Fékk þetta hjá Hörpu

Nú bráðum er þetta ár á enda
svo vináttu engill vil ég senda
hann fyrirgefur og friðsemd bætir
hressir þig við og hjartað kætir
eflir þig fyrir nýja árið
knúsar þig og þurrkar tárið
áhyggjum í ruslið hendir
erfiðleika til baka sendir
hann sendir bæði blessun og hlýju
þitt ljós mun lýsa á ári nýju
sendu hann til allra átta
áður en þú ferð að hátta.

Prófin búin...

... vona að ég hafi náð þeim...
Mikill léttir, nú taka önnur mál við. Það er t.d. engin ferð í pöntun og jólapakkar Icelandair dýrari en ef maður kaupir beint á vefnum... ótrúlegt en satt... svo plan B... hvað var það aftur ?

Okkur er boðið í 2 stúdentaveislur um helgina... gaman gaman,
Hafþór og Sigrún
TIL HAMINGJU með árangurinn

Svo á ég eftir að kíkja á eitthvað jóla... jóla... jóladót og pakka...

Próf... talið niður

Eitt próf búið... annað á morgun og það síðasta næsta miðvikudag ... þá verður kátt í kotinu

Afmælisbörn desember mánaðar eru:
Berghildur systir átti facebook afmæli 6.des...
Tinna Sól verður 9 ára 26.des... hún er jólastelpan okkar
Sigurður Bragi verður 21.árs, 29.des

Til lukku allir

Vika eftir af skólanum :)

Hvílíkt hvað þetta er fljótt að líða áður en maður veit af verður komið nýtt ár 2010...

Þessi vika verður verkefna- og ritgerðar-skilavika hjá mér. Ég er að klára ritgerð í kirkjufræði/trúfræði   ... enginn smá léttir að vera að skila henni og þá verður 1 verkefni eftir hjá mér.

Mér hefur tekist að lesa námsefnið jafnóðum... komið lesin í alla tíma... nema þegar bóksalan hafði klikkað og bækurnar voru ekki til... en það er bara frábært að vera búin að lesa allt.  

Allt komið í sinn vana gang

Það er vika síðan ég kom heim... ég hef verið frekar löt, lesið það sem ég hef þurft að lesa, en ég hef hummað af mér þessar ritgerðir og skróp-verkefni sem ég þarf að skila.

Jesaja er nú bara dásamlegur, trúfræðin er allt í lagi en ég hef ekki jafn gaman af trúarlífssálarfræðinni.
Ég hef meiri áhuga á að prjóna og sjónvarpinu heldur en ritgerðarstússi... sem virkar þannig að ég man ekkert hvað ég hef verið að lesa.
Hvað á ég að gera ?

En þessi afmælisbörn fá kveðjur frá mér í nóvember:
Mein Sohn átti afmæli 7.nóv...
Linda á afmæli í dag 10.nóv... Happy birthday, Linda 
Ragnar Rúnar á afmæli 15. nóv...
Bryndís Líf á afmæli 29. nóv... 
Björg vinkona á afmæli 30. nóv...

Ritgerðin búin :O)

Það er engin smá hamingja á ferð... :O) búin með fyrstu ritgerðina.

Jesaja 43:8-11. ritgerðin mátti vera ca 16 bls en ég svindlaði aðeins hún var 19 bls. En hann Gunnlaugur er svo umburðarlyndur að hann mun ekki röfla neitt yfir því.

Áður en ég byrja á næstu ritgerð ætla ég að taka smá aukaverkefni í Trúarlífssálarfræði...

Ritgerð í Jesaja

Það er nóg að gera hjá mér.... ég er í FRÍI... ;)

Það er starfsvika í skólanum þessa viku. Ég þurfti samt að mæta á mánudaginn og horfa á myndina Holy Smoke í trúarlífssálarfræði, OMG...

Ég ligg í ritgerð í Jesaja og gengur bara vel. Það er best að halda sig við efnið, það koma aðrar á eftir og ég fer aftur út 30.okt, bara helgarferð aftur... en þá fellur enn eitt fylkið.

SPARI-blogg

Nú er bara bloggað SPARI... og sést greinilega að skólinn er byrjaður. Nóg af verkefnunum bæði smá og langar ritgerðir... og liggur fyrir að fólk og fénaður verður eitthvað vanræktur :( 
Ég hélt að ég væri að byrja rólega, bara í 20 einingum, en nei takk, það eru verkefni og ritgerðir í öllum fögum og 7 kennslubækur í Kirkjufræði... góðan daginn og komdu sæll.

Skóli, skóli... skóli

Þetta er ekki eins þreytt og það virðist vera á fyrirsögninni... Ég mæti í 1 fag á hverjum degi nema á föstudögum þá eru það 2... og frí á fimmtudögum...
Lesturinn  er mesta vinnan... Það eru 7 bækur í Kirkjufræðinni og svolítið fúlt þegar aðal bækurnar eru ekki til á landinu og maður þarf að bíða 2-3 vikur eftir þeim... þetta eru tiltölulega nýjar bækur og því varla hægt að fá notaðar og svo eru þær rándýrar að auki.

Ég er að reyna að lesa þá annað námsefni fram í tímann en þá finnst mér ég ekki vera í takt við kennarann...

Fyrsti skóladagurinn

Ég verð í 3 fögum í haust, Trúarlífssálarfræði, kirkjufræði og Spámönnum GT... aðallega Jesaja þ.e. köflum 40-66.

Það verður auðvelt fyrir mig að muna í hvaða stofu ég á að vera... sama stofan í öllum fögum - stofa 229 (V) Ég mætti í Spámennina í dag og ég var ekki búin að gleyma öllu !!! ... ég mundi meðal annars eftir að koma með millistykki svo maður dagi ekki uppi með rafmagnslausa tölvu. 
... Ég á frí á fimmtudögum og ég ætla ekki að kvarta undan frídegi - hefði bara verið þægilegra að hann væri á föstudegi... þá er auðveldara að skreppa í helgarferð