Orlando 28 nóv 2016

Það er ótrúlegt hvað við höfum náð að versla. Þessi ferð er degi styttri en áður, bíllinn stærri en allt er samt orðið fullt.

Við keyrðum frá Cocoa Beach til Orlando... auðvitað var verslað, skilað og skipt á leiðinni. Við tékkuðum okkur inn á áttunni, bárum inn dótið og fórum út að borða.Það allra síðasta verður að bíða til morguns.

Super 8 International Drive

5900 American Way, FL 32819

tel: [phone]   room 239

Cocoa Beach Florida 26-28 nóv 2016

Við komum til Cocoa Beach rétt eftir hádegi og byrjuðum á að sækja númerin okkar fyrir hlaupið á morgun. Síðan héldum við áfram að versla, fórum í Walmart á Merrit Island því við ætluðum að fá okkur grillaðan kjúkling í kvöldmat... en þeir höfðu ekki mætt í búðina... svo við fengum okkur Pizzu.

Við fórum nokkuð snemma að sofa enda þurfum við að vakna kl 3 am og mæta í rútuna ekki seinna en kl 4:30. 
Allt um Space Coast Marathon á byltur.blog.is en allt gekk vel í hlaupinu. Við tókum rútuna til baka, fórum í sturtu og út að borða...

Síðan fór tíminn fór í að pakka því við keyrum aftur til Orlando daginn eftir hlaup.

Days Inn Cocoa Beach, 
5500 North Atlantic Ave, Cocoa Beach 32921
Tel: [phone]  room 138

Noregur 23-28 ág 2016

23.ág
Við fljúgum að sjálfsögðu báðar leiðir með Icelandair... og fyrir flug fengum við okkur morgunmat í betri stofunni. Flugið var með einni millilendingu (Bergen) þar sem við biðum klst í vélinni og héldum svo áfram til Stavanger.

Við fengum stóran og flottan bíl á vellinum og héldum til Kopervik. Garmin og Noregur eru EKKI vinir... en við komumst í ferjuna og með stórum aukahring til Haugasunds... enduðum við loks í Kopervik. Þar urðu fagnaðarfundir því ferðin var orðin frekar löng með öllum útúrdúrum. Emilía átti svolítið erfitt með að skilja að það þyrfti ekki að sækja okkur því við kæmum á bíl ??? Settum við hann með töskunum eða hvað ??? Við pöntuðum pizzu og tókum það rólega.

24.ág.
Íbúðin þeirra er mjög skemmtileg. Bryndís og stelpurnar vakna kl 6. Símon var á næturvakt um nóttina svo hann svaf lengur, stelpurnar fóru á leikskólann og Bryndís fór í skólann. Við Lúlli fórum á rúntinn fh en eh fór ég með Bryndísi að sækja stelpurnar í leikskólann og versla í matinn :)
Eftir kvöldmat kíktum við í heimsókn til Gunnu og Olavs. Þau búa ekki langt frá í flottu húsi á þrem hæðum. 

25.ág.
Til hamingju með afmælið Edda systir :)
Það var skipulagsdagur í leikskólanum hjá stelpunum og field-trip í skólanum hjá Bryndísi... og henni var sagt að hún mætti taka börnin með svo ég mætti líka... þegar til kastanna kom var ekki hægt að vera með kerru því þetta átti að vera ganga meðfram fjörunni... ég skutlaði því Evu Karen heim til Símonar og langafa og brenndi á eftir þeim.... ég gekk svo eftir þeim út í Ferkingstad og náði þangað í nestistímanum... og svo gengum við til baka... ég fór ekki alveg rétta leið og gekk sennilega um 9 km en þau um 8 km... Emilía var mjög dugleg að ganga. Á eftir fórum við og sáum litlu frelsisstyttuna en koparinn sem var notaður í NY-styttuna var fenginn úr námu þar við... Við horfðum á Rambó 4 um kvöldið. 

26.ág.
Allt sem er skemmtilegt er svo fljótt að líða... Við fórum með Bryndísi og stelpunum í leikskólann og svo kvöddumst við... Við Lúlli keyrðum áleiðis til Stavanger og urðum að taka ráðin af Garmin... fara göngin með hringtorginu til að stytta leiðina í ferjuna... og svo keyra til Stavanger... Við fundum hótelið - ótrúlegt en satt - og gögnin - enn ótrúlegra - því Garmurinn hringsnýst hérna, lætur okkur keyra göngugötur og lokaðar götur... Eftir ótal hringi fundum við út að hótelið, gögnin og startið var í 200 metra radíus. EN engin bílastæði nálægt hótelinu... næsta bílastæðahús var niður við höfn í um 400m fjarlægð. Við tókum allt sem við mundum eftir með okkur... snörluðum brauð úr COOP Prix á móti og fórum snemma að sofa. 

27.ág
Klukkan var stillt á 5:45 og svo breytt í 6:30... eftir hefðbundinn undirbúning fórum við morgunmat og mættum á startið 20 mín fyrir 9.
Maraþonið var ræst kl 9... og hægt að lesa um það á byltur.blog.is
Eftir hlaupið ákváðum við að skoða minnismerkið sem var á verðlaunapeningnum - Sverd i Fjell - og það tók ótrúlegan tíma vegna lokaðra gatna sem enginn vissi að væru lokaðar og fleira. Við fengum okkur hambó á Burger King og fórum á hótelið... 

28.ág... Heimferð kl 14:35

Denver CO - Ísland

14.júní
Það hefur ekki verið nein miskunn hjá fararstjóranum... vaknað í síðasta lagi 6:30, morgunmatur kl 7 og lagt af stað fyrir kl 8 am.

Við pökkuðum í gær því við ætluðum að eyða deginum í að skoða Red Rock útileikhúsið. Við vorum ótrúlega heppnin með veður, sól og blíða (var smá rigning í gærkvöldi) og útileikhúsið ótrúlega flott... það var smá snjór/hagl í klettaskorum... kannski var haglél þar á sama tíma og við fengum haglið í gærmorgun.

Við nutum okkar í blíðunni og lögðum svo af stað að kaupa það síðasta... NESTI fyrir heimleiðina, taka bensín, skila bílnum og taka rútuna í flugstöðina.

Flugið heim var kl 17:20 og tók 6:45mín...

Þessi ótrúlega ævintýraferð er á enda.
Við keyrðum 2.417 mílur og flugum 5 flug. Fylkin sem við fórum í voru CO, NV, AZ, UT, WA, MT og WY. Hápunktur fyrri hluta ferðarinnar var þegar við gengum The Kaibab Trail niður í Grand Canyon og upp Bright Angel Trail daginn eftir, uþb 26 km leið, með allan búnað á bakinu.
Á hverjum degi sáum við ótrúlega flotta staði (Hoover Dam, Monument Valley, Antelope Canyon, Horseshoe Bend, Meteor Crater, Sedona Canyon, Montezuma Castle, Red Rock Canyon, Yellowstone, Jackson Hole og Red Rocks... fyrir utan dagana sem við áttum í Las Vegas... og að auki náði ég í seinni hluta ferðarinnar, maraþoni í síðasta fylkinu í ANNARRI UMFERÐ um USA... How cool is that :)
það er spurning hvort það sé hægt að toppa þessa ferð... TAKK ÖLL FYRIR SAMVERUNA.

15.júní.
Týri sótti okkur upp í flugstöð, TAKK FYRIR ÞAÐ.

Hótel... rúmið heima :)

Rock Springs WY - Denver CO

13.júní

Það lá fyrir löng keyrsla í dag... þess vegna er gott að fara snemma af stað og taka frekar góð stopp. Á leiðinni fengum við þvílíkt hagl á okkur að ég stoppaði og tók videó af látunum.

Stuttu seinna sigldum við inn í sólina og í Laramie stoppuðum við í 2 tíma í Walmart.

Við komum á temmilegum tíma til Denver en lentum þá í umferðarteppu vegna slyss á veginum og fórum bara fetið í rúman klukkutíma... Borðuðum á Golden Corral.

Travelodge, Aurora

14200 East 6th Ave CO 80011

phone: [phone] room 106

myndi hiklaust gista aftur á þessu hóteli.

Bozeman MT - Rock Springs WY

Það var verið að gera upp hótelið okkar í Bozeman og herbergin voru algjör lúxus. Við sváfum vel, vöknuðum snemma, borðuðum morgunmat og héldum af stað. 

Við keyrðum til Livingston og Gardena og þaðan suður/niður Yellowstone. Við vorum sammála um að það væri peysuveður enda hitinn kominn niður í 20c. Við skoðuðum háhitasvæðin og sáum hjartardýr þar á veginum, 50 dýra buffaló-hjörð á beit við veginn og svo 2 dýr í vegkantinum. Við sáum fossa og gil, hrafnshreiður á klettasyllu... Garðurinn er mjög fallegur og líka mjög stór... ótal margt að sjá.

Við hittum Eddu, Emil og Berghildi í Jackson Hole...fallegur gamaldags bær... þar skoðuðum við hjartarhornabogana, listaverk og fl.

Þetta var langur dagur í keyrslu... við komum til Rock Springs um kl 9 pm og fórum þá fljótlega að sofa.

Days Inn, Rock Springs

1545 Elk Street, Rock Springs WY 82901

Phone [phone] room 311

Helena - Bozeman MT

Við erum búin að þræða helstu verslanir í Helena. GERA GÓÐ KAUP ÚT UM ALLT :) :) :)

Í morgun mætti ég svo á réttum tíma í rútuna til að klára maraþon í MT sem er síðasta fylkið í öðrum hring um USA.

Lúlli, Vala og Hjöddi tékkuðu okkur út á meðan og eftir markmynd og fataskipti var brunað til Bozeman.

Comfort Inn,

1370 N-7th Ave, Bozeman MT 59715

phone [phone] room 221

Las Vegas NV - Seattle WA - Helena MT

7.júní

Við liggjum alltaf í sólbaði eftir morgunmatinn... hitinn er alltaf yfir 100 F. Eftir matinn heimsóttum við Lilju... eins og alltaf tók hún vel á móti okkur...

Við stoppuðum ekki lengi, komum við í einhverjum búðum og borðuðum kvöldmat á buffeti hótelsins... svo eyddum við $ 5 í spilakassa... Emil vann mest en enginn fór með gróða.

8.júní

Fastir liðir -sólbað í 40c hita... síesta í hádeginu... eh skoðuðum við Píramítann, Luxor og sýninguna BODIES. Þaðan fórum við í Sjóræningjann.

Við pökkuðum um kvöldið... Við Vala og Hjöddi fljúgum til Seattle og þaðan til Helena... en Edda, Emil og Berghildur fljúga til Salt Lake City í fyrramálið... Við eigum flug kl 9:5 þau eh.

9.júní

Klukkan var stillt á 5 en ég vaknaði með höfuðverk kl 3am. Mér tókst að sofna eitthvað aðeins aftur. Það var eins gott að við mættum tímanlega, fyrir kl 7, því flugið hafði færst fram um rúma klst... kannski fór tilkynningin um breytinguna í rusl-síuna !!!

Flug til Seattle... og Helena... leið fljótt, lent um kl 2 eh... við fengum lúxus-kerruna hjá Budget og tékkuðum okkur inn á þessa líka flottu og snyrtilegu Áttu... Þaðan lá leiðin í Walmart.

Super8

2200 11th Ave

Helena MT, 59601 

phone: [phone] room 123

 

Las Vegas NV - The Venetian

6.júní mánudagur... afmælisdagur Indíu Carmenar, 2ja ára í dag :)

Hvað tíminn flýgur... Hitinn er rosalegur, varla hægt að vera eina klst við sundlaugina... samt reyndum við að harka af okkur í "frjálsa tímaum" eftir morgunmatinn. 

Eftir hádegið fórum við að skoða The Venetian... ótrúlegt hótel og casino með gondolasiglingu á 3ju hæð. Vala og Hjöddi voru þau einu sem keyptu sér ferð með gondóla. Allt umhverfið var eins og Feneyjar og loftið handmálaðeins og himinninn lítur út... Þetta er ótrúlega flott.

Þaðan fórum við að skoða Red Rock Canyon... með því að keyra leiðina sem ég hljóp í febr sl... og allar brekkurnar voru rifjaðar upp... vá...

Ég hringdi í Lilju og hún vill fá okkur í heimsókn á morgun.

Við Vala og Hjöddi borðuðum svo kvöldmat á hótelinu... frábært þetta Buffet :)

Las Vegas NV - The Strip

5.júní... Sjómannadagurinn

Sjómannadagurinn er í dag... og sjómaðurinn var svo slappur af kvefi að hann ákvað að vera heima á hótelinu í dag. Hitinn er gifurlegur... fór hæst í 113F að það var erfitt að vera úti lengi. 

Við byrjuðum á morgunverði á buffetinu... svo var "frjáls tími" fram yfir hádegi, sem flestir notuðu við sundlaugina... svo fórum við seinnipartinn í Walmart. Þaðan fór ég með Völu og Hjödda í ELVIS WEDDING CHAPEL... og það endaði með því að ég lét þau endurnýja heitin fyrir framan dyrnar þar.... Um kvöldmatinn fórum við að skoða Caesers Palace og til að horfa á vatnsorgelið... með ljósa-show-i því það var farið að skyggja... þetta var svo flott að við horfðum á 3 sýningar... en eftir kl 8 eru sýningar á 15 mín fresti.

Við borðuðum á Gordon Ramsey... ágætur staður... eftir það keyrðum við fyrst upp The Strip og svo niður það... og hvílík ljósadýrð... við komum ekki heima á hótel fyrr en um miðnætti og þá var hitinn um 100F

Dagskráin á morgun er þegar ákveðin.