Kaupa meira

Við höfum lítið orðið vör við óveðrið hér í Californíu.  Fréttir í sjónvarpi hafa verið fullar af viðvörunum  en versta veðrið er fyrir norðan, einhversstaðar hjá San Francisco.  Það rigndi aðeins hér í gær og eitthvað hefur verið vindasamt í nótt, því göturnar voru fullar af pálmadrasli. 

Við heimsóttum kirkju Hafdisar frænku minnar í Rolling Hills.  Þar var matur eftir messuna.  Síðan lá leið okkar í nokkrar búðir.  Lúlli er farinn að skilja jakkann sinn eftir í bílnum, það er svo heitt í þessum búðum og svo er honum heitt í hamsi, kominn með íslenskt kaupæði. 

Einu sinni var erfitt að fá hann til að máta, en nú segir hann við mig við innganginn..... ferð þú ekki bara í stelpudeildina !!!  

Komin til Redondo aftur

Við erum komin með nýtt verkefni núna..... kaupa stærri föt á okkur, okkur gengur mjög vel að hlaupa í spik, höfum ekkert fyrir því. 
Jonna og Bragi hafa dekrað svo við okkur að við förum stækkandi....

Við fórum til Solvang í gær, borðuðum hádegismat þar og síðan á
2 vín-búgarða.  þar smökkuðum við fjölda rauðra og hvítra vína.  Steinunn keyrði. 

Um kvöldið borðuðum við á TEE-OFF og svo var spilað UNO.  
Hreint frábært. 
Í morgun fórum við í Costco en síðan renndum við Lúlli til baka til Redondo Beach.  

Það hefur varla verið talað um annað í fréttum hérna en óveðrið sem er von á. 
   
Þeir dansa hér regndansinn alla daga.... bíða eftir og biðja stanslaust um rigningu..... við erum ekki sammála, en vildum vera komin niðureftir áður en það byrjaði að rigna.

Það verður að segjast eins og er.... við myndum ekki verða svo mikið vör við rigninguna.... erum svolítið mikið í búðum

Enn byrjar nýtt ár

Héðan er allt gott að frétta. það er víst vetur hérna en við tökum ekkert eftir því... veðrið er svo dásamlegt.  
Við vorum með íslenska veislu í gær, steiktur íslenskur fiskur og á eftir var spilað UNO. 

Við fórum síðan allt of seint að sofa, erum enn á vitlausum tíma. 

í dag ætlar Steinunn að fara með okkur á vínbúgarða einhversstaðar hjá Solvangi og Neverlandi Michael Jackson's, aldrei að vita nema maður banki aftur hjá goðinu, hann svaraði ekki bjöllunni þegar við heimsóttum hann síðast.

 á  é  í  ú  ó  ý  ð  þ  æ  ö

Smá ferðasaga

Gleðilegt ár og takk fyrir það gamla

Ferðin gekk ekki snurðulaust fyrir sig. 
Fyrst var 6 tima flug til New York, við vorum með 2 töskur i farangri sem við endur-innrituðum eftir skoðun til LA. 
önnur þeirra var full af frostinni matvöru, bæði kjöti og fiski.
Fluginu til LA seinkaði, biðum i 3 klst.
Flugið til LA var 5:45, það er svo miklu lengra að fljúga gegnum NY en Minneapolis.  

Töskurnar okkar urðu auðvitað eftir, svo þarna bættust við 2 timar i viðbót... það varð að hafa það....

þá var það bílaleigubíllinn sem við pöntuðum svo ódýrt hjá Dollar á netinu, vegna þess að við erum með Bissness-Visakort sem tryggir okkur hjá bílaleigum lika... en Dollar samþykkti það ekki, reglur fyrirtækisins.  þegar það var búið að bæta tryggingunum ofaná verðið, var bíllinn orðinn rándýr.....
við fórum þá til Hertz, en þeir áttu bara lúxuskerrur eftir.... af þvi að ég er Goldmember, pantaði maðurinn leigubíl fyrir okkur og gaf okkur 25 $ voucher sem dugði næstum fyrir bílnum. 

kl. 4 um nóttina á Californíutíma komum við í íbúðina í Redondo, töskulaus og bíllaus. 
Við hringdum í Jonnu og Braga til að láta vita af okkur og Lúlli hringdi heim i Hertz og pantaði bíl. 
Bílinn fengum við ekki fyrr en rúmum sólarhring seinna. 

þegar leið á daginn hringdi ég öðru hverju til að athuga með töskurnar, en það endaði með þvi að Lúlli fann þær sjálfur í hrúgunni, þegar við sóttum bílinn.  þá var liðinn 2 og 1/2  sólarhringur frá þvi að Lúlli pakkaði matnum niður. 
Sem betur fer var allt i lagi með allt saman, því Lúlli pakkaði þessu öllu svo vel...  allt í einangrunar-umbúðum. 

á  é  í  ú  ó  ý  ð  þ  æ  ö

Kveðjur frá Santa Barbara

Oh my. . .  hvað við höfum það gott.  

Erum í sól og sumaryl. 
sendum öllum heima á klakanum okkar bestu kveðjur.

Gleðileg Jól

  Elsku vinir

Sendum okkar
bestu óskir um
Gleðileg jól og
farsælt komandi ár.

Hafið það gott yfir hátíðarnar.
Þökkum liðin ár og óskum ykkur alls hins besta á komandi árum.

Bryndís og Lúther

Jólin að koma

 Jólastressið fór alveg framhjá mér,
við keyptum nær allar jólagjafirnar 
í Colorado í ágúst. 

Tvisvar í prófatörninni leit ég upp úr
bókunum til að dreifa huganum,
í annað skiptið setti ég upp jólaskrautið
og í hitt skiptið pakkaði ég inn gjöfunum.

Svo að nú, þegar ég er í spennufalli eftir prófin.....
þá er ég búin að fara einu sinni í Kringluna og Smárann og dingla mér þar,
bara horfa á stressið í hinum.... frábært

Ég er bara að bíða eftir jólunum...... 

Úff... prófin búin

Hvílíkur léttir að prófin eru búin,
það var samt ekki tekið með sitjandi sældinni
þetta hefur verið erfið törn
skólabækurnar heilt fjall.....

Nú á miðju hausti hætti ég við árlega hlaupaferð til Usa
svo ég hef alltaf mætt í tíma,
en álagið var svo mikið að ég var að kikna
svo ég hef lifað undanfarið á þeirri ákvörðun að taka árs-frí
eftir BA-ritgerðina......... sem sagt eftir þetta skólaár. 

En nú er törnin búin - og jólin á næsta leyti
nóg að gera í sambandi við þau, en það er bara gaman.

Sýningin mín verður ekki tekin niður fyrr en á föstudag..... jibbý

Framlenging

Eintóm gleði og hamingja

Ég mætti galvösk kl 4 í dag,
í brjáluðu veðri
til að taka niður sýninguna mína. 

Það vill þannig til að sú næsta sem verður með sýningu er ekki tilbúin með hana og mér var boðið að hafa myndirnar uppi viku í viðbót.

 ég er auðvitað hæstánægð með það.

Svo nú gefst þeim sem ekki hafa enn komist, tækifæri til að sjá herlegheitin.

Þessar myndir eru úr þema sem ég kalla fjölskyldan.  Þetta eru Hann og Hún, en svo eru pör eða heil fjölskylda.

Koma svo - allir á Sjónarhól 

Málverkasýningin

  

Ég er mjög ánægð með fyrstu einkasýninguna mína. 

Ég gat komið 12 myndum fyrir, sem er gott í svona litlu plássi,
2 eru þeim megin sem afgreiðsluborðið er,
hinar 10 eru í salnum hægra megin. 

Ég gæti alls ekki sýnt á þessum tíma er fyrirkomulagið væri ekki eins og það er.  Ég hef verið svo upptekin undanfarið, fyrst við stóra ritgerð, síðan heimapróf og nú er ég að lesa fyrir þessi 3 skriflegu próf sem ég þarf að mæta í.  Síðasta prófið hjá mér er 17.des.

Sýningin er opin frá 10-18 alla virka daga
Ég vona að fólk kíki inn, skoði myndirnar og skrifi sig í gestabókina mína sem er á staðnum.

Sjónarhóll, Reykjavíkurvegi 22 HF   http://www.sjonarholl.is