Til hamingju með daginn :)

 Heimasætan Lovísa á afmæli í dag 17.okt... er orðin 23 ára.

Ég kalla hana heimasætuna vegna þess að hún býr enn heima, ásamt kærastanum Gunnari, hundinum Venusi og kisunni ,,Klemmu eða Smellu" því hún smellti sér inn um gluggann hjá Lovísu og ákvað að setjast að þar... Enn er von á fjölgun því Lovísa er ,,eigi einsömul."

       

Lovísa er nemi í Fjölbraut í Garðabæ og upprennandi lagasmiður og textahöfundur eins og má heyra á síðunni hennar... http://profile.myspace.com/index.cfm?fuseaction=user.viewprofile&friendid=193319337

Við ,,Gamla settið" sem er í útlandaflakki sendir bestu hamingjuóskir með daginn og við biðjum Lovísu og fjölskyldu alls hins besta... eigðu góðan og eftirminnilegan afmælisdag.

Hvernig er karlmanni nauðgað?

Þegar ég heyrði fyrst að konur hefðu nauðgað karlmanni þá spurði ég hvernig í ósköpunum það væri hægt... Svarið var mjög einfalt... Öll höfum við á unga aldri sett teygju á fingurinn og stoppað þannig blóðrásina fram í fingurinn. Við vitum líka af þeirri reynslu að það er mjög kvalafullt.

Þetta er aðferðin þegar karlmanni er nauðgað - það er sett teygja á liminn og menn sem hafa orðið fyrir þessu segja að þetta sé mjög kvalafullt. Þetta er því ekkert grín eða eins og sumir hafa ímyndað sér að það væri uppfylling á óvæntum draumóra, fyrir karlmanninn að verða nauðgað.
Það er því ekkert grín - frekar en þegar konu er nauðgað.
 

Má grínast með nauðganir?

Ólíkar hefðir trúarbragðanna

Við gistum núna á Econo Lodge og eigendurnir eru indversk hjón. Einn morguninn þegar við voru að fara út og Bíðari nr.1 var eitthvað að leita á garminum, þá tók ég eftir því að Indverjinn stóð fyrir utan dyrnar. Hann snéri að götunni og húsinu á móti og baðaði út höndunum.

Ég hélt fyrst að hann væri að tala við einhvern með þessu handapati, en þá tóku við aðrar kúnstir og hann snéri sér m.a. í þrjá hringi. Hann var að framfylgja sinni trúarhefð, sennilega að biðja fyrir nýjum degi. Það skipti hann engu máli að tugir ef ekki hundruðir bíla keyrðu framhjá 5-10 metrum frá honum og fjöldi manns gengi hjá... hann var einn með sínum guði eða guðum. 

Ég gat ekki annað en dáðst að því að umheimurinn skipti hann engu í samskiptum hans við guðinn eða guðina sína. Við hin kristnu leynum ekki beint trúnni en við opinberum hana ekki á þennan hátt... kanski erum við sífellt með þessi orð Jesú á bakvið eyrað...

Matt 6:5   Og þegar þér biðjist fyrir, þá verið ekki eins og hræsnararnir. Þeir vilja helst standa og biðjast fyrir í samkundum og á gatnamótum, til þess að menn sjái þá. Sannlega segi ég yður, þeir hafa tekið út laun sín.

Við vitum að Jesús var að tala um gyðinga sem báðust fyrir með hrópum og köllum á götuhornum og börðu sér á brjóst og tilgangur þeirra var að vekja athygli á sér. 
Indverjinn aftur á móti gaf ekkert hljóð frá sér en framkvæmdi þá siði sem honum bar samkvæmt trúnni... 

Vegna þess að maðurinn er Indverji - þá vissi ég að athöfnin var trúarleg, ef hann hefði verið hvítur - hefði ég talið hann eitthvað skrítinn

Sammála Geir

Er hjartanlega sammála Geir...
við verðum að snúa bökum saman, ég var reyndar búin að blogga um að Davíð hefði sennilega bjargað landinu frá gjaldþroti http://bryndissvavars.blog.is/blog/bryndissvavars/entry/672793/ með því að vera búinn að greiða niður skuldir ríkisins... fyrir fjármálaáfallið.

Dabbi ætti frekar að fá Riddarakrossinn ef hann á hann ekki fyrir

Ekki persónugera viðfangsefnin

Skemmtilegar skreytingar

     

Við erum þessa dagana bara að dingla okkur hér í Kansas City. Á hinum síðustu og verstu tímum eyðir maður engu, enda er ferðin ekki búin, 2 vikur eftir og við þurfum að eiga fyrir mat og gistingu.
Við vorum að skoða okkur um og rákumst á þessa skemmtilegu skreytingu á húsi, framhliðin var eins og bókahilla og ég varð að smella af einni mynd.´

Við sáum líka svona skreytingar í Ashland... eins og má sjá hér... http://byltur.blog.is/blog/byltur/entry/669277/
skemmtilegt og lífgar svo sannarlega upp á húsin.

Allir vildu bita af kökunni meðan hún var til...

Mikið er gott að einhver hlý orð koma erlendis frá. Á erfiðleikatímum sannast ekki aðeins hverjir eru vinir manns - heldur einnig hvaða álit fólk hefur raunverulega. Þegar allt var á góðri uppsiglingu vildu allir fá hluta af kökunni... fólk var í röðum að fá styrki frá hinum ríku mönnum og fyrirtækjum, líknarfélög og sjúkrahús fögnuðu peningagjöfum... mönnum var hampað.
Allir vilja versla ódýrt hvort sem það er í Bónus eða annarsstaðar... og Bónus hefur verið okkar mesta kjarabót.  

Það sorglega er að fáir virðast ætla að tala máli þessara manna nú. Ríkt fólk hefur alltaf gefið mikið frá sér, styrkir hér og styrkir þar.  Að vísu var offjárfest en þessi kreppa er ekki þeim einum að kenna. Upptökin koma frá húsnæðislánakerfi Bandaríkjanna og hækkandi olíuverði í heiminum. Fjármálaheimurinn er eins og net, ef það kemur gat - glatast auðæfi margra.

Úr því sem komið er, er ekkert annað að gera en halda áfram, við viljum áfram versla ódýrt... reyndar er okkur það aldrei eins nauðsynlegt og nú, í tilraun til að halda sömu lífskjörum... Ekki förum við að skjóta okkur í fótinn með því að sneiða fram hjá lágvöruverslunum.

„Ísland við upptök skjálftans"

Ekki nógu kynaukandi?

Að fá svona fréttir á síðustu stundu hlýtur að vera rosalega svekkjandi. Sérstaklega vegna þess að hljómsveitinni var boðið út... eða var þeim ekki boðið?  Þeirra fjárhagur kemur málinu ekkert við...  Það er því spurningin eins og fréttin segir, hvort menn séu ekki bara að skýla sér bakvið lélegar afsakanir... það hafi ekki selst nógu margir miðar til að borga fyrir heimboðið. Við höfum hingað til talið Japan vera velstönduga þjóð - en það er kanski bara misskilningur

Ps. Þeir hafa kanski komist að þeirri niðurstöðu að þau verk sem synfónían ætlaði að flytja "væru ekki kynaukandi" fyrir japanska karla... það miðast nefnilega allt við að auka kyngetu karla þar.

Vilja ekki íslensku sinfóníuna

Hvað finnst hinum almenna Breta?

Við erum flest sammála um að hryðjuverkaaðgerð "Hr. Brúns" var óréttlát og að hann hafi verið að gera sig meiri í augum almennings... enda eru það við sem fengum skellinn. 

Hvað okkur snertir, er nú spurningin... hefur blaðagreinin snúið áliti hins almenna Breta? Finnst þeim "Hr. Brúnn" hafa brugðist rétt við eða telja þeir nú að aðgerðin hafi verið óréttlát?

Fjögur hundruð bloggfærslur

Alltaf í sambandi :)

Það er ekki langt síðan við fórum að ferðast með fartölvuna 
En þvílíkur munur, við erum í stöðugu sambandi við börnin heima í gegnum msn og email. Síðan ég byrjaði að blogga hafa þau svo getað fylgst með gömlu...  
Í þessari ferð datt mér í hug að setja inn símanúmerið á hótelinu sem við erum á þá stundina svo það sé hægt að ná í okkur... 

Við komum í gær til Kansas City og ég setti strax inn nýjustu upplýsingar... og það liðu nokkrir klukkutímar þar til við fengum símtal frá Lilju vinkonu okkar í Pueblo West í Colorado.  Hún hafði farið inn á Mbl.is og rakst á bloggið mitt

Frændi og frænka, Jonna og Bragi fylgjast líka með frá Santa Barbara í Californíu... við erum í stöðugu sambandi við þau... svo þetta með símanúmerið, svínvirkar

Davíð konungur Íslands!

Sá yðar sem syndlaus er kasti fyrsta steininum. Einu sinni heyrði ég þetta: Þó þú gerir 99 góðverk, man það enginn - ef þú gerir 1 mistök, muna það allir.

Nú sér maður hinar ýmsu skoðanir manna á Davíð Seðlabankastjóra. Þeir láta alltaf hæst í sér heyra sem eru á móti - það er bara hátturinn. Margir vilja að hann segi af sér- ekki ég.
Þó álit mitt á Sjálfstæðisflokknum hafi dalað eftir að sumir menn... eftir kostningar og viðtöku síns embættis síns... hættu að svara spurningum fólks og fl... ég er auðvitað ekki stjórnmálafræðingur... en ég hef þá skoðun, að Davíð hafi bjargað því að landið yrði gjaldþrota.

Áður en þessi kreppa kom upp var íslenska ríkið nær skuldlaust... og það lítur út fyrir að okkur takist að standast áfallið.
Auðvitað hafa allir galla og allir hafa gert mistök... við sjáum það aldrei fyrirfram - alltaf eftir á... en í stjórnartíð Davíðs var hafist handa við að greiða niður skuldir ríkisins... hvar stæðum við núna ef þjóðin hefði verið skuldug upp fyrir haus. Við hefðum orðið gjaldþrota. 

Komin til Kansas City, Missouri

Þriðja daginn í röð keyrðum við suður I-35. Nú erum við komin til Kansas City í Missouri. Við verðum hér fram á laugardag eða í 5 nætur. Við gistum í miðborginni á móteli sem var áður Roadway Inn en er nú Econo Lodge. Bæði eru keðjur sem við höfum oft gist á og þekkjum vel.

Econo Lodge Inn & Suites Downtown
3240 Broadway , Kansas City, MO, US, 64111-2426 
Phone: [phone]    room 116

Einfaldara getur það ekki verið

Róm 10:9
Ef þú játar með munni þínum: Jesús er Drottinn og trúir í hjarta þínu, að Guð hafi uppvakið hann frá dauðum, muntu hólpinn verða.

Getur það verið einfaldara... bara að játa trúna og trúa... og himnaríki er þitt. Málið er að við eigum sjálf erfitt með að trúa að það hangi ekki meira á spýtunni. Við erum nefnilega ósjálfrátt alltaf að meta okkur við aðra. þ.e. telja þeirra afbrot verri en okkar... eins og fariseinn í Lúkasarguðspjalli...

Lúk 18:11
Faríseinn sté fram og baðst þannig fyrir með sjálfum sér: Guð, ég þakka þér, að ég er ekki eins og aðrir menn, ræningjar, ranglátir, hórkarlar eða þá eins og þessi tollheimtumaður.

Hver erum við að dæma hvort annað, en það þýðir ekkert að loka augunum fyrir að við gerum það... bæði í orði og hugsun. Fariseinn taldi sig vera betri því hann var gyðingur... hann var fæddur inn í samfélag sem átti fyrirheit Guðs, en hvað sagði tollheimtumaðurinn...

Lúk 18:13
En tollheimtumaðurinn stóð langt frá og vildi ekki einu sinni hefja augu sín til himins, heldur barði sér á brjóst og sagði: Guð, vertu mér syndugum líknsamur!

Tollheimumaðurinn bað til sama Guðs. Sá sem okkur virðist vera langt frá Guði... getur verið miklu nær honum en við. Trúin í hjarta og á vörum mannsins er mælistika sem manni virðist að mælt verði eftir. Það getur varla verið einfaldara - en samt eigum við fullt í fangi með það.

Keyrðum til Minneapolis í gær

Lúlli tékkaði okkur út af mótelinu í Ashland á meðan ég var í hlaupinu. Það vantar ekki að það er mjög fallegt í haustlitunum að keyra þangað og þaðan burt. Það rættist úr veðrinu, það var kalt þar til í hlaupinu, einmitt þegar það mátti vera kalt... þá hitnaði. 

Veran þarna var minna spennandi því Lúlli var veikur og síðustu nóttina - fyrir hlaupið fylltist ég af einhverju hálsdrasli ??? Svo að við biðum ekki eftir neinu  eftir hlaupið heldur keyrðum beint suður til Minneapolis. Tókum sömu áttu og síðast.

Í dag keyrðum við áfram suður eftir I-35 niður til Des Moines höfðuborgar Iowa. Þar gistum við amk í nótt.

Super 8 Urbandale/Des Moines Area,  5900 Sutton Drive I35/I80 Exit 131 Merle Hay Rd Urbandale, IA 50322 US,
Phone: [phone] Room 120

Ætla að forðast að kaupa breskar vörur

Jæja, svo Sá Brúni (Brown) er nú að yfirtaka banka heima hjá sér. Það er kanski okkur að kenna. Við erum vondu kallarnir. Það er öruggt að eftir hryðjuverkameðferðina á okkur... sem gerði ástandið helmingi verra en það var - þá hef ég ákveðið að sneiða fram hjá breskum vörum.

Breskir bankar yfirteknir

Til hamingju með daginn

 Árný á afmæli í dag 11.okt... er orðin 43 ára.

Árný býr á Burknavöllunum, í sömu blokk og við, bara á 3ju hæð. Hún á 4 börn, Hafþór Örn, Sigurð Braga, Sigrúnu og Maríu Mist... og 2 barnabörn, Sverri Björgúlf og Sölva Stein.
Ég hef það eftir áreiðanlegum heimildum að hún fari á tónleika (Vilhjálm) í tilefni dagsins.  

Innilega til hamingju með daginn.
Megi allt ganga þér og þínum í haginn og eigðu góðan dag til að minnast.