Bústaðaferð - hittingur

Okkur var boðið í bústaðinn til Haraldar og Helgu um helgina. Hann bauð bræðrum sínum og stelpunum hennar Bubbu ásamt mökum. Það var vel mætt en Hafsteinn, Grétar og Hrönn komu ekki. Bíllinn okkar var í andlits-aðgerð svo við vorum samferða Jónu.

Fólk dreif á staðinn um kvöldmat... sumir lentu í smá villu á leiðinni... og sannaðist þá gamla sjónvarpsauglýsingin... Nú er gott að hafa GSM...

Við grilluðum undir góðri músík og við stelpurnar skáluðum í ekta Margarítu... með saltrönd á staupinu, klaka og lime... Úaaaa

Enginn var með gítar... en þeim mun meira var kjaftað saman. Lolla var með hjólhýsi en Gyða og Erna með fellihýsi... Við Lúlli, Ragnar, Sverrir og Jóna sváfum í bústaðnum.
Sverrir og Erna komu með fjórhjólin sín... Veðrið var æðislega gott, þó að auðvitað kólnaði þegar kvöldaði... að við sátum úti fram á rauða nótt.

Tókum sólina úr töskunni...

Við vorum svo blessuð í síðustu ferð, að fá alla sólardagana þar sem við vorum...   

Veðurspáin var nefnilega ekki góð á neinum staðanna... Það átti að vera rigning í w-Virginíu en fengum sæmilegt veður og það var sól þennan eina dag sem maraþonið var... síðan færðum við okkur til Hagerstown í Maryland og þá var sól á meðan við vorum þar... og það var sól í New Jersey... byrjaði að rigna þegar við vorum komin í flugvélina til Alaska... og að lokum átti að vera rigning í Alaska... en var sól á meðan við vorum þar... byrjaði að rigna þegar við vorum í flugstöðinni... auðvitað af því að þá vorum við búin að pakka sólinni niður - til að taka hana með okkur heim

Svaf í 16 tíma

Ég svaf svolítið í vélinni á milli Alaska og Salt Lake City... en svaf ekkert á leiðinni til New York. Við biðum 1 og 1/2 tíma í biðröð eftir flugtaki í vélinni og svo tók við rúmlega 5 tíma flug heim... og ég datt út af öðru hvoru á leiðinni.
Ég gekk frá dótinu þegar við komum heim, fór í Bónus og svoleiðis. Það var húsfélagsfundur kl 8 um kvöldið... á meðan ég beið eftir honum snarversnaði mér í ,,sibbunni" sem endaði með því að ég sleppti að fara á fundinn, fór í bælið... og svaf í 16 tíma - var meira að segja vakin með símanum.

Komin heim

Lúlli tékkaði okkur út af hótelinu kl 12 á hádegi á laugardag í Alaska... ég var að hlaupa til kl 1.  Ég fékk að fara í sturtu eftir hlaupið, af því að konan var ekki búin að þrífa herbergið. Við keyrðum um, fengum okkur að borða á Golden Corral og áttum að skila bílnum kl 9 um kvöldið. Við skiluðum honum frekar snemma - það var svo sem ekkert að gera annað - tíminn var of stuttur til að fara eitthvað og við Garm-laus.

Flugið var 1:05 eftir miðnætti aðfaranótt sunnudags, millilent í Salt Lake City og New York og svo lentum við hér heima um kl 7 í morgun... á mánudagsmorgni.

Týri tengdasonur sótti okkur og við fengum kaffi hjá Helgu. Bíllinn okkar er ekki tilbúinn, hann þurfti smá andlitslyftingu, nýja framrúðu og taka af honum unglingabólur kringum falsið um leið.

Nóg að gera í dag

Við byrjuðum í Best Buy... eins og sést á hlaupasíðunni minni... og svo hófst eltingarleikur við staðina sem við þurftum að þekkja í sambandi við maraþonið.

Veðrið var ágætt í dag, það var sæmilega hlýtt og sól. Við erum á vitlausum tíma, vöknum og sofnum snemma. Við verðum lítið vör við náttúrufegurð í borginni, það er helst fjallasýnin.  Hérna býr mikið af fólki sem hefur ,,grænlenskt" útlit... kannski afkomendur frumbyggja Alaska.  

Lúlli mun tékka okkur út á meðan ég er í maraþoninu, við skilum bílaleigubílnum kl 9 í kvöld og eigum miðnæturflug til Salt Lake City... þaðan fljúgum við til New York ... og eigum annað næturflug til Íslands. Við komum heim að morgni 22.júní.

Garm-laus í Alaska

Bílstjórinn á áttunni keyrði okkur upp í flugstöð að sækja bílinn. Það ótrúlega gerðist... Alaska kom ekki inn á garminum okkar. Sem betur fer mundi ég leiðina á hótelið... en þetta varð til þess að við fórum ekki í búð eða á neitt flandur í gær... því nú tók við margra klukkutíma törn við að tjónka við tækið... með hjálp fleiri manna sem höfðu aldrei kynnst öðru eins... að það vantaði eitt fylki í Bandaríkin.

Klukkan var orðin margt og við búin að vaka í meira en sólarhring... svo það var ekki annað að gera en fara að sofa... verkefnalistinn fyrir daginn í dag lengdist heilmikið við þetta.

New York - Salt Lake City - Anchorage

Við vorum vöknuð fyrir kl 3 í nótt... enda áttum við langan dag fyrir höndum.  Við gistum í New Jersey í nótt og áttum klst.keyrslu til JFK í New York. Sú ferð gekk eftir áætlum og við vöktum vörðinn í hliðinu hjá Avis... steinsofandi í vinnunni. Við höfðum keyrt 1368 mílur þessa viku sem við vorum á vesturströndinni.

Fyrra flugið var 6:45 til Salt Lake City... 4:40 klst... Biðin þar var frekar stutt 1:30 klst... síðara flugið var til Anchorage í Alaska. það tók svipaðan tíma eða 4:30 klst. og þá var klukkan 4 tímum á eftir. Við lentum kl 2:35 á staðartíma...

Við vorum furðu hress eftir nær 16 tíma ferðalag. Hótelbus-inn sótti okkur því við fáum ekki bílaleigubílinn fyrr en kl 9 í kvöld. Við keyptum pakka, hótel í 2 nætur og bíl í 2 sólahringa og það kemur betur út að taka bílinn seinna því við eigum kvöldflug heim... skynsamlegra að hafa bíl þegar við höfum tékkað okkur út og geta farið eitthvað áður en við fljúgum heim  

Super 8 Anchorage

3501 Minnesota Drive, 36th Ave & Minnesota Dr. Anchorage, AK 99503-3650 US
Phone: [phone]    Room 105

Allentown PA - Elizabeth NJ

Lögðum sæmilega snemma af stað, það er ekki langt til Elizabeth, þar sem við ætlum að gista síðustu nóttina... á vesturströndinni. Á leiðinni keyrðum við framhjá Bethlehem og Nazareth... Það er mikið um Biblíuleg nöfn á þessu svæði.

Við höfum aldrei reynt annað eins slaufuvegakerfi neins staðar og er hér í Elizabeth... Þetta er hreinasta ævintýri...
Við fengum ekki mótel á sæmilegu verði nær JFK... það eru um 30 mílur þangað... sem er ,,rétt hjá" í Ameríku og við verðum að vakna kl 3 í nótt í síðasta lagi. Við pökkuðum dótinu okkar og keyptum okkur nesti fyrir flugið... síðan verður farið snemma í bælið.
Nágranni okkar í næsta herbergi er á Limósíu.

Econo Lodge Newark International Airport >>
853 Spring St. (US 1 & 9)... Elizabeth, NJ, US, 07201
Phone: [phone]     Room 123 

Hagerstown MD - Allentown PA

Við keyrðum á sunnudag frá Logan WV til Hagerstown MD, gistum þar 2 nætur... Við ætlum ekki að keyra svo langt, það gerðist bara. Eini sólardagurinn í WV var á meðan ég hljóp og við fengum steikjandi hita í gær í Hagerstown... annars hefur verið skýjað. Í dag (þriðjudag) keyrðum við til Allentown PA.

Á leiðinni þangað skoðuðum við Crystal Cave...
http://www.crystalcavepa.com/
Crystal Cave Video Tour
Þetta er hellir sem ég hef átt bækling um í mörg ár og taldi spennandi að skoða. Hellirinn var síðan frekar lítill og lítið að sjá... kannski vegna þess að ég hef skoðað svo marga stóra og glæsilega hella hér í Usa... 
Eftir að hafa tekið okkur hótel í Allentown, fórum við á The Old Country Buffet... það var komið að því... frábært.

Super 8
1033 Airport Road Allentown, PA 18109 US
Phone: [phone], room 234

Logan til Hagerstown???

Við förum í dag frá Logan og sennilega til Hagerstown... við verðum sennilega netlaus í nokkra daga. Þannig að sms kæmi að gangi til að senda skilaboð

Hversu há er Esjan ?

Ætli fjallgöngufólkið telji ekki að 6 ferðir upp og niður ,,jafngildi maraþoni að erfiðleikagráðu"... Samkvæmt Wikipedia er Esjan 914 metra há frá sjávarmáli... ferð upp og niður er því um 1,8 km x 6 ferðir.... sem eru 10,8 km samtals.
Upphaflega maraþon vegalengdin var um 40 km og var hlaupin frá borginni Maraþon til Aþenu... það voru Englendingar sem bættu við vegalengdina svo hún varð 42,195 km.  

At the 1908 Olympic Games in London, the marathon distance was changed to 26 miles to cover the ground from Windsor Castle to White City stadium, with 385 yards added on so the race could finish in front of King Edward VII's royal box.  http://ctc.coin.org/marathon.html 

Maraþonganga á Esjunni

Logan, Vestur Virginíu

Við erum í Logan og keyrðum til Williamson sem er við fylkismörk Kentucky og West Virginia.  Hér er hrikalegt landslag. Fjöll og dalir með trjám frá ,,toppi til táar"... Hlýtur að hafa verið erfitt fyrir þá fyrstu að ferðast hingað.

Í Williamson var Hatfield-McCoy Reunion Festival, þar sem ég hljóp maraþon í dag.
Afkomendur Hatfield og McCoy voru mættir með rifflana sína, veðrið var frábært - of gott fyrir maraþon í frumskógarstígum og lognmollu milli trjánna.

Kaninn hefur greinilega ekki áhyggjur af umhverfismati... allar línur á staurum og greinilega ekkert mál að sníða af þessum fjöllum til að gera almennilega vegi... og mættu fleiri huga að hvort öryggi fólksins sé ekki meira virði en útlit umhverfisins.

Keflavík - New York - Hagerstown MD - Logan WV

Við nýttum okkur í fyrsta sinn morgunflug til New York. Komum út um hádegið og fengum bílinn um kl.1 eh. Við erum á leiðinni til West Virginia... umferðin var auðvitað klikkuð á Manhattan en um leið og maður var kominn á Highway komst maður í gang.

Við keyrðum í 7 og 1/2 tíma (281 mílur) og gistum á sexu í Hagerstown MD. Þá kom hvílíkt úrhelli að maður sá ekki fram fyrir bílinn. Sexurnar eru netlaus kvikindi... og við þreytt, svo það var farið fljótlega að sofa.

Ekkert net og enginn morgunmatur... þannig að við vorum lögð af stað fyrir 7 í morgun. Keyrðum um 350 mílur í dag og komum til Logan WV í hádeginu. Það rigndi hressilega öðru hverju á leiðinni... en leiðin lá í gegnum fjöll og dali með trjám á báða bóga.

Við rennum niður í Williamson sem er við fylkismörk Kentucky og West Virginia og sækjum gögnin fyrir maraþonið á eftir.

Super 8 Logan
316 Riverview Ave, Rt 119 S, Logan, WV
phone: [phone]   Room 118

Hvernig vissi hún hvað þetta var mikið?

Mér finnst harla ótrúlegt... að konan hafi átt 1 milljón dollara... eins og maður heyrir mikið um fátækt frá þessum landsvæðum þarna suðurfrá... 

En ef þetta er rétt... þurfa hjálparstofnanir þá ekki að hugsa sig um tvisvar áður en ákveðið er að veita aðstoð hverju sinni.

Bara til að leika sér með þessar tölur... ef maður áætlar að konan hafi byrjað að safna um tvítugt og hafi safnað í 40 ár... þá hefur hún þurft að leggja 68,4 dollara til hliðar á hverjum einasta degi (40 ár = 14.610 dagar)... til að eiga um 1 milljón dollara...

Henti sparnaði móður sinnar á haugana

Þjórsárbakki

Haraldur hringdi í gær og bauð okkur austur... ég hafði aldrei komið í bústaðinn og við þáðum boðið með þökkum

Hvað eigum við að koma með með okkur... spurði Lúlli... sængurföt eða eitthvað... Haraldur þvertók fyrir að við kæmum með ,,nokkuð með okkur"... sagði svo: ,,bara föt"!!! ... Hjúkk maður, að við fengum að vera í fötum... annars hefðum við þurft að veita áfallahjálp alla leiðina

Við vorum klst að renna austur... VÁ... hvílík höll
Sko ekkert smá slot

Við borðuðum hvílíkt góðan skötusel í kvöldmat, fengum okkur rauðvín og bjór og svo var farið í heita pottinn, sem er glænýr... svo enduðu allir á náttfötunum á eftir. Frábært.

Veðrið var rosalega gott. Landið er rennislétt þarna og gott útsýni yfir allt. Við reiðhöllina voru reiðhestarnir og merar bæði nýkastaðar og fylfullar í næsta hólfi.   

Við fórum svo heim um hádegið í dag, svo hjónin fái nú einhvern vinnufrið. Þó mikið sé búið, er enn margt eftir að gera...