Þægilegt...

Ég er í dag og á morgun amk. í heimaprófi
í Siðfræði stríðs og friðar, en ég
gaf mér samt tíma eh. að líta aðeins upp
og halda upp á afmælið (51) 

Björg vinkona á líka afmæli í dag (52)
Til hamingju með daginn okkar.

Vegna þess að ég mátti í raun ekkert vera að því að halda upp á þetta, þá nýtti ég mér opnunarhátíð á nýju og endurbættu húsnæði Byrs þar sem boðið var upp á smákökur, konfekt og kaffi. 

Var þetta hið besta mál, lifandi tónlist þó ekki væri sunginn afmælissöngur.  Ég verð bara að segja það var ágætlega mætt, þó ég hafi ekki þekkt marga. 

ATH....
Búið að framlengja málverkasýningunni á Sjónarhóli til 14.des

Til hamingju með daginn

   Elsta barnabarnið og nafna mín á afmæli í dag 29.nóv

Bryndís Líf (14) á afmæli í dag. 
Bryndís Líf var fermd sl vor sem var stóráfangi
útaf fyrir sig.... amk fyrir mig að vera amma fermingarbarns.

En ég er stolt af þér stelpa og bið þér alls hins besta

 

Innilega til hamingju með afmælið  

Málverkin hengd upp

 
  
Þá eru málverkin komin upp á vegg í Sjónarhóli. 
Ég kom 12 verkum fyrir, öll ný. 

Búðin skiptist í tvo hluta,
tvö verk eru sömu megin og afgreiðsluborðið,
hin eru í hliðarherberginu. 

Sýningin stendur frá 19-30 nóv og opnunartíminn fylgir opnunartíma verslunarinnar 10-18 alla virka daga. 
Verkin kosta frá 15-55 þús. 

Ég ætla að taka á móti fólki,
formleg opnun mánudaginn 19.nóv frá 16-18. 

Munið Sjónarhóll, Reykjavíkurvegi 22 HF   http://www.sjonarholl.is

Allir velkomnir.

Málverkasýningin mín

Þessa dagana er ég á fullu við undirbúning málverkasýningarinnar minnar á Sjónarhóli.  Þetta verður fyrsta einkasýningin og mjög spennandi að fá svona tækifæri. 

Samsýningin sl. vor á Listahátíð Hafnarfjarðar ,,Bjartir dagar" sýndi vissan kjark.  Það er viss kjarkur finnst mér að sýna verkin sín, nýbyrjuð að mála og hafa ekkert lært. 

Vonandi hef ég skánað eitthvað.  Ég sýni nýjar myndir, allt olíumálverk, sennilega 13 verk.  er ekki alveg viss hvernig þetta rúmast.
Sýningin mun standa í 2 vikur og opnunin verður mánudaginn 19.nóv milli 16 og 18 (allir velkomnir)

Kíkið inn..... 

ATH....
Lína langsokkur verður að heiman.  Óþarfi er að koma með gleraugu, nóg af þeim á staðnum og nóg að sjá þegar fólk mátar.

Ég vona að þetta takist vel. 
Sýningin mun standa til 30.nóv, sem er bæði afmælisdagurinn minn og síðasti kennsludagur í Háskólanum.

Afmæli í dag

 Sverrir Björgúlfur er 3 ára í dag 8.nóv.

Innilega til hamingju með daginn litli kútur.

 

 

 

 

Sverrir Björgúlfur er sonur Hafþórs
barnabarn Árnýjar
langafabarn Lúlla.... skelfing er hann orðinn langur....

Til hamingju með daginn

 Einkasonurinn á afmæli í dag 7.nóv.

Innilega til hamingju með daginn

Svavar (24) er nemi í Háskólanum í Reykjavík
og alltaf brjálað að gera hjá honum,
það þyrfti frekar að fjölga klst. í sólarhringnum
en að fækka þeim. 
Ég býst við að það verði bökuð kaka á heimilinu af tilefninu.

 

 Mein Sohn

Til hamingju með daginn 

Málverkasýning Eddu

Edda, litla systir sem er stærri en ég......
opnar í dag málverkasýningu í Sjónarhóli,
gleraugnabúðinni á Reykjavíkurveginum. 
Þetta er auðvitað stórviðburður, fyrsta einkasýningin. 

Við fórum á föstudaginn og hengdum verkin upp. 
Hún sýnir 10 verk sem koma frábærlega út og sjást vel inn um gluggann þegar maður keyrir framhjá......
samt betra að gefa sér tíma til að fara inn og skoða.  

Sýningin er opin virka daga frá 10-18

Opnunin er 7.nóv kl. 16-18 en sýningin stendur til 16.nóv
Allir að fara að skoða.

Til hamingju Edda með sýninguna...