Bestu-flokkarnir

Bestu-flokkarnir voru eina tækifæri fólksins til að tjá óánægju sína með stjórnmálaflokkana sem voru fyrir. Það hefur enga þýðingu að skila auðu eða ógildu... atkvæðin sem eru gild tengjast alltaf sama gamla liðinu sem var við völd og verður þá aftur við völd eftir kosningarnar.

Besti flokkurinn í Reykjavík, næstbesti flokkurinn í Kópavogi og L(angbesti) flokkurinn á Akureyri voru því eina tækifærið sem kjósendur höfðu til að sýna stjórnmálamönnum að þeim var alvara, þeir vilja fá þá frá völdum.

Besti flokkurinn stærstur

Jesaja 40:8

Grasið visnar, blómin fölna en orð Guðs varir að eilífu.

Ég veit ekki hvað ég hef oft lesið eða hlustað á þetta vers og alltaf hefur merkingin ,,orð Guðs varir að eilífu" verið tengd fyrirmælum eða skilaboðum Guðs til okkar í gegnum Biblíuna.

Orðið ,,orð" er eins í eintölu og fleirtölu en sem fyrirmæli eða skilaboð verður versið að vera í fleirtölu - því ekki er eitthvað eitt orð, fyrirmæli eða skilaboð. Í frummálinu er ,,orð Guðs" í eintölu annars myndi versið vera ,,orð Guðs VARA að eilífu" ef orðið ,,orð" væri í fleirtölu. Að auki er ,,orð" þarna með ákv. greini og ætti að vera þýtt ,,orðið"

Jóh.1:1 Í upphafi var Orðið, og Orðið var hjá Guði, og Orðið var Guð. (2) Hann var í upphafi hjá Guði.

Orðið er Jesús og hann var upphaflega hjá Guði. Þess vegna fannst mér forvitnilegt að kanna notkun orðsins ,,orð" (í et m/ákv.gr.) í Gamla testamentinu.
Það birtist fyrst í 1.Mós 15:1... Eftir þessa atburði kom orð Drottins til Abrams í sýn:,, Óttast þú ekki, Abram, ég er skjöldur þinn, laun þín munu mjög mikil verða"
Orð Drottins kom aftur í sýn í 4 versi...

Hvernig getur ,,orð" komið í sýn... og hvers vegna talar Abram við ,,orð" í sýn... nema ,,orðið" sé Guð. Enda segir í 5.versi að ,,hann" sem getur ekki verið annar en ,,orðið" í sýninni, leiddi Abram út og sagði honum að telja stjörnurnar - svo margir yrðu niðjar hans.

Orð Guðs varir að eilífu - Drottinn er eilífur

Ótrúleg bloggleti

Það er varla hægt að segja að ég hafi bloggað frá því að skólinn byrjaði í haust. Kannski er málið að ég fækkaði við mig einingum, tók 20 í stað 30 og ætlaði að eiga smá líf með. Þessi 3 fög sem ég tók, voru þó nokkur lestur og verkefnavinna, svo bætti ég við hlaupadögum og byrjaði að prjóna og sauma aftur... en ekki að mála - bloggið varð alveg útundan.

Eitt fagið var ,,trúarstef í kvikmyndum" og ég varð enn einu sinni vör við hvað ég er öðruvísi... Við áttum að reyna að horfa á hverja kvikmynd ,,sem mynd"...
Það var ekkert vandamál fyrir mig, því ég hef alltaf staðið fyrir utan myndir og bækur, hef ekki sett mig í hlutverk eða séð mig sem persónu, túlka ekki eitthvað sem er ekki sagt og tek myndir ekki sem skilaboð eða boðskap, í þeim er einungis ákveðin saga sögð.
Í mínum huga er kvikmynd bara kvikmynd - sumar eru leiðinlegar aðrar skemmtilegar.

Nú eru prófin búin, ég bíð eftir einkunnum...

Brandari

Stal þessum frá Mæju...
Íslenskt par leigði íbúð í Bretlandi þar sem þurfti að fá leyfi til að negla í veggina. Konan vill hengja blómapotta í eldhúsgluggann og fer til leigusalans og spyr á sinni frábæru ensku: "Can my husband screw two hookers in the kitchen window tonight..."

Komin í þetta venjulega

Við komum heim síðasta miðvikudag. Ég átti frí í skólanum þann dag en svo tók þetta venjulega við. Ég þarf að klára ritgerðina fyrir fyrrihlutann af ,,Kirkju og nútímalegu þjóðfélagi" sem ég geti byrjað á þeirri sem er fyrir seinni hlutann.
Svo þarf að skrifa umsagnir fyrir hverja bíómynd sem við horfum á í ,,Trúarstef í kvikmyndum"... ég hélt fyrst að það væri nú ekkert mál en það TEKUR TÍMA.

AFMÆLISBÖRN MARS-mánaðar:
2. mars Sölvi Steinn - 2ja ára
5. mars Helga - 35 ára
5. mars Emil - 44 ára
27. mars Inga Bjartey - 14 ára 
Fyrir utan þá sem eru fjær-tengdir

Innilegar hamingjuóskir til þeirra allra

Geta tekið vatnið...

Fari Álftanes í vanskil með afborganir þá er auðvitað þægilegt fyrir tryggingafélagið að geta tekið vatnið upp í skuldina... sundlaugin verður áfram á sínum stað.

Veð í sundlaug stofnfé Sjóvár

Újé....

Ég breytti stundatöflunni minni í morgun, sagði ég við manninn þegar ég kom heim. Ó, ertu þá í fríi alla vikuna? spurði hann...

Haha... nei, það er nú ekki svo... en mánudagarnir styttast verulega.

Ég man þegar ég var með hlaðna stundatöflu, brjálaða dagskrá, lestur og verkefni í 2 ár í Hraðbraut. Alla virka daga var skóli frá 8-5 og ekkert gefið eftir... svo kom ég stolt heim úr HÍ eftir fyrsta daginn með stundatöflu sem var eins og slitið gatasigti... og maðurinn sagði: Kallarðu þetta að vera í skóla!!!

Svikin af sjónvarpinu...

Ég hef ekki fylgst með virkilegum framhaldsþætti í áraraðir, nema þeim sem eru sjálfstæðir þættir, fyrr en ég horfði á Framtíðarleiftur á fimmtudagskvöldum... þættirnir eru öðruvísi og mér finnst þeir spennandi...
Um jól og áramót leyfði sjónvarpið sér að sleppa tveim þáttum í röð vegna hátíðisdaganna. Síðasta fimmtudag kom þáttur sem var svo endursýndur á mánudagskvöld...

Í kvöld bíð ég spennt eftir framhaldinu... en viti menn... þátturinn er ekki á dagskrá ?

Skólinn byrjaður

Síðasta einkunnin kom á föstudag og nú er skólinn byrjaður aftur með bókakaupum og fleiru. Stundum veit maður ekki hvað kennarar eru að pæla, hvílíkir staflar af bókum... og álagið á veskið  

Þessa önn ætlaði ég að taka 3 fög en skipti einu fagi út fyrir 2 minni. Svo er bara að takast á við þetta.
Ég hafði vonast til að eiga frí á mánudögum eða föstudögum... til að geta skroppið til Ameríku... EN ég er einmitt í skólanum þá daga...

Völvuspá fyrir 2010

1) 50% líkur á að I-Save frumvarpið fari í þjóðaratkvæðagreiðslu
2) það verða miklar sviptingar í íslenskum stjórnmálum, afsagnir ráðherra
3) það verða jarðhræringar á Heklusvæðinu
4) það kemur aflahrota í kringum páskana
5) frægur íslendingur deyr á fyrra hluta ársins
6) óvæntir atburðir varðandi forsetaembættið
7) frægur Íslendingur deyr á seinnihluta ársins
8) Við borgum ekki - við borgum ekki, landinn snýr vörn í sókn, bruggar á atvinnuleysisbótum, borgar enga skatta, sækir matinn til mæðrastyrks-nefndar og kirkjunnar, fær föt hjá Rauða krossinum og heldur næstu jól hjá Hjálpræðishernum.
9) Vöruverð mun hækka
10) íslenska ríkið yfirtekur allar eignir
11) VG og SF vilja að allir eigi jafn.... lítið
12) lýðurinn krefst byltingar - ...og að stjórnin með Siggu Beinteins og Örvari taki við ... það er skárri stjórn en VG og SF...

Árið 2010 verður næstum fullkomið, það snjóar eitthvað á veturmánuðum, einhver sól í sumar, rigning á köflum og í grennd... en við munum hafa nægan tíma til að sinna okkar áhugamálum, enda atvinnulaus og með heimilisiðnað sniðinn að skattleysismörkum og einkaþörfum :D

Brosum - það er ekki hægt að biðja um meira :)