegna árekstursins sem við lentum í, í byrjun ferðarinnar... vona samt að það kosti engar tafir.

Við lendum í Keflavík snemma á þriðjudagsmorgni 8.jan. 

Jackson MS - Dallas TX

Við pökkuðum flestu í gær og tékkuðum okkur út kl 7... fórum í breakfast-buffet og fylltum okkur af alls kyns gúmmelaði... eggjahræra, pylsur, bacon, ommiletta með öllu, brauð, steik, ávaxtahlaðborð og rjómi, kökur og ís... gleymdi að fá mér amerískar pönnukökur.

Við lögðum að stað rúmlega 8 og keyrðum 432 mílur, með nokkrum stoppum til Dallas... Veðrið var gott, komum um 5 á mótelið. Við byrjuðum ferðina á því að gista hérna og síðasta nóttin í ferðinni er í sama herbergi. Nú er bara að slappa af, við eigum flug til Denver kl 11:51 í fyrramálið.

Microtel Inn & Suites by Wyndham Irving/DFW Airport/Beltline

3232 W. Irving Blvd, Irving, TX 75061 US 
Room 310 

Port Allen Louisiana til Jackson Mississippi

Það voru 180 mílur til Jackson. Við höfum alltaf vakað og sofið eftir hentugleika og vorum lögð af stað kl 9... 

3 og hálfur tími með stoppum á 130 km hraða... og komum á mótelið milli 12 og 1. Við viljum alltaf vera á fyrstu hæð þegar það er utangengt í herbergin og urðum þess vegna að bíða í 2 tíma eftir herbergi. 

Á meðan við biðum fórum við þangað sem gögnin eru - ekki búið að opna þar, settum inn startið og bílastæðin - allt saman í minna en 2ja mílna fjarlægð... MJÖG hentugt :D
Mótelið er orðið frekar þreytt... en það er þægilega nálægt :D

Það er enginn morgunmatur hérna svo við keyptum okkur morgunmat og borðuðum síðan á Golden Corral... I LOVE IT :) 

Ég man nú eftir sumu síðan ég var hérna síðast 2009 en þá keyrðum við hingað frá Orlando. Í þeirri ferð hljóp ég 4 maraþon (eins og í þessari) 2 í Florida, 1 í Jackson og 1 í Georgíu.

Red Roof Inn
Jackson Fairgrounds
700 Larson St. Jackson MS 39202 

Humble Texas til Port Allen Louisiana

G  L E Ð I L E G T   Á R

Internetið var lagað eftir jólin á Áttunni í Humble og við vorum í betra sambandi við alla. Maraþonið á Nýjársdag (í gær) gekk vel og verðlaunapeningurin hreint ótrúlega flottur. Við vorum búin að pakka í tvær töskur og við hentum því síðasta niður í morgun. Við höfum verið hérna í tvær vikur. Nú förum við til Port Allen LA og þaðan til Jackson Mississippi.

Við vorum lögð af stað til Port Allen LA fyrir hálf átta í morgun, leiðin var 248 mílur og við stoppuðum tvisvar á leiðinni til að teygja úr okkur. Við vorum komin þangað um kl 2 eh. og þá nennti maður engu - bara slappað af.

Super 8 -Port Allen
821 Lobdell Highway, Port Allen, LA 70767
PH: 225-381-9134 room 155  

Gleðileg jól

Við höfum haft mjög lélegt internet samband hér í Humble Texas... alltaf dettandi út af netinu. Hér er kominn Jóladagsmorgunn og hátíð kristinna í USA gengin í garð. Við óskuðum hvort öðru gleðilegra jóla kl 18 á íslenskum tíma í gær, aðfangadag.

Við óskum öllum ættingjum og vinum gleðilegra jóla, vonum að hátíðin verði hátíð ljóss og friðar í hjörtum allra. Njótið hátíðarinnar.

Jólakveðja 2012

http://www.youtube.com/watch?v=IauT13dRW3E&feature=share&list=UU3cPhEuKo9FdMn6D0DNB8Iw