Skólinn byrjaður aftur

Allt er þetta að styttast.... ég kláraði 2 ritgerðir um páskana, kynningarnar fyrir þær og 2 úrdrætti sem á að skila fljótlega..... ég get sagt að ég var MJÖG dugleg um páskana. 
Nú er komið að þriðju ritgerðinni......

Fjölskyldan var alveg útundan  
fyrir utan... og ég get varla talið það með,
að ég hélt páskabingó á skírdag svona alveg óvænt...

En þegar ég verð útskrifuð . . .  Oh my hvað ég ætla að gera mikið

Gleðilega páska

Jæja.... taki nú allir upp reiknivélina...

það er rosalegt að eiga svona gamlan frumburð,
en það er óþarfi að elda mig um eitt ár ...

.... heilt ár í hefndarskini. 
(sjá athugasemdir frumburðarins) 
vona að það festist ekki við mig... eins og aukakílóin

Óska öllum gleðilegra páska !

Komin í páska...frí

Hvílíkur lúxus...

Síðasta kennslustundin fyrir páska var á föstudag.... og þá kláraði ég ritgerðina í Gamla testamentinu, ég var búin að liggja yfir henni í 2 vikur en á fimmtudagskvöldinu var ég til 2 um nóttina. 

Núna ligg ég í ritgerð í Nýja testamentinu, en í síðustu utanlandsferð var ég allar frístundir að pikka inn upplýsingar af netinu og úr bókum, sem ég gæti notað í sambandi við hana.  Ég vonast til að klára hana og kynninguna á henni, fyrir páska svo ég geti snúið mér að þeirrri næstu... sem er ritgerð í Stefi í kirkjusögu og svo BA ritgerðinni..... sem er 50 bls.

Þetta páskaFRÍ er kærkomið... og ég verð að nota það vel   

Vigtin og kílóin

Ég sá Ljónið vigta sig eitt kvöldið... og gat ekki orða bundist, og sagði, hvernig þorirðu á vigtina á kvöldin?
Eins og alltaf var von á góðu svari.... ég verð svo glaður í fyrramálið, miklu léttari 

Svo setti hann innsogið á...... en bumban hreyfðist ekki...

Þetta er sorglegt, eins og lögmálið sé, hærri aldur, fleiri kíló...
það eina sem er hægt að gera í stöðunni er að festa vigtina á einhverri þægilegri tölu og brosa út að eyrum  

Nei, í alvöru þá verður að gera eitthvað í þessari orkusöfnun með hækkandi sól. 

Til hamingju með daginn...

 Frumburðurinn, á afmæli í dag 5. mars

Helga (33) býr í Njarðvík með dætrunum tveim Bryndísi Líf og Tinnu Sól, 2 hundum og 2 köttum. 

Innilega til hamingju með daginn.
Vona að dagurinn beri með sér hamingju og góðar fréttir. 

Bið þess að blessun fylgi þessari afmæliskveðju og allt fari upp á við með hækkandi sól.

Emil, mágur á líka afmæli (41)
til hamingju með daginn...

,,TOP SECRET"

Við gerðumst menningarleg í dag. 
Við heimsóttum Clinton safnið sem er staðsett hér í Little Rock.  Í þessu safni var að finna líkan af Hvíta húsinu og forsetabílinn sem Bill Clinton notaði. 
Hvíta húsið er smækkuð mynd af því raunverulega, 1 tomma vs 1 fet,  ef ég skildi það rétt. 

Safnið er nánast skýrsla um hvert skref Clintons sem forseti...... nema auðvitað það sem er ,,TOP SECRET"

Það hlýtur að vera ,,TOP SECRET" að Clinton kom til Reykjavíkur og borðaði pulsu á Bæjarins Bestu.