Raddir mótmælenda ekki þjóðarinnar...

Það má dást að þrautseigju mótmælenda... að mæta í hvaða veðri sem er til að standa með búsáhöldin fyrir utan Alþingishúsið. Þetta fólk mætir bara fyrir sjálft sig... enginn getur mætt í nafni annars. Það getur kallað sig Raddir fólksins en þau eru bara raddir þeirra sem mæta.

Það er misjafnt hvað forkólfarnir draga inn í umræðuna og ætla að fá athygli út á... Herði Torfa fannst t.d. að Geir Haarde ætti ekki að draga veikindi sín fram á þessum tíma... en hann sagði ekkert þegar kynhneigð Jóhönnu var dregin fram í dagsljósið.  Það er ekki sama hver er... allir í kosningabaráttu, verið að veiða atkvæði hjá samkynhneigðum.

Raddir fólksins funduðu með forsætisráðherra

Athugasemdir

[FLÓTTAMAÐURINN, 14.2.2009 kl. 01:25]

Bryndís: Ég verð að fá að leiðrétta þig aðeins, það hafa fjölmargir sem ekki hafa séð sér fært að mæta á mótmæli sagt við mig að ég sé með þeirra umboð á staðnum.

[Axel (IP-tala skráð) 14.2.2009 kl. 01:44]

Flóttamaður, það eru líka mjög margir af þeim sem mæta niður á austurvöll, í leit að spennu og sjá hvað er í gangi.

[HG (IP-tala skráð) 14.2.2009 kl. 02:45]

Raddir fólksins og þeirra kröfur endurspegla ca.70% þjóðarinnar.

Punktur

[Ari (IP-tala skráð) 14.2.2009 kl. 14:09]

Smá til í þessu. Auðvitað geta þau ekki talað f. alla þó margir kunna að vera sammála þeim.

En kommonn þessi þjóðar umræða er komið út í rugl. Þurfa 300.000 manns að mæta niðrí miðborg R.víkur til að það sé gilt sem þjóðin. Auðvitað eru mótmælendur þjóðin. Hvað eru þeir annað. Líka meðmælendur. Þú ert þjóðin. Ég er þjóðin. Allir sem hafa skoðanir hérna, hvernig sem þær kunna að vera, eru þjóðin. Það að allir verði að vera sammála um eitthvað, sé skilyrði þess að hægt sé að tala um "þjóðina", er skilgreining sem gengur ekki upp enda er ekki til þjóð sem er alltaf sammála.

[Alma Jenny Guðmundsdóttir, 14.2.2009 kl. 15:07]

Bryndís - held að þú málir nú ...... skrattann á vegginn.  Krabbamein veldur fötlun á starfsorku og lífsorku - sem sagt dregur úr fólki allan mátt.  Það virtist vera sem svo á sínum tíma þegar Geir tilkynnti um veikindi sín, að allt ætti að stoppa á því.  Þjóðin hafði beðið eftir sérstökum fundi um Evrópumálin - en allt í einu var ekki talað um það né heldur skipti það máli.  Það var spurning sem hafði hvílt á þjóðinni frá falli og gat aldrei staðið og fallið með heilsufari eins manns.

Það að vera samkynhneigður telst ekki til fötlunar.

Gæti munurinn verið fólginn í þessu?

[Jón Valur Jensson, 14.2.2009 kl. 17:05]

Það er til lítils að veiða atkvæði hjá samkynhneigðum, Bryndís – þeir eru svo fáir, ná ekki helmingnum og kannski ekki nema fjórðungi af því 5% lágmarki sem þarf til að fá uppbótarmann á þing. Sjá greinina Hversu algeng er samkynhneigð á Íslandi? og ekki síður þessa grein: Tekur Framsókn mið af kristnu siðferði eða ímynduðum fjölda samkynhneigðra? – Með góðri kveðju,

[Bryndís Svavarsdóttir, 14.2.2009 kl. 18:11]

Sæl öll,
Ég er ekki á þeirri skoðun að ein manneskja sé þjóðin. Sá maður sem hefur verið hvað ötulastur við mótmæli á ÍSLANDI er Helgi Hóseason... samkvæmt skilgreiningunni hér að framan er hann þjóðin.
Það er allt of mikið um alhæfingar hér, þeir sem mæta geta verið þverskurður af ákveðinni prósentu þjóðarinnar en aldrei þjóðarinnar allrar.
Í sambandi við veikindi Geirs, þá taldi Hörður hann vera í atkvæða-veiðum en ekki að Geir hefði ekki starfsorku... þess vegna setti ég þögn Harðar í sambandi samkynhneigð Jóhönnu í samband við atkvæðaveiðar.