En aðrir landsmenn?

Eru ennþá jól hjá öðrum landsmönnum eða tóku Húsvíkingar að sér, fyrir alla landsmenn, að kveðja jólin í ár. 
Það er kanski liður í byggðastefnunni... að dreifa ábyrgðarmiklum ,,stofnunum" á landshlutana...

Húsvíkingar kveðja jólin

Guði sé lof

Sjómennskan hefur alltaf verið álitin ,,sjarmerandi" líf... af þeim sem eru í landi. En sjórinn hefur tekið margan manninn og þess vegna er gleðilegt að á síðasta ári (2008) hafi allir komið heilir á húfi í höfn.
Ég er sjómannskona og man eftir því að í vondum veðrum um hávetur... var nöturlegt að vita af manninum einhversstaðar úti á hafinu...
Það er virkileg blessun að allir komu heilir heim á síðasta ári og verður vonandi á þessu ári líka.

Enginn mannskaði á sjó

Loksins koma góðar fréttir

Mikið var, auðvitað tekur allt tíma... en það er tími til kominn að stíga skrefið og höfða mál gegn Bretum. Þeir eiga ekki skilið - eftir svona meðferð á okkur - að vera gefið neitt eftir.  Þetta eru bestu fréttir sem maður hefur heyrt í langan tíma.  Það er ekki nokkur spurning að kaupþing vinnur þetta mál.

Kaupþing fer í mál gegn Bretum

Dó í embætti

India dó í embætti, rétt áður en hún átti að láta af störfum í Hvíta húsinu.

Svartir kettir hafa ekki þótt góðir fyrirboðar   ... en Bush hefur verið ónæmur, sem eigandi svörtu kisu.
Kanski notaði Bush það bragð að láta köttinn hlaupa fyrir bíla þeirra sem honum var illa við... og því hefur þá verið tekið sem ,,slæmum fyrirboða" og menn hafa því haldið sig á mottunni  

Trick or treat

Forsetakötturinn India allur

Kysstum Orlando í dag

Við komum til Orlando um hádegið. Við þekkjum okkur ágætlega hér, gistum á áttu í sömu innkeyrslu og sexan sem við höfum verið á síðustu ferðum. Síðast þegar við vorum hérna var verið að gera áttuna upp.

Það er allt í nágrenninu. Við fórum á Golden Corrall við exit 74A á 4.  Frábært buffet sem við borðuðum líka á þegar við vorum hérna síðast.  Við verðum hérna í amk viku.

SUPER 8 ORLANDO / NEAR UNIVERSAL    
International Dr &  (5900) American Way,
Orlando, FL 32819 US    
Phone: [phone]   herb. 146

Ekki sama hver er!

Ég vona að ferðaskrifstofan greiði farþegum sárabætur vegna þessara tafa... Það er ekki nema sanngjarnt að fá greitt vegna tafa þegar það kostar mann ALLTAF offjár ef eitthvað breytist hjá manni sjálfum.
Þessi ferðaskrifstofa hefur ekki átt til sanngirni þegar fólk verður eftir hjá þeim... http://bryndissvavars.blog.is/blog/bryndissvavars/entry/627983/

Farþegar þurfa ekki að óttast

Komin aftur til Tallahassee

Við höfum keyrt í 8 klst í dag og ákváðum að gista í Tallahassee, sem er höfuðborg Florída.  Það er sól og gott veður úti, ca 25 stiga hiti. 

Við leggjum aftur í hann í fyrramálið og verðum sennilega í Orlando um hádegið.

Americas Best Value Inn, 2800 N.Monroe Street
phone [phone] herbergi 111 

Förum frá Jackson

Við erum að taka saman dótið og koma okkur af stað.
Ég sá í sjónvarpinu að loftrakinn var 96% í gær þegar ég hljóp maraþonið... kann nú ekki alveg á þetta, en það er alltaf allt blautt hérna. Ég blés hárið á mér slétt og eftir smá stund voru komnar krullur í mig.

ENN... nú hefur sem sagt tilgangi ferðarinnar hingað verið náð...  og næst er það Florída. 

Fékk hún ekki að skila úlpunni?

Fyrirgefið... ég er ekki alveg að skilja þetta... Hvers vegna fór þessi dýralæknir með málið í blöðin? Hver var tilgangurinn? Fékk hún ekki að skila úlpunni eða hvað? 

Harma umfjöllun um Cintamani

Hvernig er tilfinningin, þegar ráðist er gegn henni?

Það er allt í lagi að mótmæla, en þegar mótmælin eru farin að snúast um það að eyðileggja eigur annarra, þá er ekki hægt að líða þau lengur.

Ég er viss um að Eva lítur öðruvísi á skemmdarverkin sem eru framin á hennar eigum... en þeim skemmdarverkum sem mótmælendur (og hún þar á meðal) fremja útí bæ.

Sá sem mætir á staðinn og tekur þátt í mótmælum sem fara út í öfgar, ofbeldi og skemmdarverk er í raun samsekur með stuðningi sínum við hópinn. 

Svo vaknar þessi spurning:
Eru menn með grímur til þess að geta gengið lengra í mótmælunum... eða skammast menn sín fyrir að mótmæla?

Ráðist gegn Nornabúðinni

Nýjársdagur í Jackson Mississippi

Enn einu sinni... Gleðilegt nýjár... og takk fyrir það gamla

Við notuðum Nýjársdag til að keyra frá Tallahassee til Jackson, með smá viðkomu í Mobil Alabama. Við ætluðum að smella okkur á buffet þar en það var orðið kínverskt og við erum ekki á þeirri línu. Við vorum á sömu slóðum... þar sem við gistum þegar ég hljóp þar á 2.jan 2005. 

Við komum til Jackson um 7 leytið, þurftum að færa klukkuna aftur um klst. Nú er 6 tíma tímamunur við Ísland. Við verðum hér fram á sunnudag.

Super 8, 2355 Highway 80 West Jackson, MS 39204 US
Phone: [phone] Room 130

Gamlársdagur í Tallahassee North, Florida og brúðkaup í Californíu

Við erum á leiðinni til Jackson. Lögðum nokkuð snemma af stað. Komum við heima hjá Freddie og Carroll í Orlando áður en við lögðum í hann. Það var virkalega blessuð stund.

Um hádegið lögðum við af stað til Jackson og um 5 leytið ákváðum við að gista í Tallahassee. Tókum sexu, fengum okkur eitthvað að borða og smá í glas.  Áramótunum fagnað án flugelda eins og undanfarin fjögur ár sem við höfum fagnað áramótunum í Usa. Við sáum skaupið á netinu... mér fannst það bara ágætt... loksins sá maður ný leikara-andlit

Steinunn frænka í Kaliforníu gifti sig í dag, sá heppni er Howard Green... og það er ekkert ,,grín"... ég held ég fari rétt með... að hann sé aðstoðarframkvæmdastjóri hjá Disney. Svo að eftir þennan dag er Steinunn ,,Meira hátta" orðin, Steinunn ,,Grín"
Til hamingju... Steinunn, Bragi, Jonna og börn.

  Við Lúther... óskum brúðhjónunum alls hins besta,   allrar þeirrar hamingju sem hægt er að njóta til hins síðasta dags. Megi himins blessun umvefja þau og heimili þeirra. 

Áramótakveðja

                  Gleðilegt ár   
                        til ættingja, vina og allra sem við þekkjum.
       Takk fyrir allt gamalt og gott.

Hittumst heil á nýju ári, blessuð af gjöfum og lífsgæðum... lærum, göngum, hlaupum og ferðumst saman og njótum þess að vera til.

Drottinn blessi þig og heimili þitt

Komin til Orlando

Flugið var 7 tímar og 20 mínútur. Ég horfði á 3 bíómyndir Shrek 3, Walk the line og Narnía. Icelandair hefur skipt um flugvöll hér eins og á fleiri stöðum og við lentum um 45 mílum frá hótelinu sem við gistum á.  Eftir langt flug var því smá keyrsla eftir fyrir okkur. Miðað við vegalengdirnar í Ameríku, þá er þetta ,,rétt hjá"

Við fórum því fljótlega að sofa þegar við loksins fengum herbergið okkar, við vorum víst ,,yfirbókun" og okkur var komið fyrir á næsta hóteli við hliðina.

Í dag leggjum við af stað til Jackson

Til hamingju Sigurður Bragi

Vá, hvað tíminn er fljótur að líða  

 +  sinnum 10 = 20 knús, má ekki minna vera.

Sigurður Bragi á STÓRafmæli  í dag 29.des, orðinn tvítugur strákurinn... ekkert smá hvað tíminn er fljótur að líða.

Til hamingju með afmælið, elsku Sigurður Bragi okkar.

Við afi óskum þér alls hins besta og biðj-um að þér gangi allt í haginn í framtíðinni.