Lake Placid - Albany NY

8.júní...Lúlli tékkaði okkur út meðan ég var í hlaupinu... og við keyrðum til Albany. Það var um tveggja tíma keyrsla. Við vorum bæði frekar þreytt og nenntum ekki út að borða. Við komum okkur fyrir á Áttunni sem við áttum pantaða og biðum eftir að heyra frá Eddu og Emil... en þau og Inga Bjartey fljúga til Boston á morgun og keyra hingað sama dag. 

9.júní... við kíktum í nokkrar búðir... sendi Eddu sms... Þau komu svo rúmlega kl 5 og við borðuðum saman á Golden Corrall. Síðan var framhaldið ákveðið.

10.júní... Ég fór á búðarráp með Eddu og Emil fh en eftir hádegið keyrðum við til Woodstock og heimsóttum Harriett og Steven, skoðuðum búðir og borðuðum kvöldmat hjá þeim. Keyrðum til baka um kl 20:30... þá er það hellaferðin á morgun.

Super 8,

1579 Central Avenue, Albany NY, 12205, phone: [phone] room 109

Shrewsbury MA - Lake Placid NY

Það voru um 250 mílur hingað upp eftir... sem er nokkurra stunda keyrsla. Úti er glampandi sól, hitinn 87 F... Við komum til Lake Placid um hálf 4 og tékkuðum okkur inn a hótelið og sóttum svo gögnin fyrir hlaupið á morgun. 

Ég hringdi í Lovísu og Hörpu á Viber og Eddu á Skype... allt góðar fréttir að heiman. Matthías glaður með litlu systir og allt gekk vel hjá þeim öllum... held að þau fái sérstakt dekur hjá Hrefnu. Venus að jafna sig eftir aðgerðina sem hann þurfti að fara í. Við verðum aðeins eina nótt hérna, keyrum strax eftir hlaup til Albany.

Econo Lodge Lake Placid,

5828 Casacade Road, Lake Placid NY, 12946 

Bloomington IL - Boston MA

Lúlli var svo bjartsýnn að hann hélt að við hefðum nógan tíma til að keyra til Chicago (309 mílur) og við gætum jafnvel komist með fyrra flugi til Boston... við brunuðum af stað strax eftir maraþonið en máttum bara þakka fyrir að ná okkar vél. Það voru þrengingar vegna vegavinnu, mikil umferð og tollvega greiðslur... allt tekur tíma. Svo vorum við ofrukkuð fyrir bílinn þegar við skiluðum honum hjá Thrifty.... og það tók líka tíma.

Flugið til Boston (American Airlines) tók um 2 klst, taskan kom nokkuð fljótt til okkar og við fengum mjög góðan bíl, Cervolet Malibu hjá Budget. Við vorum bara klst að keyra á hótelið.

Days Inn Shrewsbury Worcester

889 Boston turnpike, Screwsbury MA 01545

South Bend IN - Bloomington IL

Jonna sagði okkur að Bloomington væri höfuðborg Illinois... við héldum að það væri Chicago. En hingað keyrðum við i dag... komum aðeins við i La Porte hjá Steinþóri og Fjólu og fengum kaffi.

Veðrið er yndislegt, eitthvað annað en í hlaupinu í gærmorgun. Við keyrðum 200 mílur í dag og fundum strax startið fyrir morgundaginn... það er innan við 2 mílur frá hótelinu okkar.

Þegar við höfðum tékkað okkur inn, keyptum við okkur mat og morgunmat (hlaupið byrjar kl 5 am), ég setti í eina þvottavél og þurrkara á hótelinu og svo var talað heim bæði i gegnum Skype og Viber.

Super 8 Bloomington,

818 IAA Drive, Bloomington, IL 61701

Wisconsin Dells WI - Elkhart IN - South Bend IN

Èg var buin ad skrifa heilmikid en tad datt allt ut sv eg uppfaeri tetta tegar eg hef fengid mer takkabord vid skjatolvuna.

Ekki er ég komin með takkaborð enn. Við  vorum 4 nætur í Elkhart. Þaðan fór ég i hlaupið í South Bend. Það eru 20 mílur á milli... svo þetta voru annað hvort mistök hjá mér eða uppselt nær á meðan hlaupið var.

Super 8, 345 Vindsor Ave, Elkhart, IN 46514 

Nú erum við búin að færa okkur til South Bend til að fara í hlaup í Niles IL. Það er ekkert langt frá.  Við verðum hérna í tvær nætur.

Americas Best Value Inn, 425 N-Dixie Way, South Bend, IN 46637

Kef - Minneapolis - Wisconsin Dells

MÄ—r finnst orÄ‘iÄ‘ rosalega langt síÄ‘an ég var úti síÄ‘ast. En nú er ég komin út aftur. ViÄ‘ flugum til Minneapolis, en þaÄ‘ eru mörg ár síÄ‘an viÄ‘ höfum flogiÄ‘ þangaÄ‘. ÞaÄ‘ er 6 tìma flug og 5 tíma tímamunur. ViÄ‘ flugum oftast hingaÄ‘ á hausttíma og þá dimmdi svo snemma en nú gátum viÄ‘ keyrt 100 mílur í björtu. 

Stefnan var tekin á Wisconsin Dells, keyrÄ‘um í ca 4 tíma, um 230 mílur... og þaÄ‘ var steinsofnaÄ‘ um leiÄ‘. 

Americas Best Value Inn, Days End Motel

N 604 US Hwy 12 & 16

Wisconcin Dells, WI 53965 

Mamma 85 ára 19.apríl 2014

Ég hef það fyrir vana að útbúa afmælisvideó þegar nánir eiga stór-afmæli. Mamma og tvíburasystir hennar Jóhanna (Hanna) urðu 85 ára síðasta laugardag. 

Við komum saman heima hjá mömmu og áttum glaðan dag saman. Það voru teknar myndir, borðað og afmælissöngurinn sunginn. Vaninn hjá mér er að birta afmælisvideóið á afmælisdegi viðkomandi en hvert tæknivandamálið á fætur öðru urðu til þess að birtingin dróst um sólarhring... og birtist hér tveim sólarhringum of seint... En, innilega til hamingju með daginn elsku mamma, tengdamamma, amma, lang-amma og langa-lang-amma. 

 

 

 

 

 

 

 

 

https://www.youtube.com/watch?v=V_K5ktg6t7I&list=UU3cPhEuKo9FdMn6D0DNB8Iw 

Komin heim :)

Ég var vöknuð fyrir allar aldir... leit út um gluggann og sá að bílnum hafði verið pakkað inn í klakabrynju. Bíðari nr 1 hringdi með áhyggjur vegna þess að svo mörgum flugum hafði verið aflýst eða seinkað í kringum Little Rock eða Arkansas. Hann vildi endilega að ég reyndi að flýta fluginu ef það væri hægt.

Maðurinn í lobbýinu hringdi fyrir mig en fluginu fyrir hádegi hafði verið aflýst og mitt flug var það fyrsta til Denver. Ég ákvað að mæta mjög snemma og fara stystu leið að taka bensín, kaupa nesti og skila bílnum. Það var eins gott að ég ætlaði snemma af stað, því ég var 20 mín að þýða bílinn - rúðurnar og að opna framhurðina, rennihurðarnar afturí voru óvirkar. Göturnar voru eins og skautasvell og mér fannst ég ólýsanlega heppin að hafa bensínstöð við hliðina á hótelinu... og þar keypti ég líka nesti.

Í flugstöðinni var allt stopp - ekkert flug á áætlun og margir þegar búnir að missa af tengiflugum. Ég gat ekki tékkað kassann minn alla leið, en það átti ekki að vera vandamál ef flugið væri á réttum tíma... En svo varð rúmlega hálftíma seinkun á brottför frá hliði og löng röð í loftið. Mér var hætt að lítast á blikuna en treysti á Guð... það er nefnilega ekki flogið alla daga heim frá Denver. 

Doug Meadows frá Fort Collins, a fellow Maniac, var með sömu vél og hann bauð mér að taka kassann á komubandinu og koma honum á Icelandair ef allt færi á versta veg... og hann athugaði á skjánum hvar Icelandair vélin var á meðan ég beið eftir töskunni sem var tekin af mér. 

United Airlines lagði við rana niðri og innst inni í enda á terminal B. Vélin var svo lítil að handfarangur var tekinn af farþegum og afhentur við dyrnar við komu. Ég beið í 5 mínútur eftir töskunni, af þeim 20 mín sem ég hafði þar til Icelandair átti að fara... og síðan hljóp ég af stað... vegalengdin var svona ca 6 Leifsstöðvar og ég þurfti að taka lest að auki á milli terminala.

Þegar ég koma að Icelandair vélinni var búið að loka hliðinu og kona að koma út... Ég náði varla andanum þegar ég stundi að ég ætti sæti í vélinni. Konan hljóp niður ganginn og til baka aftur... þá hringdi hún og spurði hvort þau hefðu getað opnað dyrnar aftur og gerði miða fyrir mig. Ég hljóp niður ganginn og hef sjaldan verið eins fegin að ná flugi. Ég var svo fegin að ég hringi heim í Bíðarann til að láta hann vita að ég hefði náð fluginu... Það mátti ekki tæpara standa - Guði er enginn hlutur um megn. 

Eftir tveggja tíma flug kom flugfreyjan og sagði að "taskan" mín hefði náð um borð... en það hefur verið taska einhvers annars... það var örugglega mikið kaos í töskudeildinni þegar mikið af farþegum þarf að bíða og er jafnvel að skipta um flugleiðir. 

Því miður náði kassinn minn ekki um borð og næsta flugvél frá Denver kemur á fimmtudagsmorgun... en ég fékk tölvupóst frá Doug um að hann hefði tekið kassann og afhent starfsliði United hann ásamt töskumiðanum mínum og orðsendingu frá mér (sem var skrifuð á ælupoka) því það var enginn í afgreiðslunni hjá Icelandair.

Komið að heimferð

Veðrið í gær var hrikalegt, ég sleppti því alveg að fara út eftir hlaupið, át frekar eittthvað drasl sem ég var með og keypti mér sprite í sjálfsalanum. Fyrst var þrumu og eldinga-show og svo kom haglél... Allt var orðið hvítt um kvöldið.

Í morgun hefur nokkuð verið um frestun á flugi, Bíðari nr 1 hafði áhyggjur af því að ég kæmist ekki heim... svo ég fékk manninn í lobbý-inu til að hringja fyrir mig og fá staðfestingu á flugi eða jafnvel að fara fyrr. Nei, fluginu til Denver var frestað í morgun svo mitt flug er það fyrsta þangað.

Bíllinn var hvítur af snjó og ég ætlaði bara að skafa á íslenskan hátt... en NEI TAKK... það var eins og hann hefði verið hraunaður með ísregni undir snjónum... Ég býst við að það taki tíma að láta þetta bráðna. Svo sýnist mér líka að það sé glerhálka. 

Það er ekkert annað að gera en að fara snemma af stað, vera tímanlega. Ég á flug til Denver kl 13:24 eh og heim kl 16:15.

Denver CO - Little Rock AR

Þetta var 2ja tíma flug... í lítilli flugvél. Ég var fljót að fá bílinn, þennan flotta hægindastóla Van... Hótelið mitt var í innan við mílu fjarlægð frá flugvellinum. Nú er ég að fara í Walmart, CVS, Dollar Tree og fá mér að borða.

Days Inn and Suits by the Airport
3200 Bankhead Dr. Little Rock AR 72206
http://www.hotellittlerockairport.com/  

Þetta er glæsilegt herbergi, með öllum þægindum.
Phone [phone] Room 135 :) 

Kefl - Denver CO

Ég er ein á ferð... Bíðari nr 1 keyrði mig upp á völl og ég skellti mér beint í lúxusinn í Betri stofunni. Flug kl 17:00.

Flugið til Denver tók 8 tíma og það er 7 tíma tímamunur. ég var heppin að sitja mjög framarlega svo ég var með fyrstu í útlendingaeftirlitið, var bara með handfarangur og komst beint í hótelrútuna. Hún tók frekar langan rúnt á nokkur hótel en ég var komin þangað um klst eftir lendingu... Það verður að teljast mjög gott. Ég keypti nótt á SLEEP INN en það var búið að skipta um nafn og er nú ECONO LODGE.

15900 East 40th Ave, Aurora CO 80011
Phone: [phone] Room 309

Los Angeles - Santa Rosa - Seattle - heim

Klukkan var stillt á 4:30 en Lúlli var búinn að vekja mig áður... Hótelið sem við vorum á, á örugglega heimsmet í þrengslum á bílastæðum. Við vorum lokuð inni, tveir bílar fyrir aftan okkur. Það var eins gott að við vorum komin út, tilbúin til brottfarar kl 5 því það tók sinn tíma að færa þessa bíla.

Við keyptum okkur SUBWAY og skiluðum bílnum til FOX sem var í sömu götu og hótelið. Við ætluðum að tékka inn 5 töskur en urðum að troða því í 4 á staðnum. Þegar við vorum laus við töskurnar fengum við okkur einn af Subway-inum.

Flugið var kl 8:40 til Seattle með millilengingu í Santa Rosa... við Lúlli fengum ekki sæti saman. Ég var aftast og sat við hliðina á ungum strák... og við uppgötvuðum eftir hálftíma að við vorum bæði íslensk.

Flugið til Santa Rosa var 1:20 mín, til Seattle var 1:50 mín og heim 7 klst. Við lentum kl 6:30 í Keflavík. Aldrei þessu vant fengum við töskurnar mjög fljótt... eða það héldum við, en við vorum rétt komin inn úr dyrunum þegar það var hringt frá Keflavík til að spurja hvort við hefðum tekið ranga tösku... Ójá, við vorum með eina tösku sem við áttum ekki. Hún var alveg eins og okkar, sama tegund, svipuð stærð og eins rautt krulluband... Svo ég keyrði töskuna í Reykjavík áður en ég fór í vinnuna.                                                                                                                                                                                                                                                                                                                                                                                                                                                                                                                                                                                                                                       

Santa Barbara - Los Angeles

í gær kvöddum við Jonnu... það er alltaf erfitt að kveðja góða vini en við höfum svo sannarlega átt góðan tíma saman þennan tíma sem við höfum verið hjá henni. Vandræðin eru bara að hún vinnur mig alltaf í Rommí... ég er viss um að hún æfði sig áður en við komum.

Það er tveggja tíma keyrsla þaðan til LA... Við komum við í Camarillo, í nokkrum búðum m.a. í Outlet-inu, þar sem við keyptum okkur skó. Ég sótti númerið fyrir maraþonið þar...

Lúlli uppgötvaði þá að hann hafði gleymt jakkanum sínum hjá Jonnu... svo við ákváðum að sækja hann eftir hlaupið daginn eftir (5.jan). 

Síðan sótti ég númerið fyrir New Years Race, downtown LA... Við rétt náðum að sækja númerið, tékka okkur inn á hótel... ég klæddi mig og við fórum í hlaupið í Hollywood. Það var ræst rúmlega 7pm... kvöldhlaup.
Það var ágætis ljósadýrð í kringum það... og leiðin flóðlýst í kringum Dodgers leikvanginn... Þetta var hálft maraþon, ekkert nema brekkur. Í fyrsta sinn EVER hljóp ég með síma og tók myndir á leiðinni. Ég var alveg komin með nóg þegar ég komst í markið... enda algerlega æfingalaus.

Það voru síðan tvær mílur í bílinn og umferðarhnútar á leiðinni til baka... ég held ég hafi sofnað kl 1:30 am og var þá ákveðin í að sleppa maraþoninu í Camarillo. Ég sá í athugasemd um hlaupið að það gæti verið mjög vindasamt þar.

í dag: Jakkinn... já við ákváðum að versla og skeppa aftur til Camarillo, koma við hjá Hrefnu og sækja jakkann til Jonnu... Svo við kvöddumst tvisvar -í-bili-

Síðasti dagurinn í Santa Barbara - í bili.

Við sjáum nóg af óveðursfréttum, allt á kafi í snjó á austur-ströndinni, í Boston og New York, búið að fresta fleiri hundruð flugum... svo "flugurnar" bíða.
Hér er 20-25°c hiti og verið að slá grasið í garðinum.

Við erum búin að hafa það svo gott hérna, veðrið hefur verið óvenju gott miðað við árstíma, yfirleitt var ég í þunnri yfirflík þegar við gengum upp að strönd á haustin á fyrri árum, en nú dugar hlýrabolur. 

Við höfum notið hátíðisdaganna í rólegheitum og við höfum tvisvar keyrt til Oxnard og Camarillo. Í seinna skiptið kom Jonna með okkur og við heimsóttum Hrefnu í Camarillo.

Við  Lúlli kynntum Wal-mart fyrir Jonnu... Wal-martið sem hún hafði farið í einhverntíma á síðustu öld var eins og -hola-í-vegg- miðað við þetta. Við settum Jonnu beint í rafmagns-stólinn og hún þeyttist um alla búð  

Nú er bara að pakka saman og vera tilbúin til brottfarar, því í fyrramálið keyrum við til Los Angeles. 

 

Gleðilegt ár 2014

Hlaupa-annállinn hefur verið birtur á http://byltur.blog.is en hér verður uppdate á flestu öðru sem gerðist á árinu.
Eins og fram kemur á byltublogginu var árið 2013 viðburðarríkt, bæði gleðilegir og sorglegir atburðir gerðust. Við misstum kæran vin okkar, Braga Freymodsson í byrjun janúar og í október dó elsku pabbi minn mjög snögglega. Maður er aldrei viðbúinn þó maður viti að einhverntíma komi að slíkum sorgardegi í lífi manns, því maður vonar að hann komi einhverntíma í framtíðinni. Þeirra verður sárt saknað.
Blessuð sé minning þeirra. 

 

Afmælisbarn dagsins - nýjársdags... er fyrsta og ennþá eina langömmudúllan mín, Emílía Líf... Hún er 2ja ára í dag. Við Lúlli pössuðum hana svolítið síðasta sumar og okkur fannst hún ótrúlega mikið krútt. Síðasta haust flutti litla fjölskyldan til Noregs en við lifum á því að þau flytji aftur eftir nokkur ár. Á meðan notum við Skype :) 

Stórafmæli: Pabbi varð 80 ára í janúar, Óli 40 ára, Svavar 30 ára og Bryndís Líf 20 ára. 

Fjölgun: Á þessu ári á ég von á sjöunda barnabarninu og öðru langömmubarni.

Hlaup: Ég get ekki sagt að ég hafi hlaupið (æft) mikið þetta árið en náði samt að komast 18 maraþon í 8 ferðum til USA. En ég hef tekið þá ákvörðun að fara annan hring um fylki USA. Ég hljóp aðeins 1 maraþon heima á þessu ári, þ.e. Reykjavíkurmaraþon. Svavar og Lovísa fóru 10 km. :)

Áfangi: Ári eftir útskrift úr Guðfræðideild HÍ fékk ég, ásamt fleirum, "embættisgengi" við hátíðlega athöfn í Dómkirkjunni í Reykjavík. Nú get ég loksins sótt um prests-embætti :) 

Lúlli var heiðraður fyrir lífsstarfið á Sjómannadaginn :)

Ratleikurinn: Við systurnar, (ég, Berghildur og Edda) Inga Bjartey og Matthías músaskott tókum þátt í ratleik Hafnarfjarðar. Ég ein kláraði öll 27 spjöldin, Berghildur, Edda og Matthías (4 ára) tóku 18 spjöld og Inga Bjartey 9 stk. Ég skilaði samt aðeins inn fyrir 18 spjöld því ég hafði ekki áhuga á vinningnum fyrir allan leikinn, vildi frekar eiga möguleika á gönguskóm en líkamsræktarkorti.
Ég gekk nokkrum sinnum á Helgafell, fór á Húsfell, Esjuna og gekk Selvogsgötuna.

Götusýningin: Við Edda tókum þátt í listasýningu Íslandsbanka en sýningin var á strætóskýlum höfuðborgarsvæðisins. Þessi sýning var í tengslum við Menningarnótt og var svolítið skemmtilegt að sjá myndina sína í stækkuðu formi til sýnis.

Systraferð til Florida: Ég hafði upphaflega ætlað ein til Florida yfir Thanksgiving en ferðin breyttist í systraferð, sem tókst frábærlega vel... Við versluðum grimmt dag-og-nótt og síðan hljóp ég Space Coast Marathon á Cocoa Beach. Ferðin var í viku og var eiginlega "of stutt" og við hefðum líka getað þegið meira töskupláss :)
Héðan í frá gæti ég farið að selja í maraþon-ferðir með mér :)

Þennan annál skrifa ég í Santa Barbara í Californíu en við Lúlli keyptum þessa ferð á miðju ári 2013. Ég hljóp á annan í jólum (algerlega æfingalaus) en á eftir að hlaupa hálft maraþon í Hollywood 4.jan og heilt maraþon 5 jan í Camarillo. Við fljúgum síðan heim 6.jan LAX - SEATTLE - KEF. 

Óska ykkur farsældar á þessu nýja ári :)