Í alvöru !!!

Eru menn að meina þetta, verður fólk sem er í áfalli eftir árekstur að koma sér ,,af sjálfsdáðum" á sjúkrahús. Þarf fólk virkilega að taka upp símann og hringja í leigubíl eða ættingja til að skutla sér í tékkun? Bílarnir voru svo skemmdir að þeir voru teknir af númerum og dregnir burt.

Enginn slasaðist alvarlega

Kommúnisminn - jafnaðarstefnan

Þetta sjá menn í hillingum, að allir hafi jafnt - jafn lítið... eða nær ekkert. Í þeim ríkjum sem ,,jafnaðarstefnan" er/var, er það raunin að almenningur lifði við sárustu fátækt og skort en yfirvaldið sat á auðnum. Kommúnisminn eða ,,jafnaðarstefnan" á fínna máli... er fallega hugsuð en hún virkar bara ekki. 
Stefnan hefur alltaf þýtt kúgun og fátækt fyrir almenning og það er svo skrítið að þeir sem eiga lítið eru fylgjandi henni... geri ég þá ráð fyrir að þeir vilji fá meira - en ekki að aðrir verði færðir niður á sama plan og þeir. 

Ósnortin íbúð frá tímum kommúnistastjórnarinnar kemur í leitirnar

Komin heim...

Flugum heim frá Florida í nótt... sá á upplýsingaskerminum  í sætisbakinu fyrir framan mig að þetta flug er 3.509 mílur... enda var það tæpir 7 tímar... en í ferðinni keyrðum við 3.710 mílur eða 200 mílum lengra en flugið var.

Í ferðinni sem tók 4 vikur var flakkað um 3 fylki, Florida, Mississippi og Georgíu. Ég hljóp 4 maraþon samtals 106 mílur eða 170,7 km. og eins og áður er tekið fram keyrðum við 3.710 mílur... eða tæpa 6.þús. km...
Ég verð að viðurkenna að það var svolítið kalt að koma úr 30°C hita í snjóinn hér heima, en það er alltaf gott að koma heim.

Í eldhúsinu var nýbökuð kaka á borðinu og blóm í vasa, heimasætan var svona dugleg. Áletrunin er: Til hamingju með hundraðasta maraþonið.

Ótrúleg vitleysa frá upphafi til enda...

Í fyrsta lagi segir greinin að ,,tvöfalt fleiri fimm til sex ára börn, sem búa á heimilin þar sem streituvaldar er fáir, of feit "... er ekki eitthvað að þýðingunni hér...

Síðan segir að 4,2 % af ÖLLUM hópnum hafi verið of þung, einungis hluti þeirra hefur þá verið frá heimilum með hærri streituvöldum... Hvað orsakaði yfirþyngdina hjá hinum?

Streita stuðlar að offitu barna

Sundur eða saman

Samfylkingin er sundruð... þó allir flokkar hafi fólk með ólíkar skoðanir þá virðist einhvern veginn vera meiri sundrung innan Samfylkingar en annarra flokka... enda var upphaflega, eina sameiginlega markmið þeirra að fella Sjálfstæðisflokkinn.

Mér persónulega finnst bagalegt að unga fólkið, úr hvaða flokki sem það er, hverfi frá. Við þurfum að yngja upp... það er engin lífsleið án mistaka og af þeim fær maður reynslu. 

Það þarf að hlúa að unga fólkinu, það kemur að því að það tekur við stjórninni... og hætta þessu skítkasti sem tekur svo oft yfirhöndina þegar fólk hefur ólíkar skoðanir. Það er alltaf fleiri en ein hlið á málinu.

Ágúst Ólafur hættir

Hvar er Brown?

Þetta er ótrúlegt... Það þarf að setja hryðjuverkalög á bresku ríkisstjórnina... 25 þús. manns deyja úr kulda á 4 mánuðum... og Bretar setja sig á háan hest gagnvart öðrum ríkjum. Ef einhverjir mættu skammast sín - þá eru það þeir.

Gefa breskum eldri borgurum íslenska ull

Konan eða flaskan?

Ljósin eru núna slökkt kl. 17:30... Bíddu, hvað unnu menn lengi áður? Nú eru Íslendingar, bæði konur og karlar farin að stytta vinnutíma sinn vegna efnahagsástandsins...
Hér á norðurhjara hefur reynslan sýnt að drykkja hefur aukist í atvinnuleysi - þannig að menn virðast fremur halla sér að flöskunni en konunni sinni... svo það er ekki víst að Íslendingum fjölgi með auknum frítíma.

Sendir fyrr heim til að fjölga sér

Aftur komin til Orlando

Það var 4 klst keyrsla frá Miami til Orlando. Um leið og garmurinn sendi okkur norður 27... mundi ég að ég hafði ekki ætlað að keyra þessa leið til Orlando... ég ætlaði norður 95.  Þá keyrir maður í gegnum fleiri og stærri bæi og meira að sjá... við keyrðum 95 til Miami þegar við vorum hérna 2005.

27 aftur á móti er hundleiðinleg-ur vegur, svipað og Fimman í Kaliforníu. Við forðumst hana eins og heitan eldinn... 101 er miklu skemmtilegri.  Eins og ég bloggaði um suðurleiðina þá er mengunin á þessari leið ekkert venjuleg. 

Og við stóðumst ekki að taka mynd af einni mengunarverksmiðjunni... en frá henni lá stórborgarslæða sem sést kannski ekki vel á myndinni... og þó, það sést ekki í bláan himininn nema efst á myndinni.

Misnotkun orða!

Menn eru farnir að nota orðið ,,stórkostlegt" í ótrúlegasta sambandi.
Hingað til hefur því sem hefur verið lýst sem ,,stórkostlegt" verið frábært... sem sagt merkingin er eitthvað er gott. 
Oftar og oftar heyri ég fólk almennt og fréttamenn fjölmiðla tala um ,,stórkostlegar hamfarir" og í þessari grein er það ,,stórkostlegur misskilningur"... eru menn ekki að ruglast eitthvað?

Stórkostlegur misskilningur forseta

Tjallinn...

Oj... þeir eru ekki í lagi...

Bannað að sleikja túnfiskinn!

Vonbrigði með stjórnarslitin...

Vona að þessi stjórnarslit komi landinu ekki endanlega á vonarvöl. Vona að við förum ekki afturfyrir byrjunarreit.  Hver er tilgangurinn hjá Ingibjörgu Sólrúnu? Eiga forystumenn okkar ekki að hugsa um fyrst um hag þjóðarinnar... jafnvel þó það sé óvinsælt, eiga þeir ekki að klára sitt verk.

Ingibjörg Sólrún sagði á fundinum í Háskólabíói að hún teldi mótmælendur þá, ekki vera fulltrúa allrar þjóðarinnar...  Hefur eitthvað breyst... er hún að byrja sína kosningabaráttu... það hefur alltaf sést í gegnum grímuna að hún vill forsætisráðherrastólinn... er það bara til að geta rekið Davíð???

Stjórnarsamstarfi lokið

Samfylking - Samkrull

Auðvitað er ástæða stjórnarslitanna ósamkomulag innan Samfylkingar. Það er alltaf meiri skoðanamunur og togstreita í flokki sem er samsteypa úr mörgum - samkrull er ávísun upp á ósamlyndi.

Samfylkingin var stofnuð með það eitt markmið að vera á móti Sjálfstæðisflokknum.
Framsókn ætlar núna að reyna að færa sig aftur á miðjuna og Vinstri grænir (Left ,,Grín") eða ,,restin af brandaranum" er ekkert nema gamlir kommar sem enginn getur unnir með.

Reynslan sýnir að þriggja flokka stjórnir hafa ekki verið langlífar... þess vegna boðar það ekki gott ef Samfylking, Framsókn og Vinstri grænir myndi stjórn. 
Það endar bara með enn einum ,,pakkanum" af biðlaunum sem við þurfum að borga.

Verkstjórnin var ekki í lagi

Hvernig væri að spara svolítið!

Aðrar þjóðir (og miklu fjölmennari) hafa EINN seðlabankastjóra og ég held ég fari með rétt mál... að hann sé ópólitískur... Við höfum ekkert að gera með ÞRJÁ 
Nú þegar niðurskurður er á öllum mögulegum og ómögulegum hlutum væri tilvalið að fækka þeim í EINN... svona í sparnaðarskyni

Vill nýja bankastjórn í Seðlabankann

Kominn í kosningabaráttu...

Þetta er einmitt ástæðan þess að ég hef ekki talið tímabært að boða til kosninga... Menn fara strax að ota sínum tota til að komast að aftur... og í betra embætti.
Hvers vegna að axla ábyrgð og hlaupa svo frá henni sama dag?  Þetta er svipað og þegar fyrirtæki skiptir um kennitölu. Eigandinn hugsar bara um eigin hagsmuni og við töpum. 
Björgvin rak starfsmenn Fjármálaeftirlitsins og þeir fá STARFSLOKASAMNING... Hverjir borga ??? VIÐ

Björgvin segir af sér

Fréttin er frá Reuter - ekki minnst á Geir eða Davíð í henni

Það er alveg sama hvað það koma margar fréttir um kreppan komi erlendis frá... fólk er búið að mynda sér skoðun, fyrst var allt Davíð að kenna, svo var það þessum auðjöfrum að kenna, bönkunum og GEIR... það má ekki gleyma honum.
Við eigum einhverja sök öll - við tókum öll þátt í sukkinu. Aldrei verið byggt eins mikið, flutt eins mikið inn af bílum og öðrum munaðarvörum og húsnæðisverð rauk upp úr öllu valdi. Ef einhver hafði augastað á sérstakri íbúð - þá var bara yfirboðið í hana.

Heimskreppan kemur illa niður á okkur. Við græðum ekkert á að skipta stjórninni út of snemma. Málin vinnast ekki hraðar ef það er skipt um hausa...

Hvað ætla menn sem standa í mótmælum í dag að gera, ef sama fólkið nær kjöri aftur?

Stjórnarskipti breyta engu