Númer hvað er þjóðin?

Númer hvað er þjóðin?  Það er hreint ótrúlegt hvað stjórnin ætlar að sóa þessum dýrmæta tíma sem hún hefur...  til þess eins að reka Davíð... Hvað bætir það hag atvinnulausra eða þeirra sem eru að missa allt sitt.
Það var vitað fyrirfram að þessi stjórn myndi sitja í stuttan tíma, þess vegna hefði maður haldið að áherslan lægi á að styrkja og styðja heimilin í landinu og atvinnuvegina... en að sóa tímanum í svona vitleysu...

Lausn ekki fundin

Númer EITT

Orðið ,,testamenti” þýddi til forna eiður, skrifleg tilmæli, erfðaskrá eða ákvæði. Gríska og hebreska merkingin getur líka verið ,,sáttmáli.”  Sáttmáli í hinni fornu veröld þýddi bindandi samkomulag milli tveggja aðila og það var oft innsiglað með dýrafórn þ.e. blóði fórnardýrs.  Móses stofnsetti hinn Gamla sáttmála með dýrafórn á altari Guðs. Þennan sáttmála kallar Nýja testamentið lögmálið og boðorðin

Lögmálið samanstendur af 613 ákvæðum [1] og Boðorðin eru 10.... báðar tölurnar hafa þversummuna EINN.... Við höfum bara eitt líf og einn Guð og hann á að vera númer eitt hjá okkur.

[1] The Baker, Pocket Guide to The Bible (Kevin O´Donnell) bls. 19

Byrjað á öfugum enda?

Hvers vegna þurfti að stjórnin að víkja?  Var hún ekki að fara eftir þeim úthlutunarreglum sem voru fyrir og einhverjir aðrir settu... og þarf ekki að vera ,,einhver" stjórn á meðan reglurnar eru þá endurskoðaðar?

Ég er námsmaður á námslánum... ég veit að maður þarf að ná prófunum til að fá lánið?  Þess vegna eru lánin greidd eftirá.  Falli námsmaður í einhverju fagi, bætir það örugglega ekki að hafa þegar fengið námslánið... þá þyrfti að borga það til baka er það ekki ??? 
Ég get ekki séð annað en að Katrín verða sér úti um atkvæði námsmanna... hún er komin í kosningabaráttu.

Vék stjórn LÍN frá

Trúmál og siðferði

Ég var að skoða bloggflokkana og sá að það var búið að breyta nafni flokksins ,,trúmál" í ,,trúmál og siðferði"... flokkar sem hljóta þá að hanga saman... þó siðferði eigi auðvitað við alla líka hina vantrúuðu.

Það er sama hvaða trú fólk aðhyllist... Budda, Islam, Hindú, Gyðingdóm, Kristni eða Vantrú... allt þetta fólk reynir að lifa eftir svipuðum reglum og boðorðum og vill vera í sátt og samlyndi við aðra. Innan um í öllum þessum hópum eru til öfgahópar.

Hér á landi hafa oft verið spyrt saman þessi tvö orð ,,kristið" og ,,siðferði." Oftast er þá átt við að siðferðið sé trúarlegt... en ekki samfélagslegt atriði.  

Ég hef áður bloggað um skiptingu boðorðanna 10...
http://bryndissvavars.blog.is/blog/bryndissvavars/entry/642887/ 
http://bryndissvavars.blog.is/blog/bryndissvavars/entry/637734/

Fyrstu boðorðin varða samband manns við Guð og teljast því trúarlegi hluti þeirra... seinni hluti þeirra þ.e. frá og með hvíldardagsboðorðinu er samfélagsreglur... reglur sem eru gerðar fyrir manninn svo honum geti liðið vel og verið óttalaus í samfélagi við aðra. 
Þessar reglur gilda alls staðar hverju sem menn trúa...

Það er sérstaklega vantrúað fólk er í einhverri nöp við orðalagið ,,kristilegt siðgæði" og þeir blanda því meira að segja við Gamla testamentið... en réttilega væri aðeins hægt að tengja það við Nýja testamentið og boðorð Jesú um að elska Guð og náungann eins og sjálfan þig.  

Guð einstaklinga

Ísrael var það nafn sem Guð valdi fyrir ákveðinn þjóðfélagshóp... útvalningin var á Jakob og afkomendum hans, sem urðu að þjóð og Guð gaf þessari þjóð ákveðið land... En eins og Job sagði, þá bæði gaf Drottinn og tók.

Af þeirri einföldu ástæðu að Ísraelsmenn misstu landið sem Drottinn gaf þeim... er raunhæft að ætla að Drottinn hafi tekið landið af þeim aftur en um leið og þeir misstu landið, misstu þeir musterið þar sem æðstipresturinn friðþægði fyrir þjóðina í heild einu sinni á ári.

Spámaðurinn Esekíel var búinn að prédika yfir Ísraelsmönnum (18.kafli) að hver einstaklingur innan Ísraels yrði að standa reikningsskil gerða sinna. 
Við dauða Krists á krossinum breyttist fyrirheitið sem Guð hafði gefið Ísraelsmönnum sem þjóð - eftir þetta var fyrirheitið einstaklingsbundið.

Jesús sagði: Það kemst enginn í ríki Guðs nema fyrir mig.

Niðurstöður?

Meina þeir ekki síðustu ,,getgátur".

Geimurinn verður alltaf ráðgáta fyrir okkur og menn eru að geta sér til um ýmislegt. Nýjar ,,niðurstöður" segja okkur ekkert nema það að vísindamenn vita í raun ekkert fyrir víst... þetta eru allt getgátur... sem margir taka síðan sem heilögum sannleika.

Vetrarbrautin sögð stærri en talið var

Glæsilegt, til hamingju Ólafur

Ég er sérstaklega hrifin af framtaki Ólafs H. Johnson að reka menntaskóla með þessu sniði eins og Menntaskólinn Hraðbraut er rekinn.
Ég var í fyrsta árganginum sem útskrifaðist eftir aðeins 2ja ára nám. Kerfið er frábært, aðeins 3 fög í einu... 4 vikur í geðveiki... bara grín... 1 vika í próf og vikuna á eftir er frí, ef maður náði prófunum - annars var hún notuð til að taka prófið aftur.

Það er frábært að geta útskrifast á 2 árum - og þau eru svo fljót að líða :)

Nýir eigendur að Menntaskólanum Hraðbraut

Hvað voru vitringarnir margir?

Ég varpaði þessari spurningu fram, þegar við systur vorum að föndra jólakúlur um daginn.  Hvað voru vitringarnir margir? 

Ekki stóð á svörunum, allar sammála um að þeir hafi verið 3... og vitnuðu meira að segja í Biblíuna.

Matt 2:1
Þegar Jesús var fæddur í Betlehem í Júdeu á dögum Heródesar konungs, komu vitringar frá Austurlöndum til Jerúsalem
Matt 2:11
þeir gengu inn í húsið og sáu barnið og Maríu, móður þess, féllu fram og veittu því lotningu. Síðan luku þeir upp fjárhirslum sínum og færðu því gjafir, gull, reykelsi og myrru.

Það er oft þetta einfaldasta sem fellir okkur... Eitthvað sem við höfum bitið í okkur og myndum standa á því föstum fótum að væri rétt... en sannleikurinn er sá að tala vitringanna er hvergi nefnd - aftur á móti eru gjafirnar þrjár, gull, reykelsi og myrra.

Allra hagur...

Bráðnauðsynlegt að reka á eftir fólki svo það geti bjargað sér sjálft...
Sem krakki man ég eftir sjoppueiganda og sundlaugaverði sem voru af erlendum uppruna. Sjoppueigandinn talaði slagfæra íslensku... varð kanski að gera það svo það væri hægt að versla við hann en hinn danski sundlaugavörður var búinn að búa til sitt eigið tungumál, sem ég held að hvorki Danir eða Íslendingar hefðu skilið þó lífið lægi við...

Tengdamamma mágkonu minnar reyndi hins vegar aldrei að læra íslenskuna, þó hún væri búsett hér í fjölda ára... svo það er nauðsynlegt að ýta við fólki. Það er nauðsynlegt að setja kröfur, því eftir allt saman er auðveldara fyrir fólkið sjálft að fóta sig hér, ef það lærir málið. 

Íslenskupróf skilyrði fyrir ríkisborgararétti

Ótrúlega krúttlegt

Barn snýr sér að Guði og segir: Mér er sagt að ég verði sendur á jörðina á morgun., hvernig get ég lifað eins lítill og ósjálfbjarga og ég er?
Guð segir: Ég hef valið engil fyrir þig úr hópi engla og hann bíður eftir þér, þessi engill mun sjá um þig.
En segðu mér Guð, segir barnið... hérna á himninum geri ég ekkert annað en að syngja og brosa og það er nóg til að vera hamingjusamur.
Og Guð segir: Engillinn þinn kemur til með að syngja fyrir þig, hann brosir til þín alla daga og þú verður umlukinn ást og þannig verður þú hamingjusamur.

Barnið spyr: En hvernig get ég skilið tungumálið sem mennirnir tala?
Guð svarar: Engillinn þinn segir falleg orð við þig, fallegustu orð sem þú hefur nokkurn tíma heyrt og með mikilli þolinmæði og kærleik mun hann kenna þér að tala.
Barnið spyr: Hvað geri ég ef ég vil tala við þig?
Guð segir: Engillinn þinn mun setja saman hendur þínar og kenna þér að biðja.

Barnið segir: Ég hef heyrt að á jörðinni séu til vondir menn, hvernig get ég varið mig?
Og Guð segir: Engillinn þinn mun verja þig þó það kosti hann lífið.
Barnið segir: En ég verð alltaf sorgmæddur, því ég sé þig ekki oftar.
Guð segir: Engillinn þinn á eftir að segja þér frá mér og vísa þér veginn í áttina til mín, en þó mun ég alltaf vera við hlið þér.

Á þessu andartaki færðist ró yfir himininn, guðdómlegar raddir heyrðust og barnið sagði: Kæri Herra, þar sem ég er að fara, segðu mér... hvað heitir engillinn minn?

Og Guð svaraði: Nafn hans skiptir ekki máli, þú kallar hann bara ,,mömmu"