Allir vilja borða brauðið...

Við þekkjum öll söguna um litlu gulu hænuna sem bað alla að hjálpa sér við baksturinn en fékk enga hjálp. Þegar brauðið var tilbúið vildu allir borða brauðið. Þannig er ríkisstjórnin núna. Þau nenntu varla að vera við umræður í þinginu, ekkert komst að annað en að samþykkja þessa samninga sem hefðu endanlega mokað yfir okkur. Núna er stjórnin á fullu við að eigna sér heiðurinn af því að allar hrakspárnar þeirra rættust ekki.

Bretar beita sér ekki gegn Íslandi

Völvuspá í ölæði

Ég setti völvuspá í ,,ölæði" á facebook síðuna mína... rétt eftir miðnætti á nýjársnótt... huhumm, hafði drukkið 2-3 hvítvínsglös. Völvuspáin var aðeins öðruvísi en sú sem ég setti alsgáð á bloggið um hádegi á nýjársdag. Í fyrsta lið spáði ég að IceSave færi í atkvæðagreiðslu en spárnar eru annars mjög líkar, báðar í 12 liðum og nú er bara að bera saman hvort maður sé sannspárri í ölæði en alsgáður.

Ef ,,ölæðis-"spáin kemur fram... þá er varla annað í stöðunni en að leggja það á sig að fá sér aftur hvítvín um næstu áramót

Stolt af kallinum

Ég sveiflaðist til og frá undir ræðunni... hann ætlar að skrifa undir... nei hann skrifar ekki undir... Þetta var vel gert hjá ÓRG að skrifa ekki undir.
Á sama hátt og ég var stolt af gamla... þá varð ég fyrir vonbrigðum með svo reyndan stjórnmálamann sem Steingrím og réttast að líkja viðbrögðum hans við óþekkan krakka sem fór í fýlu af því að hann fékk ekki það sem hann vildi. Það varðar lífskjör í landinu næsta áratuginn að komast að betra samkomulagi.

Strax eftir ræðuna fór í gang hræðsluáróður til að fá fólk til að samþykkja þjóðaratkvæðagreiðslu um málið... og fannst mér leitt hvað það var áberandi að fréttafólk Rúv sem á að vera hlutlaust var vonsvikið... og er þá spurning hvort fréttir af IceSave málinu hafi ekki verið litaðar af þeirra skoðunum frá upphafi.

Menn töluðu um misskilning erlendra fréttamanna... að við ætluðum að hlaupa frá skuldunum... er það nokkuð skrítið að þeir fái þá hugmynd þegar stjórnin hefur stanslaust klifað á því að ef við samþykktum þetta ekki þá værum við einmitt að gera það.

Staðfestir ekki Icesave-lög

Fékk þetta frá Natalie

Óskir mínar til þín á árinu 2010:
Megi friður brjótast inn á heimili þitt og þjófar stela skuldum þínum.
Megi seðlaveski þitt verða segull á fimmþúsundkalla.
Megi ástin loða við andlit þitt eins og vaselín
Megi hlátur ráðast á varir þínar.
Megi hamingjan slá þig utanundir og tár þín vera gleðitár.
Megi vandamál fyrra árs......... gleyma heimilisfanginu þínu.

Settu nú þjóðina framar en gamla flokkinn...

Vona að það þýði að hann neiti að skrifa undir :)

Vilji þjóðarinnar hornsteinninn

Völvuspá fyrir 2010

1) 50% líkur á að I-Save frumvarpið fari í þjóðaratkvæðagreiðslu
2) það verða miklar sviptingar í íslenskum stjórnmálum, afsagnir ráðherra
3) það verða jarðhræringar á Heklusvæðinu
4) það kemur aflahrota í kringum páskana
5) frægur íslendingur deyr á fyrra hluta ársins
6) óvæntir atburðir varðandi forsetaembættið
7) frægur Íslendingur deyr á seinnihluta ársins
8) Við borgum ekki - við borgum ekki, landinn snýr vörn í sókn, bruggar á atvinnuleysisbótum, borgar enga skatta, sækir matinn til mæðrastyrks-nefndar og kirkjunnar, fær föt hjá Rauða krossinum og heldur næstu jól hjá Hjálpræðishernum.
9) Vöruverð mun hækka
10) íslenska ríkið yfirtekur allar eignir
11) VG og SF vilja að allir eigi jafn.... lítið
12) lýðurinn krefst byltingar - ...og að stjórnin með Siggu Beinteins og Örvari taki við ... það er skárri stjórn en VG og SF...

Árið 2010 verður næstum fullkomið, það snjóar eitthvað á veturmánuðum, einhver sól í sumar, rigning á köflum og í grennd... en við munum hafa nægan tíma til að sinna okkar áhugamálum, enda atvinnulaus og með heimilisiðnað sniðinn að skattleysismörkum og einkaþörfum :D

Brosum - það er ekki hægt að biðja um meira :)

Gleðilegt ár 2010

Elsku vinir og allir þeir sem hafa haft fyrir því að kíkja inn á síðuna mína og jafnvel sagt sína skoðun.

Gleðilegt ár til ykkar allra og þakka ykkur fyrir athugasemdirnar. 
Maðurinn þroskast og verður víðsýnni í skoðanaskiptum við aðra hvort sem þeir eru á sama máli eða hafa þveröfugt álit. Það eru alltaf margar hliðar á öllum málum.

Eigið góð og slysalaus áramót og megi ykkur ganga allt í haginn á nýju ári og þið blessun hljóta.

Nú kemur það í ljós

Nú kemur í ljós hvort maður sem hefur verið í pólitík getur verið ópólitískur. 70% þjóðarinnar er á móti samþykktinni. Ef Sjálfstæðiflokkurinn hefði marið samþykktina í gegn þá væri ekki spurning... ÓRG myndi ákveða þjóðaratkvæðagreiðslu. En af því að ÓRG er VG-maður þá er ég viss um að hann skrifar undir.

Forseti tekur sér frest

Örlagastund - vona að það verði fellt

Það er ekki eins og það þýði að við ætlum ekki að borga, málið er að þessir menn sem áttu að semja fyrir OKKUR, með OKKAR hagsmuni í huga, virðast hafa gleymt hvað þeir áttu að gera. Alltaf er eitthvað nýtt að koma fram... það var hægt að semja betur - allir aðrir hafa t.d. fengið lægri vexti. Ef lægri vextir væri það eina sem hægt væri að fá fram - þá er mikið unnið. 

Ef stjórnin fellur við þetta þá er það eina rétta að koma á þjóðstjórn... ekkert flokkavesen.

Icesave-umræðu lýkur í kvöld

Vökulög á alþingi...

Hvernig er þetta með alþingismenn... gilda ekki vökulög yfir þá eins og aðrar starfsgreinar í landinu. Þeir sem fylgjast með útsendingu frá alþingi geta verið fullvissir að Jóhanna fær sinn 12 tíma svefn, hún sest ekki í stólinn sinn nema þegar greiða þarf atkvæði.
Vökulög voru sett til að menn ofkeyrðu sig ekki á vinnu og héldu skerpu og athygli í lagi. Það þurfa alþingismenn einmitt að gera í Icesave-umræðunum.

Manni léttir að þetta sé ,,fjölskylduvænt" þing... Hvernig væri það annars? Ég vona bara að stjórnarandstaðan haldi út og þetta I-save Steingríms og Jóhönnu verði ekki samþykkt og reynt verði að gera US-save eins og hægt er.

Þingfundi frestað til 12

Fékk þetta hjá Hörpu

Nú bráðum er þetta ár á enda
svo vináttu engill vil ég senda
hann fyrirgefur og friðsemd bætir
hressir þig við og hjartað kætir
eflir þig fyrir nýja árið
knúsar þig og þurrkar tárið
áhyggjum í ruslið hendir
erfiðleika til baka sendir
hann sendir bæði blessun og hlýju
þitt ljós mun lýsa á ári nýju
sendu hann til allra átta
áður en þú ferð að hátta.

Við hvað eru fólk hrætt?

Það heyrist alltaf hæst í þeim sem mótmæla og eru ósáttir. Það er eðlilegt því þeir sem eru sáttir þurfa ekki að kvarta... við erum yfirleitt löt við að hrósa og láta vita af því sem okkur líkar vel við. Þeir sem eru kristnir eru orðnir alltof umburðarlyndir gagnvart öðrum trúarhópum og trúlausum.

Ég held að kristið fólk verði að fara að spyrna við fótum... og krefjast þess að börnin þeirra fái sína ,,trúarfræðslu" eins og áður...
Það er ekki eins og það eigi sér stað einhver heilaþvottur og maður spyr sig, við hvað er þetta trúlausa fólk hrætt??? Er það hrætt við að börnin þeirra kjósi að trúa á Jesú... er þeim þess vegna svo umhugað um að börnin þeirra heyri ekki boðskapinn... þetta heitir að taka valið frá börnunum sínum. Kristni er ríkistrú hér en hér er ekki skipulagður átrúnaður með kröfu um fylgni... okkar er valið en... Kristur var sannspár hvernig málin myndu þróast.

Lúk 18:8 Ég segi yður: Hann mun skjótt rétta hlut þeirra. En mun Mannssonurinn finna trúna á jörðu, þegar hann kemur?

Má bara rifja upp sögu Jesú og Maríu í kirkjum?

Jólakveðja

Sendi ættingjum og vinum nær og fjær óskir um
Gleðileg jól og farsælt komandi ár.
Þakka liðið ár og bíð spennt eftir næsta...

Skrár tengdar þessari bloggfærslu:

• Jólakveðja 2009

Sýnum Hrafnkeli stuðning...

Ekki það að Guð viti ekki við hvern er átt þegar bænir eru beðnar, en er samt ekki skemmtilegra að beygja nafn mannsins rétt og segja að við sýnum Hrafnkeli stuðning og að við óskum Hrafnkeli alls hins besta. Hann heitir Hrafnkell en ekki Hrafnkétill.

FH-ingar senda Hrafnkatli styrk í Kaplakrika í kvöld

Hvaða máli skiptir þetta

Hvaða máli skipta mannasetningar... allt kaþólska veldið horfir framhjá þeim eina sem frelsar, Jesú Kristi. Dýrðlingar eða ekki, það er engin frelsun í gegnum þá. Það sem ég skil ekki er afskiptasemi gyðinga... ekki veit ég til þess að þeir játi kristna trú eða nokkuð sem við henni kemur. Enginn getur bæði verið gyðingur og kristinn. Að vera gyðingur er að aðhyllast vissan lífstíl, nokkuð sem er ekki innan ramma vissra landamæra - það varðar trú.

Kristin trú og Gyðingdómur er sinn hvor átrúnaðurinn... og er EKKI blandað saman. Þeir sem aðhyllast kristna trú en horfa sífellt framhjá Kristi inn í gyðingdóminn, gera það sama og kaþólikkar - sem horfa framhjá Kristi á dýrðlingana sína.

Páfar í dýrlingatölu