Maðurinn sá um myndarskapinn en ég um almannatengsl

Maðurinn var heima í dag, málaði herbergið en ég fór með Hörpu og strákunum á Helgafell eh... það rigndi fh.
Vinkona Hörpu og nágranni kom líka með og sonur hennar Björgvin sem er á svipuðum aldri og Gabríel... og hann varð HETJA í fyrsta sinn. Strákarnir hennar Hörpu voru allir með ,,reynslu"... höfðu klifið Helgafell áður.
Tvær tíkur voru með í för... Míla og Penný

Harpa var sú eina með myndavél og tók þessa mynd af mér og hetjunum mínum... en ég fékk myndina ,,lánaða"  hjá henni á facebook.

Mikið að gera...

"Við"... það þýðir að maðurinn er eiginlega einn að mála herbergið sem Svavar var í, það er alltaf heljar mál/röskun að tæma herbergi... og Svavar átti enn fullt af dóti í því, dót sem þurfti að fá stað inni hjá honum.

Maðurinn málaði loftið (áður en ég vaknaði) ég gerði ekki neitt, fór svo út að hlaupa og svo var sólin freistandi... Það væri frábært ef það yrði svona gott veður alla helgina  

Amma stendur sig ekki !

Hvað er að gerast... ég stend mig ekki..
Ég er vön að setja amk afmælisóskir til barnabarnanna hérna á síðuna.

Ég hafði svo mikið að gera í gær við að ná í skottið á Adam Degi afmælisbarni gærdagsins... að ég gleymdi alveg að blogga...

  Innilega til hamingju með 10 ára afmælið hetju-strákur...

Meðfylgjandi er mynd af honum á Helgafelli, en Adam hefur klifið það nokkru sinnum og einu sinni haldið upp á afmælið sitt á toppnum.