Cloquet til Ashland

Ákváðum að vera hér í 2 nætur. Lúlli veiktist svo í gær, kvef og höfuðverkur, svaf lítið sem ekkert í nótt... en við verðum samt að halda áfram í dag. Hann verður að harka af sér.

Það er ekki langt til Ashland, það er í næsta fylki þ.e. Wisconsin. Við erum mjög norðarlega og það er kaldara hér en fyrir sunnan. Haustlitirnir eru ótrúlega flottir... Við erum búin að vera í Usa í október á hverju ári síðustu 10 ár, nema í fyrra og þetta er alltaf jafn fallegt.

Hvers vegna kreppa?

Fyrir mörgum árum, þegar við hjónin fórum að ferðast til Bandaríkjanna... þá voru áberandi auglýsingar í sjónvarpi þar sem fólk var hvatt til þess sem við myndum kalla ,,ábyrgðarlausrar eyðslu"... eyðslu á peningum sem það átti ekki til...

Ekkert mál að endurnýja bílinn, gera upp húsið, kaupa húsgögn eða hvað sem fólki dytti í hug... fólk þurfti ekki að byrja að borga af herlegheitunum fyrr en eftir 1 til 1 og hálft ár. 

Auðvitað er freistandi að láta drauminn rætast strax og borga einhverntíma seinna. 

Sjúkt - þetta var byrjunin á þessari kreppu... þegar loksins átti að fara að borga fyrir ofneysluna - þá átti fólk ekki peninga og varð gjaldþrota í stórum stíl... Þó stjórnvöld reyndu að grípa inn í - þá dugði það ekki.

Þessi óráðsía hafði áhrif um allan heim fyrr á þessu ári - allt hækkaði heima á Íslandi og nú þegar bankarnir okkar hafa yfirtekið húsnæðislánin og eytt öllu í fjárfestingar erlendis - þá súpum við seyðið af því líka.
Bankar eru í vandræðum á öllum Norðurlöndunum, Þýskalandi, Ítalíu, Usa... og, og, og hverjir bætast við á næstu vikum...  ekki er það Dabba eða ísl.krónunni að kenna.

Mín kynslóð byrjaði að búa áður en kredit-kortin komu, þegar fólk flutti inn í hálfkláruð hús og fékk gefins gömul húsgögn til að byrja með... og maður þurfti að spara endalaust... en það var ekki talin vera KREPPA.  Þá komu gengisfellingar, fólk þurfti að gráta út lán í bönkum og gráta út launin sín á kontornum. Við höfum haldið hingað til... og vonað að þessi tími kæmi ekki aftur og erum enn að vona að við sleppum sem best út úr þessari kreppu.

En það er ekkert sem heitir.... við verðum að taka upp útsjónarsemina og sparnaðinn aftur.

Erum í Cloquet

Við keyrðum norður 35, þangað til okkur fannst nóg komið og fórum þá að leita að hóteli. Við lentum í litlum bæ sem heitir Cloquet  og fengum okkur áttu.  Það gæti verið að við yrðum meira en 1 nótt 

Phone (218 ) 879 1250    room 105          

Komin til Minneapolis

Keyrðum frá Albert Lea til Minneapolis.  Áttum pantaða áttu...

Prior Ave N. Roseville MN 55113, phone [phone] room 101

Við erum búin að koma okkur fyrir, veðurspáin er ekkert sérstök en það er gott veður úti núna. Herbergið (110) sem við fengum fyrst var ekki í netsambandi svo við vorum færð á betri stað. Hér verðum við fram á mánudag.
Næsta herbergi (140) var við hliðina á klakavélinni og herbergi með einhverri vél sem fór í gang öðru hverju.... svo við vorum færð í herbergi 101, þar sem er kyrrð og ró.

Enn í Albert Lea

Við ákváðum að vera aðra nótt hér.

Ramada, 2306 East Main Street,  Albert Lea, MN 56007 US
Phone: [phone]...  room 103

Við erum á löngu ferðalagi... 2 vikur búnar - 4 vikur eftir... og bæði hér og heima snúast allar fréttir um fjármálamarkaðinn. 
Skrítið... heima halda margir að allt lagist ef við skiptum í evru, það er hvorki evra né króna í USA og allt í pati... Bush ætti kanski að skipta yfir í Ísl. krónu.

Dollarinn hefur heldur betur hækkað... sannast nú enn einu sinni að það borgar sig að vera með ferðatékka... það hefði verið laglegt að eiga eftir að borga alla gistinguna með vísa. Verslun gæti maður geymt þar til dollarinn stæði betur en ekki gistingu og mat.

Færðum okkur á Ramada

Við erum enn í Albert Lea, en höfum fært okkur um set. Færðum okkur á Ramada í sömu götu... allt annað og snyrtilegra hótel.
Við erum ekki viss hvort við verðum 2 nætur eða hvort við höldum áfram á morgun til Minneapolis en við eigum pantaðar 3 nætur í St Paul frá föstudegi til mánudags.

Ramada, 2306 East Main Street,  Albert Lea, MN 56007 US
Phone: [phone]...  room 103

Útskrifast í október

 

... Jibbý

Ég var að kíkja inn á Uglu Háskólans og ég er búin að fá einkunn fyrir BA-ritgerðina... 7,5 var einkunnin.

Meðaleinkunn er 7,59 og fjöldi eininga er 180,0

Svo það verður útskriftarveisla þegar við komum heim.

BA-gráðan í höfn....

Slóðin fyrir ritgerðina, http://skemman.is/handle/1946/3340
 

Komin til Albert Lea, Minnisota

Við keyrðum í gær frá Omah. Ætluðum bara til Des Moines, sem er höfuðborg Iowa. Keyrðum I-80 frá Omaha og þegar við komum að borginni lá þjóðvegurinn í kringum borgina... öll exit-in voru vinstra megin sem er óvenjulegt og umferðin svo mikil að við eiginlega misstum af þeim. Við fengum okkur sexu... og þar af leiðandi var ekkert internet  
Hvernig fórum við að hérna einu sinni    Tölvulaus og allt

Staðurinn og netleysið var ekki nógu spennandi til að vera þarna lengur. Þess vegna héldum við áfram áleiðis til Minneapolis.

Við erum núna á Countryside Inn Motel, 2102 Main Street, Albert Lea  MN.
Síminn er 507 373-2446 ... room 36

Við erum ekki búin að ákveða hvort við höldum áfram ferðinni á morgun eða verðum lengur.

Það kólnar eftir því sem við förum norðar... við neyðumst til að fara í síðbuxur, sokka og peysu... amk á kvöldin...

Ekkert nema dýrð og dásemd

Það er svo skrítið 
Við ferðumst ekki án þess að ég hlaupi maraþon um leið... þannig að allar ferðir miðast við það... Markmiðið er maraþon - en svo er ég alltaf svo fegin þegar hvert hlaup er afstaðið 

Í morgun hljóp ég mitt 91. maraþon, en ef ég teldi þau eins og kaninn gerir, þá hefði þetta maraþon verið mitt hundraðasta.  Þeir telja hvert Ultra-maraþon sem eitt maraþon og ég er búin að hlaupa Laugaveginn 9 sinnum. 

Reglurnar eru skýrar, ég gæti t.d. ekki talið Þingstaðahlaupið með... þ.e. frá Valhöll á þingvöllum í Alþingishúsið (50km) þar sem það er ekki eftir viðurkenndum stöðlum.

Tilgangi ferðarinnar til Omaha er sem sagt náð  
Omaha er höfuðborg Nebraska, mikill hávaði frá umferðinni og NÁTTÚRUNNI... það er ótrúlegur hávaði frá náttúrunni. 
Hávaðinn kemur frá engisprettum, sem eru vaðandi út um allt og Lúlli stóðst ekki að mynda eina og litla sæta íkornann sem var að hlaupa að bílnum okkar. 

Happdrættisvinningar

Undanfarinn mánuð hefur bókstaflega rignt inn á gmailið mitt tilkynningum um vinninga í Bretlandi. Fyrst vann ég 500.000 pund, síðan 1 milljón punda og nú síðast var upphæðin komin í 1,5 milljónir punda.  Alltaf var það nýtt og nýtt fyrirtæki sem sendi póstinn.
Ég eyddi póstinum jafnóðum, því einhver var búinn að vara við að opna hann, því það eitt gæti þýtt undirskrift um greiðslu á einhverjum gjöldum. 

Síðasta póstinum fylgdi viðvörun á íslensku að um svindl gæti verið að ræða.

Opnið athugasemdirnar og sjáið..... þar hef ég safnað saman þeim vinningum sem komu eftir bloggfærsluna.

Svindl á Netinu