Samnorrænt átak...

Er það ekki? Nú leggja Norðurlöndin í púkk... samnorrænt átak og allir vinna... eða tapa. Hefði mátt bæta við einni finnskri bak-rödd  ... og annarri norskri...  haldið þið að það dugi ekki  

Hera Björk í Evróvisionkeppni í Danmörku

Guð einstaklinga

Ísrael var það nafn sem Guð valdi fyrir ákveðinn þjóðfélagshóp... útvalningin var á Jakob og afkomendum hans, sem urðu að þjóð og Guð gaf þessari þjóð ákveðið land... En eins og Job sagði, þá bæði gaf Drottinn og tók.

Af þeirri einföldu ástæðu að Ísraelsmenn misstu landið sem Drottinn gaf þeim... er raunhæft að ætla að Drottinn hafi tekið landið af þeim aftur en um leið og þeir misstu landið, misstu þeir musterið þar sem æðstipresturinn friðþægði fyrir þjóðina í heild einu sinni á ári.

Spámaðurinn Esekíel var búinn að prédika yfir Ísraelsmönnum (18.kafli) að hver einstaklingur innan Ísraels yrði að standa reikningsskil gerða sinna. 
Við dauða Krists á krossinum breyttist fyrirheitið sem Guð hafði gefið Ísraelsmönnum sem þjóð - eftir þetta var fyrirheitið einstaklingsbundið.

Jesús sagði: Það kemst enginn í ríki Guðs nema fyrir mig.

Íslendingabók II

Ég er í þessari blessuðu Facebook... Segi nú alveg satt að ég hef ekki enn séð tilganginn... geri ekki annað en að samþykkja vini...

Fólk sem tengist getur skráð skyldleika sinn við einstaklinginn, kanski eykst ættfræðiáhugi með Facebook, hver veit!

Næstum allir á Facebook

Búðarráp

Maðurinn minn sem gengur undir nafninu ,,Bíðari nr.1" tekur virku dagana á milli hlaupa til að æfa ,,bið".

Góðir æfingastaðir eru m.a. fyrir utan Moll...
Á röltinu í dag, sáum við þennan gaur... konan hans hlýtur að hafa farið út um aðrar dyr á mollinu !

Yndislegur dagur...

Við dingluðum okkur í dag...

Veðrið var mjög gott, sól og hiti.  Við erum að spá í Dinnershow einhversstaðar.
,,Dingl" heitir það þegar maður fer í mollin og Walmart... skoðar, spáir og kaupir.  Við fengum okkur síðan göngu í góða veðrinu í mini-golf garði hér í götunni.

Ég vil nú ekki ganga mig upp að hnjám fyrir næsta maraþon, en maður gleymir sér alltaf. Við enduðum svo daginn á að borða aftur á Golden Corral. Það er svo mikið úrval á þessum buffetum.

Við byrjum alltaf á grænmetisdiski, síðan kjötrétti og svo desert, sem er ís, kaka og allskonar jammí og að lokum kaffi.  Ég var að springa... 

Veljum íslenskt

Eru menn ekki að grínast ? Flytur McDonalds virkilega ,,litlu" brauðin inn. Ef einhversstaðar ætti að spara gjaldeyri þá er það í vörum sem eru framleiddar á Íslandi og er án efa miklu betri vara. Fyrir utan það, þá fer maður að reikna út að ,,nýjustu" brauðin eru þá amk 7-10 daga gömul ef maður reiknar flutning og tollameðferð.

Visir.is  Engin hamborgarabrauð á McDonalds

Á einhver stjórnmálaflokk?

Ég hélt einmitt að þetta væri það sem er kallað lýðræði, þ.e. að fólki væri frjálst að ganga í flokk og hafa áhrif á stefnu hans með sínu atkvæði... en eins og maður segir þá er þeir sem fyrir eru oft eins og heimaríkir hundar...

Fjandsamleg yfirtaka

Niðurstöður?

Meina þeir ekki síðustu ,,getgátur".

Geimurinn verður alltaf ráðgáta fyrir okkur og menn eru að geta sér til um ýmislegt. Nýjar ,,niðurstöður" segja okkur ekkert nema það að vísindamenn vita í raun ekkert fyrir víst... þetta eru allt getgátur... sem margir taka síðan sem heilögum sannleika.

Vetrarbrautin sögð stærri en talið var

Glæsilegt, til hamingju Ólafur

Ég er sérstaklega hrifin af framtaki Ólafs H. Johnson að reka menntaskóla með þessu sniði eins og Menntaskólinn Hraðbraut er rekinn.
Ég var í fyrsta árganginum sem útskrifaðist eftir aðeins 2ja ára nám. Kerfið er frábært, aðeins 3 fög í einu... 4 vikur í geðveiki... bara grín... 1 vika í próf og vikuna á eftir er frí, ef maður náði prófunum - annars var hún notuð til að taka prófið aftur.

Það er frábært að geta útskrifast á 2 árum - og þau eru svo fljót að líða :)

Nýir eigendur að Menntaskólanum Hraðbraut

Skakkaði leikinn eða færði hann til?

Eftir hverju er verið að bíða? Þetta eru augljóslega 2 gengi, ef þetta fólk er ekki með ríkisborgararétt þá á að vísa þeim úr landi - STRAX.

Fréttin segir að lögreglan skakkaði leikinn... en hvað gerist ? verða málin ekki bara útkljáð annars staðar. Það er ekki hægt að bjóða okkar fámenna og óvopnaða lögregluliði upp á þetta... hvað þá venjulegum borgurum sem geta óvart lent á milli slagsmálahópa. 

Hópslagsmál í Lönguhlíð