Hvíld er nauðsynleg... Mark 2:27-28

-24- Farísearnir sögðu þá við hann: Lít á, hví gjöra þeir það, sem er ekki leyfilegt á hvíldardegi?
-27- Og hann [Jesús] sagði við þá [farísea]: Hvíldardagurinn varð til mannsins vegna og eigi maðurinn vegna hvíldardagsins.
-28- Því er Mannssonurinn einnig herra hvíldardagsins.

Okkur er nauðsynlegt að hvílast. Hvíld getur verið margvísleg t.d. að ,,gera" það sem okkur finnst skemmtilegt en gyðingarnir voru komnir út í öfgar... á hvíldardegi mátti ekki lyfta hendi. Þess vegna fengu þeir einhvern heiðingja til að vinna þau verk fyrir sig á hvíldardegi... sem þeir máttu ekki gera sjálfir. Þessir heiðingjar gengu undir nafninu ,,Shabbes goy."

Hvíldardagurinn var gerður mannsins vegna, svo maðurinn gæti hvílst... og hvíldardagsboðorðið hefst ekki á ,,þú skalt" heldur ,,minnstu þess að halda hvíldardaginn heilagan."

Hvíldin á að vera þér helgur tími, tími til íhugunar og upplyftingar fyrir sálina í samfélagi við Guð en ekki kvöð um að sitja auðum höndum.

Denver - New York - Keflavík

Eftir 2ja vikna ferðalag, 1.976 mílna keyrslu, og 2 maraþon var tími til kominn að fara heim.
Heimferðin var 19 tíma ferðalag í allt... ég lagði snemma af stað út á flugvöll, enda þurfti ég á tímanum að halda. Lenti í veseni á flugvellinum í Denver, var með aukatösku og þarna voru þau ströng á handfarangur, þannig að ég varð að yfirþyngja aðra töskuna og síðan þurfti ég afpanta farið heim fyrir Bíðara Nr. 1
En allt small saman að lokum og ég sem vaknaði kl 6 í Denver var lent í Keflavík kl 6 í morgun og 6 tíma tímamunur... Bíðarinn sótti mig.

Ég er ekki vön því að leggja mig en af því að ég ætla í Flugleiðahlaupið kl 7 í kvöld, þá lagði ég mig í nokkra tíma.

Pueblo West - Denver CO

Maður er alltaf í tölvunni, kjaftandi við fólkið heim. Lúlli er enn hálf lasinn, vantar tilfinnanlega hjúkrunarkonu

Ekki kom pakkinn, og þegar ég sagði Hörpu að hann gæti verið fleiri vikur á leiðinni á ódýrasta gjaldi... þá spurði hún: Er pakkinn semsagt að koma gangandi !!!

Eftir hádegið fórum við á Country Buffet... og Linda dóttir Lilju og Joe hitti okkur þar. Verst að geta ekki haft svona staði heima
Við fengum þjónustustúlkuna til að taka mynd af okkur.

Síðan keyrði ég til Denver á sömu Áttu og við Lúlli vorum á síðast þegar við vorum hérna. Rosalega flott herbergi hér. Var klukkutíma lengur á leiðinni vegna umferðarinnar.

Super 8 Denver
/I-25 & 58th Ave.   5888 N Broadway
Denver, CO 80216-1025 US
Phone:  [phone]     Room 119

Fort Collins - Pueblo West

Takmarki ferðarinnar hefur verið náð... 2 ný fylki féllu  

Heimferðarferlið er hafið. Ég tékkaði mig út af áttunni í Fort Collins í gær og keyrði til Pueblo West... til Lilju og Joe. Pakkinn sem ég átti von á þangað er ekki enn kominn
Ég fékk að gista hjá þeim í nótt. Við ætlum að borða á Country Buffet í dag, áður en ég fer til Denver. Ég hef verið í góðu sambandi gegnum MSN við Bíðara nr. 1, sem er lasinn núna

Hvílíkur munur að geta hringt í gegnum MSN, að geta verið í beinu sambandi heim

 

Gamalt og nýtt lögmál... Mark 2:18-22

-18- Lærisveinar Jóhannesar og farísear héldu nú föstu. Þá koma menn til Jesú og spyrja hann: Hví fasta lærisveinar Jóhannesar og lærisveinar farísea, en þínir lærisveinar fasta ekki?
-19- Jesús svaraði þeim: Hvort geta brúðkaupsgestir fastað, meðan brúðguminn er hjá þeim? Alla þá stund, sem brúðguminn er hjá þeim, geta þeir ekki fastað.
-20- En koma munu þeir dagar, er brúðguminn verður frá þeim tekinn, þá munu þeir fasta, á þeim degi.

Hátíðir og föstur hafa verið órjúfanleg hefð hjá gyðingum... enda ákvæði í lögmálinu. Jesús og lærisveinar hans föstuðu ekki... og gyðingar flokkuðu það sem lögmálsbrot. Jesús segir að þeir muni fasta þann dag sem hann verður tekinn frá þeim. 

-21- Enginn saumar bót af óþæfðum dúk á gamalt fat, því þá rífur nýja bótin af hinu gamla og verður af verri rifa.
-22- Og enginn lætur nýtt vín á gamla belgi, því þá sprengir vínið belgina, og vínið ónýtist og belgirnir. Nýtt vín er látið á nýja belgi. 

Jesús kom með nýtt lögmál... ekki viðbætur við hið gamla - NÝTT LÖGMÁL. Gamla lögmálið varð ógilt, því hið nýja lögmál vann gegn hinu gamla. Eins og Jesús sagði í fjallræðunni, þið hafið heyrt að lögmálið sagði... en ég segi yður...
Nýtt lögmál krefst nýs hugarfars og nýrrar íhugunar... það gengur ekki að blanda saman hinu nýja og hinu gamla... sbr. gamla fatið og gamli belgurinn rifna og ónýtast.

Létu ekkert stoppa sig... Mark 2:1-4

-1- Nokkrum dögum síðar kom hann aftur til Kapernaum. Þegar fréttist, að hann væri heima,
-2- söfnuðust þar svo margir, að hvergi var lengur rúm, ekki einu sinni fyrir dyrum úti. Og hann flutti þeim orðið.
-3- Þá er komið með lama mann, og báru fjórir.
-4- Þegar þeir gátu ekki komist með hann til Jesú fyrir fólkinu, rufu þeir þekjuna uppi yfir honum, grófu þar í gegn og létu síga ofan rekkjuna, sem hinn lami lá í.

Það þurfti 4 menn til að bera þann lamaða og þeir klöngrast með hann upp á þakið, gera gat á það og láta lamaða manninn síga niður... Trú þessara fjögurra manna var mikil og þeir létu ekkert stoppa sig til að hinn fimmti þeirra fengi lækningu. Við erum oft tilbúin til að leggja eitthvað á okkur til ábata fyrir okkur sjálf en þessir menn létu ekkert stoppa sig fyrir hinn lamaða.

Við eigum heldur ekki að láta neitt stoppa okkur í að fylgja Jesú.

Ekki segja neinum... Mark.1:40-44

-40- Maður nokkur líkþrár kom til hans, féll á kné og bað hann: Ef þú vilt, getur þú hreinsað mig.
-41- Og hann kenndi í brjósti um manninn, rétti út höndina, snart hann og mælti: Ég vil, verð þú hreinn!
-42- Jafnskjótt hvarf af honum líkþráin, og hann varð hreinn.
-43- Og Jesús lét hann fara, lagði ríkt á við hann
-44- og sagði: Gæt þess að segja engum neitt, en far þú, sýn þig prestinum og fórna fyrir hreinsun þína því, sem Móse bauð, þeim til vitnisburðar.

Ástæða þess að maðurinn átti að þegja yfir kraftaverkinu og hlýða lögmáli Móse... var sú að Jesús kom fyrst og fremst til að ,,vinna með" sinni þjóð.
Það er aldrei tilgangurinn í kristinni trú að fæla fólk frá Guði - heldur á að vinna það til trúar. Ef hinn læknaði hefði farið beint til prestsins, hefði presturinn umsvifalaust vitað að kraftaverkamaðurinn fylgdi Guði og lögum Móse. Og það er einmitt presturinn sem þarf að votta að maðurinn sé orðinn ,,hreinn" svo hann fái aftur aðgang að samfélaginu.

Hann kenndi eins og sá sem valdið hefur, Mark 1:21

-21- Þeir komu til Kapernaum. Og hvíldardaginn gekk Jesús í samkunduna og kenndi.
-22- Undruðust menn mjög kenningu hans, því að hann kenndi þeim eins og sá er vald hefur, og ekki eins og fræðimennirnir.

Öll guðspjöllin segja að Jesús hafi talað ,,umbúðalaust" í samkunduhúsunum svo farisearnir reiddust og vildu henda honum fram af fjallsbrún borgar þeirra (Lúk 4:16-30) en utan þeirra talaði hann í dæmisögum. 
Þegar fræðimenn og farisear reyndu að fella hann, kallaði hann þá hræsnara, lygara og blinda heimskingja... Jesús sagði þeim hreint út að þeir færu villu vegar. Hann kom til að leiða þá af hinni röngu braut erfikenninganna... þetta var ákveðið vandamál og hann tók á því...
Trú þarf að vera á hreinu... allt annað hefur minna vægi.

Í heimsókn hjá Lindu

Þegar ég var búin að tékka mig inn á áttuna, (á föstudag) kíkti ég til Lindu. Hún býr ca 4 mílur héðan. Hún var akkúrat að koma heim úr vinnu.
Lilja var enn á leiðinni ca í Denver. Við Lilja fórum á sitthvorum bílnum, því ég verð hér fram á mánudag, en Lilja þarf að mæta í vinnu.

Ég hef verið svo þreytt í dag, að ég ákvað að hitta þær bara á morgun þegar ég væri búin að sækja gögnin... ca kringum hádegi.

Í gær, á laugardag, eftir að ég hafði sótt númerið mitt í expoið fórum við saman smá rúnt um bæinn og borðuðum á Country Buffet. Síðan geta alvöru konur ekki annað en farið svolítið í búðir.
En ég fór á hótelið um 5 leytið, því ég þarf að vakna kl 2 í nótt og ná rútunni milli 4 og 4:30.  

Pueblo West - Fort Collins CO

Ég lagði af stað norður til Fort Collins um 10 leytið... var ekkert að flýta mér, kom við í nokkrum búðum á leiðinni.
MAÐUR GETUR ALLTAF Á SIG BLÓMUM BÆTT.

Renndi í hlaðið á áttunni um 4 leytið... samt eru þetta bara um 200 mílur.  Hérna verð ég næstu 3 nætur þ.e. tékka mig væntanlega út á mánudag.

Super 8 Fort Collins

409 Centro Way... I-25 Exit 269B at Hwy 14 Q W

Fort Collins, CO 80524-9283 US
Phone: [phone]   Room 129

Hjá Lilju og Joe í Pueblo West

Höfðingjarnir Lilja og Joe tóku á móti mér og hafa dekrað við mig. Veðrið hérna í Pueblo West hefur verið gott, í gær var hitinn 82°F.
Lilja kom snemma heim úr vinnunni í gær, því konan sem hún vinnur fyrir var veik. Við fórum með Joe í sjúkraþjálfun og hún sýndi mér hárgreiðslu-og snyrtistofuna sem hún vann á hjá JC Penny. Á eftir buðu þau mér á The Golden Corral... frábært buffet.

Um kvöldið horfðum við Lilja á ,,Magnús" íslenska bíómynd.  

Dodge City KS - Pueblo West CO

Ég var í lélegu netsambandi á Tavelodge, þurfti að fara með tölvuna í lobbýið til að tala við Bíðara Nr 1.
Ég frétti á leiðinni til Dodge City (á mánudag) að það hefði komið í útvarpinu að konan sem var önnur í mark í Oklahoma maraþoninu hefði dottið niður í markinu... ef hún hefði ekki verið í alvarlegu ástandi hefði ekki verið sagt frá því í fréttum.
Nú er ég komin út úr fylkinu svo ég hef ekki frétt hvort konan náði sér eða ekki... en ég hef þrisvar verið í maraþoni þar sem menn hafa dáið á marklínunni.

Í gær keyrði ég til Pueblo West... um 280 mílur... NO POLICE ON THE WAY. Ég keyrði að hluta til sömu leið og þegar ég keyrði til Oklahoma... þ.e. hina sögufrægu leið til Santa Fe.. The Historical Route to Santa Fe, US 50.
Á leiðinni græddi ég aftur klukkutímann sem ég tapaði, svo nú er 6 tíma tímamunur við Ísland.
Lilja og Joe tóku á móti mér með höfðingsskap og við Lilja tókum smá rúnt eftir kvöldmat þangað sem hún vinnur.
Ég lét bíðarann vita að ég væri komin til Pueblo en svo fórum við öll snemma í háttinn.

Oklahoma City OK - Dodge City KS

Tékkaði mig út eftir morgunmat og keyrði frá Oklahoma City, norður sveitavegina sem ég kom... I LOVE IT... áleiðis til Guymon. Nema ég hélt áfram norður sem sagt keyrði til Kansas. það er alveg nóg að keyra um 300 mílur á dag... og maður verður að passa að vera ekki of seint á ferð til að fá herbergi.

Það var hrikalegt verð á mótelunum í Dodge City... fyrir utan hvað dollarinn er hár... ég tók Travelodge og setti tölvuna í samband... Ég hafði sett upp nýjan Internet explorer í gærkvöldi og þá poppaði MSN-ið upp. Ég sem var farin að halda að grænu MSN-kallarnir væru komnir með svínaflensu  

Travelodge   Dodge City
1510 W. Wyatt Earp
Dodge City, KS 67801 US
Phone: [phone] Room 406

Markúsarguðspjall

Flestir telja Markúsarguðspjall vera elsta guðspjallið, sennilega skrifað um árið 60, þegar Rómverjar ofsóttu kristna. Heiti guðspjallsins er: Guðspjall samkvæmt Markúsi... þ.e. eignað einhverjum Markúsi og geta menn sér til höfundinn. Know your Bible telur að höfundurinn sé trúboðinn ,,Jóhannes öðru nafni Markús"(Post 12:25) og sá sem er ferðafélagi Péturs (1.Pét 5:13)

Mark. er stysta guðspjallið og megnið af efninu er endurtekið í Matt. og Lúk. Guðspjallið er skrifað til ,,heiðingja" og það lýsir Jesú sem manni sem framkvæmir hlutina... læknar með krafti Guðs, hefur vald yfir veðri og vindum og berst gegn hinum illa. 

Þema guðspjallsins er: Jesús Kristur er líðandi þjónn allra manna.
Markús lýsir Jesú sem hinum líðandi þjóni, þar sem gyðingar vilda drepa hann (9:31), þar sem nágrannar hans reyna að lítillækka hann (6:3) og jafnvel fjölskylda hans telur hann viti sínu fjær (3:21).
Það vers sem lærisveinar hans myndu halda á lofti væri: ,,En eigi sé svo meðal yðar, heldur sé sá, sem mikill vill verða meðal yðar, þjónn yðar. Og sá er vill fremstur vera meðal yðar, sé allra þræll. Því að Mannssonurinn er ekki kominn til þess að láta þjóna sér, heldur til að þjóna og gefa líf sitt til lausnargjalds fyrir marga. (10:43-45)

Fleygustu versin eru:
1:17... Komið og fylgið mér, og mun ég láta yður menn veiða.
10:14... Leyfið börnunum að koma til mín, varnið þeim eigi, því að slíkra er Guðs ríki.
10:25... Auðveldara er úlfalda að fara gegnum nálarauga en auðmanni að komast inn í Guðs ríki.
12:17... Gjaldið keisaranum það, sem keisarans er, og Guði það, sem Guðs er.
14:38... Vakið og biðjið, að þér fallið ekki í freistni. Andinn er reiðubúinn, en holdið veikt.

Margir halda að hinn ónafngreindi maður sem var við handtöku Jesú hafi verið Markús sjálfur.
14:51-52... ,,En maður nokkur ungur fylgdist með honum. Hann hafði línklæði eitt á berum sér. Þeir vildu taka hann, en hann lét eftir línklæðið og flýði nakinn."

Guðspjallið segir að þjáning og missir, sé ekki endilega bara slæm upplifun - heldur getur það verið upphafið að einhverju betra (8:35)

Matteusarguðspjall

Höfundur guðspjallsins er talinn vera tollheimtumaðurinn Matteus (Matt 9:9) sá sami sem Markúsarguðspjall segir að sé kynntur sem ,,Leví Alfeusson" (Mark 2:14).
Guðspjallið er sennilega skrifað á því tímabili sem Rómverjar lögðu musterið í eyði (70 e.Kr.) og virðist það vera beinlínis skrifað fyrir gyðinga með áherslu á að sanna fyrir þeim að Jesús væri sannarlega Messías, sá sem þeir biðu eftir... þ.e. uppfylling spádómanna...enda er mikið vitnað í spádóma Gt.

Ættartalan á að staðfesta að Jesús sé af ætt Davíðs, hersveit engla tilkynnir fæðinguna og ,,vitringarnir" koma til að veita hinum nýja konungi lotningu. Matteus er eina guðspjallið sem kennir Faðir vorið (6:9), nokkrum kraftaverkum er lýst sem hin guðspjöllin nefna ekki og Matt er sá eini sem segir að við dauða Krists hafi jörðin skolfið, björg klofnað og dauðir risið upp. 

Fleygustu versin eru:
1:21... Hún mun son ala, og hann skaltu láta heita Jesú, því að hann mun frelsa lýð sinn frá syndum þeirra.
5:13-14... Þér eruð salt jarðar. Ef saltið dofnar, með hverju á að selta það? Það er þá til einskis nýtt, menn fleygja því og troða undir fótum. Þér eruð ljós heimsins. Borg, sem á fjalli stendur, fær ekki dulist.
5:44... En ég segi yður: Elskið óvini yðar, og biðjið fyrir þeim, sem ofsækja yður,
7:1... Dæmið ekki, svo að þér verðið ekki dæmdir.
7:7... Biðjið, og yður mun gefast, leitið, og þér munuð finna, knýið á, og fyrir yður mun upp lokið verða.
28:19... Farið því og gjörið allar þjóðir að lærisveinum, skírið þá í nafni föður, sonar og heilags anda,

Það sem sker þetta guðspjall frá hinum er að Matteus er eini guðspjallamaðurinn sem notar hugtökin ,,kirkja" og ,,himnaríki."