Er strax farin að leita að nýrri ferð !

Það hefur alltaf verið dýrt að ferðast en hvílíkt verð á flugi núna... Það hvarflar ekki að mér að reyna þetta hópkaup með Iceland Express... og myndi ekki ferðast með þeim nema í algerri neyð, fólk heldur að það sé að gera góð kaup en það er misskilningur sem það uppgötvar síðar.

Allir dagar til allra staða í USA eru út árið á himinháu verði hjá Icelandair... það vantar meiri samkeppni, einhvern sem getur keppt við þá :)

Komin heim :-)

Föstudagur 20.maí
Við höfðum nógan tíma til að lulla til New York, komum við í íþróttabúð, fengum okkur að borða og keyptum nesti. Af því að tíminn var nægur þá keyrði ég Lúlla fyrst í Terminal 7, hjálpaði honum inn með töskurnar og fór svo að skila bílaleigubílnum. Leigurnar eru aðeins í burtu og maður þarf að taka lestina til baka. 

Lúlli var búinn að vigta töskurnar og við færðum eitthvað dót á milli... síðan vorum við í sms-sambandi við Eddu og Emil. Þau lentu í umferðarteppu og villu-vegar á Manhattan... smá stress þar í gangi en allt gekk vel að lokum og við sluppum öll inn rétt áður en innritun var lokað.

Við sátum aftast í vélinni - fyrst inn og síðust út...  Ameríkuvélarnar lentu allar á svipuðum tíma og það var stappað í flugstöðinni... Þegar við komum út fór Emil að sækja bílinn sem neitaði lengi vel að fara í gang... en lét svo segjast :)... Við komust öll heil heim og þakklát fyrir það... næst síðasta USA-flug heim fyrir lokun flugvallar vegna eldgossins í Grímsvötnum.

Áfanganum náð - Síðasta fylkið fallið

Við flugum út á föstudag 13.maí, sluppum sem betur fer við verkfall flugumferðarstjóra. Edda, Emil og Inga Bjartey eru með okkur. Við erum á tveim litlum bílum og hjá sitt hvorri leigunni, svo við hittumst aftur eftir nokkurra tíma keyrslu á hótelinu, Quality Inn í Carneys Point NJ.

Maraþonið var hinum megin við fljótið í Wilmington Delaware. Við sóttum gögnin daginn eftir... það var fljótgert í agnarsmáu expoi. Það er þægilegt að hlaupið byrjar og endar þarna á sama stað.

Við Lúlli vöknuðum kl 4, og vorum komin á startið fyrir kl 6 til að fá bílastæði nálægt. Við hittum Steve og Paulu Boone forkólfa The 50 States Marathon Club. Þau hafa áhuga á að hlaupa Reykjavíkurmaraþon einhverntíma. Maraþonið var ræst kl 7 í 100% loftraka og mollu. Það átti að vera slétt en var tómar brekkur :/  Loftrakinn hafði þau áhrif að ég mæddist fljótt og gekk á milli og upp brekkurnar. Tíminn varð skelfilegur. Edda, Emil og Inga Bjartey biðu með Lúlla við markið, þau voru með íslenska fána bæði litla og í fullri stærð og við tókum myndir við markið. Delaware var síðasta fylkið mitt í Bandaríkjunum... Ótrúlegt en satt búin að hlaupa maraþon í þeim öllum amk einu sinni og DC að auki.

Við keyrðum þaðan áleiðis til NY og gistum á Days Inn Hillsborough NJ. Eftir að hafa verið þar 2 nætur fóru Edda og Emil til Woodstock að heimsækja Harriett. Við vorum áfram í Hillsborough. Hótelið er fínt og umhverfið ágætt. Veðurspáin fyrir vikuna var hrikaleg en það blessaðist allt... smá skúrir öðru hverju. Heimferð á morgun :)

Komin í sumarfrí :)

Nú er prófum lokið, sunnudagaskólanum slitið og síðasti dagurinn minn með kirkjuprökkurunum búinn... og ekkert STÓRT eftir í bili en að afgreiða síðasta fylkið í USA næsta sunnudag... síðan byrjar afslöppun af FYRSTU GRÁÐU          

 Síðan verður auðvitað afmæli hjá litla kút...
 19.maí ... Matthías litli ömmustrákur verður 2ja ára 

Afmælisbörn í mars

Ótrúlegt hvað tíminn flýgur. Þessi önn í háskólanum hefur vægast sagt verið ,,klikkuð" m.a. út af væntanlegu ,,en sem verður ekki" stjórnlagaþingi, þá þjöppuðum við einu námskeiði í 3 og hálfa viku og skiluðum 5.500-6.000 orða heimaprófi fyrir helgi.
Svo nú taka við ritgerðir í öðrum námskeiðum... en síðasti kennsludagur er 8.apríl

Þessi afmælisbörn fengu hamingjuóskir frá mér

2.mars... Sölvi Steinn 3 ára (lang-afa-barn Lúlla)
5.mars... Helga 36 ára   (frumburður)                   

Afmælisbörn mánaðarins :)

Eftir að hafa staðið mig ótrúlega illa við að skrifa á þessa síðu undanfarið, þá ætla ég LOKSINS að setja inn afmælisbörnin í þessum mánuði.

18.febr... Gabríel Natan varð 7 ára
21.febr... Gunnar tengdasonur verður 27 ára
27.febr... Bragi í Santa Barbara verður 91.árs

  Innilega til HAMINGJU með afmælin

Æðruleysisbænin

Í haust var ég byrjuð að skrifa ritgerð um Niebuhr... en skipti honum svo út fyrir annan kall ;) Niebuhr samdi æðruleysisbænina sem flestir kunna bara helminginn af, öll er bænin svona:

Guð gefi mér æðruleysi til að sætta mig við það sem ég fæ ekki breytt,
kjark til að breyta því sem ég get breytt og vit til að greina þar á milli,
þolinmæði við hluti sem taka tíma,
Þakklæti fyrir það sem ég hef,
viðþol við ströggli annarra,
frelsi til að lifa án takmarkana fortíðar minnar,
hæfileika til að þekkja ást þína til mín og ást mína til annarra og
kraft til að standa upp og reyna aftur þó það virðist vonlaust.

Gleðilegt ár 2011

*★Gleðilegt ár kæra fjölskylda, ættingjar og vinir ★* 。 • ˚ ˚ ˛ ˚ ˛ •
•。★Takk fyrir allt gamalt og gott ★ 。* 。° 。★° ˛˚˛• * *。★° 。*˚。★°  ° 。★° ˛˚˛• *  ˚ ★˛ •˛˚ ★*。˚• ˚ ˛˚ ★˛ •˛˚ ★*。˚• ˚*。 ˚  。★° ˛˚˛• *  ˚ ★˛*。˛ ˛• ˚˛• ˚ •˚ ˛* *。* ˛• ˚* *。* •˛ 。★° ˛˚˛• *  ˚ ★

*★* ★★★★ 2011 ★★★★*★* ˛.*.★*.˛* .˛。*.★.*˛.¨*.★.★.*˛.¨*.
˛  _██_*.。*./• \ .˛* .˛。.˛ ★GLEÐILEGT ÁR ★★ FELIZ AñO NUEVO ★
˛. (´• ̮•)*.。*/♫.♫\*˛.* ˛_Π_♥HAPPY NEW YEAR • GOTT NYTT ÅR •
. ( . • . ) ˛./• '♫ ' \.˛*./______/~＼*. ˛*.。˛*★* ˛.*.★*.˛* .*˛.★.*˛.¨*.
*(...'•'.. ) *˛╬╬╬╬╬˛ ｜田田 ｜門 ╬╬╬╬╬*˚.˛..★..*.*★*.★.★.*˛.¨*.

Gleðileg Jól

 *★Gleðileg jól ★* 。 • ˚ ˚ ˛ ˚ ˛ •
•。★gott og farsælt komandi ár ★ 。* 。

° 。 ° ˛˚˛ * _Π_____*。*˚
˚ ˛ •˛•˚ */______/~＼。˚ ˚ ˛
˚ ˛ •˛• ˚ ｜田田｜門｜ •˚ *★
Gleðileg jól kæru ættingjar og vinir, hafið það sem allra best um jólahátíðina *

Skrár tengdar þessari bloggfærslu:

• Jólakveðja 2010

Er það í eitt skipti fyrir öll...

Mér er sama hvort klukkunni er seinkað, ef það er ætlunin að gera það EINU SINNI... ég er ekki fylgjandi klukkuhringli tvisvar á ári.

,,Amli" í des

Stóra systir er sextug í dag... Stórt til lukku með stóran dag  
Við Edda skruppum til hennar í kvöld og fengum hrikalega góða köku með rosalegri karamellusósu og svakalegu rjómakremi... þetta var STÓR-hættulega gott.

  6.des... Berghildur 60 ára
26.des... Tinna Sól 10 ára
29.des... Sigurður Bragi 22 ára

Til hamingju með afmælið

Komin í próflestur

Skil á heimaprófinu í Stefi í Nt var 24.nóv kl 12 á hádegi, 
síðasti skóladagur var á föstudag 26.nóv,
aukatími í trúfræði kl 3 á mánudag 29.nóv.  
skil á ritgerð í Stefi Nt var 30.nóv. 

Það hefur verið nóg að gera...
nú eru ritgerðir og heimapróf sem btw var 13 blaðsíður eða ca 5000 orð... að baki... og prófin að byrja.

Fyrsta prófið er 9.des  og það síðasta 17.des eða korter í jól   

Síðasta vikan í skólanum

Tíminn flýgur... síðasta vikan í skólanum og allt á fullu.
Ég fékk heimapróf í Stefi í guðfræði Nt, opinberunarritum, á kl 5 á föstudag og er búin að vera límd við tölvuna til að svara því. Prófið er 5 spurningar. Sú fyrsta í 10 liðum, ca 100 orð á hvern lið. Hverri spurningu á að svara í uþb 1000 orðum.  
Ég er búin með fyrstu og hálfnuð með aðra.
Hvílík vinna... en þetta verður að hafast eins og annað

Afmælisbörn mánaðarins

Nokkrir í fjölskyldunni eiga afmæli í nóvember. Sonurinn á afmæli í dag, nafna mín nær þeim langþráða áfanga að fá bílpróf og síðasta daginn í mánuðinum á ég sjálf afmæli.

  7.nóv ... Svavar         27ára
  8.nóv ... Sverrir Björgúlfur
                    langafabarn Lúlla 6 ára
29.nóv ... Bryndís Líf    17 ára
30.nóv ... gamlan sjálf 54 ára... og Björg vinkona ári eldri

Úff, ég er 10 árum eldri en Bryndís og Svavar til samans
Innilega til hamingju með daginn

Vorum að klára að pakka

Ég mætti í Ásvallakirkju kl 9 í kvöld til að klára að pakka niður í skókassana... þetta verkefni er yndislega gefandi. Í mörg ár erum við hjónin búin að horfa á dvd diskana okkar sem sýnir þegar Franklin Graham stofnandi þessa verkefnis sem heitir "Operation Christmas Child" á ensku, afhendir skókassa til munaðarlausra og veikra barna í Afríku...

Við höfum verið í Usa í okóber síðustu 10 ár og höfum alltaf misst af því að taka þátt og það verður að viðurkennast að verkefnið er ekki mikið auglýst... EN NÚ gerðist það. Við vorum með og það er góð tilfinning.

Í kassana fóru ýmsar hreinlætisvörur, einhverjar flíkur, smá nammi og Guðs blessun til viðtakandans.