Bestu-flokkarnir

Bestu-flokkarnir voru eina tækifæri fólksins til að tjá óánægju sína með stjórnmálaflokkana sem voru fyrir. Það hefur enga þýðingu að skila auðu eða ógildu... atkvæðin sem eru gild tengjast alltaf sama gamla liðinu sem var við völd og verður þá aftur við völd eftir kosningarnar.

Besti flokkurinn í Reykjavík, næstbesti flokkurinn í Kópavogi og L(angbesti) flokkurinn á Akureyri voru því eina tækifærið sem kjósendur höfðu til að sýna stjórnmálamönnum að þeim var alvara, þeir vilja fá þá frá völdum.

Besti flokkurinn stærstur

Jesaja 40:8

Grasið visnar, blómin fölna en orð Guðs varir að eilífu.

Ég veit ekki hvað ég hef oft lesið eða hlustað á þetta vers og alltaf hefur merkingin ,,orð Guðs varir að eilífu" verið tengd fyrirmælum eða skilaboðum Guðs til okkar í gegnum Biblíuna.

Orðið ,,orð" er eins í eintölu og fleirtölu en sem fyrirmæli eða skilaboð verður versið að vera í fleirtölu - því ekki er eitthvað eitt orð, fyrirmæli eða skilaboð. Í frummálinu er ,,orð Guðs" í eintölu annars myndi versið vera ,,orð Guðs VARA að eilífu" ef orðið ,,orð" væri í fleirtölu. Að auki er ,,orð" þarna með ákv. greini og ætti að vera þýtt ,,orðið"

Jóh.1:1 Í upphafi var Orðið, og Orðið var hjá Guði, og Orðið var Guð. (2) Hann var í upphafi hjá Guði.

Orðið er Jesús og hann var upphaflega hjá Guði. Þess vegna fannst mér forvitnilegt að kanna notkun orðsins ,,orð" (í et m/ákv.gr.) í Gamla testamentinu.
Það birtist fyrst í 1.Mós 15:1... Eftir þessa atburði kom orð Drottins til Abrams í sýn:,, Óttast þú ekki, Abram, ég er skjöldur þinn, laun þín munu mjög mikil verða"
Orð Drottins kom aftur í sýn í 4 versi...

Hvernig getur ,,orð" komið í sýn... og hvers vegna talar Abram við ,,orð" í sýn... nema ,,orðið" sé Guð. Enda segir í 5.versi að ,,hann" sem getur ekki verið annar en ,,orðið" í sýninni, leiddi Abram út og sagði honum að telja stjörnurnar - svo margir yrðu niðjar hans.

Orð Guðs varir að eilífu - Drottinn er eilífur

Tognaði í læri við að prjóna

Þetta er það vitlausasta sem ég hef vitað... en satt. Ekki er ég farin að prjóna með fótunum EN í fyrradag sat ég í HÆGINDA-stólnum og prjónaði... ég hef bæði setið of lengi, skökk í stólnum og með spennu á vöðvanum... þetta er afleiðingarnar... ég hef tognað aftan í lærinu.

Það er ekki annað hægt en að brosa af þessu - það er kannski rétt sem maðurinn segir... að ég sé af HROSSA-ætt

Nóg að gera hjá mér

Það er nóg að gera á þessum bæ, með 4 manna fjölskyldu hjá sér...  eins og þeir segja á ameríkönsku " a handful"

Ég er búin að fá einkunnirnar og er enn með 8 í aðaleinkunn - I´M HAPPY

Nú er ég byrjuð að mála aftur, hleyp reglulega og langar til að fara í gönguferðir. Á morgun förum við bæði í afmæli og útskrift. Matthías Lovísu og Gunnars-sonur er 1 árs og Íris Sverrisdóttir er stúdent. Við grennumst ekki á morgun

Til hamingju með daginn, Matti litli 

Ótrúleg bloggleti

Það er varla hægt að segja að ég hafi bloggað frá því að skólinn byrjaði í haust. Kannski er málið að ég fækkaði við mig einingum, tók 20 í stað 30 og ætlaði að eiga smá líf með. Þessi 3 fög sem ég tók, voru þó nokkur lestur og verkefnavinna, svo bætti ég við hlaupadögum og byrjaði að prjóna og sauma aftur... en ekki að mála - bloggið varð alveg útundan.

Eitt fagið var ,,trúarstef í kvikmyndum" og ég varð enn einu sinni vör við hvað ég er öðruvísi... Við áttum að reyna að horfa á hverja kvikmynd ,,sem mynd"...
Það var ekkert vandamál fyrir mig, því ég hef alltaf staðið fyrir utan myndir og bækur, hef ekki sett mig í hlutverk eða séð mig sem persónu, túlka ekki eitthvað sem er ekki sagt og tek myndir ekki sem skilaboð eða boðskap, í þeim er einungis ákveðin saga sögð.
Í mínum huga er kvikmynd bara kvikmynd - sumar eru leiðinlegar aðrar skemmtilegar.

Nú eru prófin búin, ég bíð eftir einkunnum...

Komin heim

Þetta var stutt ferð... þar sem ég flaug heim sama dag og ég hljóp, þá komst ég ekki í sturtu eftir hlaupið. Ég varð að tékka mig út af áttunni fyrir hlaupið, geyma dótið í skottinu á bílnum, hlaupa maraþonið, keyra til Boston, skila bílaleigubílnum og taka flugið...

Þetta gekk allt vel. Þegar ég kom til Boston fór ég á klósettið í molli rétt hjá flugvellinum, þvoði mér með þvottapoka og skipti um föt... ekkert mál

Flugið heim var 4:40mín. og ég náði að sjá 2 bíómyndir... Lovísa kom með bílinn út á völl og ég keyrði heim. Fór ekki að sofa fyrr en einhverntíma um kvöldið, þá búin að vaka í 1 og hálfan sólarhring.

Verslaði og verslaði

það eru allar helstu verslunarkeðjur USA í sömu götu og áttan... sem er MJÖG þægilegt. Ég fór í helling af búðum, Walmart, Dollar Tree, Best Buy, Stop and Shop, Macy, JC Penny, JoAnn, og fl... keypti mér kaffi, smávörur, garn og fl.

Þegar ég kom til baka var mér boðið að skipta um herbergi af því að sjónvarpið er bilað. Nú er ég í herbergi 104.

Hringdi í höfðingjana í Santa Barbara og heyrði í þeim hljóðið. Þaðan var allt gott að frétta.

Verð hér þrjár nætur :)

Fínt að vera hér...

Super 8 N Attleboro, MA-Providence, RI

787 S Washington St Rt 1

North Attleboro, MA 02760 US
Phone: [phone]     room 127

 

Kefl-Boston-N-Attleboro

Lúlli hringdi á nákvæmlega réttum tíma í fyrradag og fékk fluginu breytt fyrir mig, færði það fram um einn dag. Ekkert smá gott... ég græddi einn verslunardag

Þetta var fyrsta flugið frá Keflavík til Boston síðan þeir færðu flugið norður á Akureyri. Fluginu seinkaði aðeins vegna sjúklinga sem voru með. Það var því orðið niðdimmt þegar ég fékk bílaleigubílinn og brunaði af stað... eins gott að ég er ein á ferð því ég byrjaði á því að taka ranga beygju og vera 10 mínútur að redda mér aftur á rétta slóð.

Ég var komin til Attleboro um 9:30... heppin að ég fékk herbergi - því ég hafði gleymt að bæta einni nótt við. Þar biðu mín fullt af pökkum...
Ég kann ekkert á fjarstýringuna svo ég ætla að sleppa sjónvarpinu og fara að sofa.

Bíddu... Er Samfylkingin ekki enn að eyða milljónum í að troða okkur í ESB

Ekki er þessi grein áhugaverð fyrir inngöngu, það segir sig sjálft að við höfum ekkert að gera í ESB. Hvernig væri að hætta fjáraustri í umsóknaraðildar-ferli og farið að nota peningana fyrir fólkið í landinu.  

Eftir sem mér skylst þá er skjaldborgin um heimilin komin... Búið að hirða hverja krónu af landanum, banna nektardans og bjórauglýsingar... Skrítin skjaldborg...

Vilja Grikki af evrusvæðinu

Ekki selja þær þó þið eldist

Súludans er orðinn vinsæl leið til að halda sér í formi.

Skrár tengdar þessari bloggfærslu:

• Nýtist alla æfi

Brandari

Stal þessum frá Mæju...
Íslenskt par leigði íbúð í Bretlandi þar sem þurfti að fá leyfi til að negla í veggina. Konan vill hengja blómapotta í eldhúsgluggann og fer til leigusalans og spyr á sinni frábæru ensku: "Can my husband screw two hookers in the kitchen window tonight..."

Hvað eiga menn að halda ?

Hvernig stendur á því að Össur er hneykslaður... hefur forsætisráðherra-dúkkan ekki sagt heiminum að atkvæðagreiðslan hafi verið marklaus...

Gagnrýnir harðlega sænskan ráðherra

Komin í þetta venjulega

Við komum heim síðasta miðvikudag. Ég átti frí í skólanum þann dag en svo tók þetta venjulega við. Ég þarf að klára ritgerðina fyrir fyrrihlutann af ,,Kirkju og nútímalegu þjóðfélagi" sem ég geti byrjað á þeirri sem er fyrir seinni hlutann.
Svo þarf að skrifa umsagnir fyrir hverja bíómynd sem við horfum á í ,,Trúarstef í kvikmyndum"... ég hélt fyrst að það væri nú ekkert mál en það TEKUR TÍMA.

AFMÆLISBÖRN MARS-mánaðar:
2. mars Sölvi Steinn - 2ja ára
5. mars Helga - 35 ára
5. mars Emil - 44 ára
27. mars Inga Bjartey - 14 ára 
Fyrir utan þá sem eru fjær-tengdir

Innilegar hamingjuóskir til þeirra allra

Cape Cod - Provincetown - Boston

Það komu tvær ,,gæsir" upp að bakdyrunum hjá okkur en ég átti ekkert að borða fyrir þær. Þær fengu að smakka rauðan lakkrís...
þær voru ekkert hræddar þó ég opnaði hurðina og önnur bankaði í glerið þegar ég lokaði. Hótelið var niður við sjóinn og nokkrir metrar að fjörunni en fuglarnir vissu greinilega að ferðamannatíminn var ekki kominn, en alvanar að sníkja.

Við förum að tékka okkur út af hótelinu. Mig langar að keyra niður á oddann á eiðinu hérna, ca klst keyrsla í bæinn Provincetown.
Síðan keyrum við til Boston. Við eigum flug heim kl 20:35 í kvöld.

Provincetown ber með sér að vera gamall, götur eru þröngar og húsin þétt saman. Bærinn er nú í dvala en er ábyggilega sprell-lifandi á sumrin. Lúlli var rosalega hrifinn, sá tækifæri fyrir kallana að vera með bát í bakgarðinum