,,þjóðin" er þá alltaf að minnka!

Menn mótmæla fyrir framan Alþingishúsið, enda í fullum rétti til þess. Fyrirsögn fréttar Mbl.is er ,,Þjóðin var í Alþingisgarðinum"... Þjóðin er nú orðin heldur fámenn ef hún kemst fyrir í Alþingisgarðinum. Fyrirsagnir fjölmiðla eru ekki alltaf sannleikanum samkvæmar.

Auðvitað á ekki að eyða dýrmætum tíma í umræðu um bjórsölu í matvörubúðum - raunar ætti bara að loka Ríkinu og hætta að selja tóbak...
Menn heimta kosningar... en hvern ætla menn að kjósa ef gengið væri til kosninga NÚNA?  það væru sömu andlitin í framboði.
Sjálfstæðisflokkur, Samfylking,  Framsókn = sami grautur í sömu skál og enginn flokkur getur unnið með Vinstri grænum...

Því miður verður að bíta í það súra og bíða betri tíma með kosningar.

Þjóðin var í Alþingisgarðinum

Athugasemdir

[Baldvin Jónsson, 20.1.2009 kl. 19:30]

Krafan er ekki á kosningar núna Bryndís, krafan er á kosningar í vor. Stígi hins vegar ríkisstjórnin frá núna er fjöldinn allur til af mjög hæfu sérfræðingum hér heima og erlendis sem eru tilbúnir til þess að starfa í neyðarstjórn fram að næstu kosningum.

Við höfum ekki efni á því að hafa þessa algerlega vanhæfu ríkisstjórn með frestunaráráttu við stjórn lengur!

[Bryndís Svavarsdóttir, 20.1.2009 kl. 19:51]

Sæll Baldvin,
Vor... það er ekki langur tími. 
Eru þessir sérfræðingar ekki í fullu starfi fyrir?  Ástandið er mjög viðkvæmt... höfum við tíma í þessari ,,strax-áráttu" að bíða eftir að nýir menn komi sér inn í málin?
En ég er sammála þér - það er erfitt að bíða eftir virkni þeirra aðgerða sem þó hafa verið framkvæmdar, vitandi það að ástandið mun samt sem áður versna og á meðan hlaðast upp skuldir fólks og atvinnuleysi og vonleysi eykst.

[Baldvin Jónsson, 20.1.2009 kl. 19:59]

Það eru þegar byrjuð að byggja upp ný öfl sem verða vafalaust tilbúin þegar vorar. Við þolum ekki við lengur, óbreytt ástand þýðir aðeins almennan landflótta.

Skoðaðu vefinn okkar http://lydveldisbyltingin.is

Þar fer nú fram frjó hugmyndavinna fyrir endurheimt lýðræðisins.

[Bryndís Svavarsdóttir, 21.1.2009 kl. 02:30]

Sæll Baldvin,
Ég kíkti á síðuna, finnst margt gott af þessu, ég hef t.d. lengi viljað kjósa nöfn en ekki flokk... en það býður kannski bara upp á enn meiri spillingu... farið að versla með atkvæðin.
Það eru gallar á öllum kerfum
Eitt hefur mér alltaf fundist undarlegt, maður kýs flokk sem fær sæti á þingi... þingmaður flokksins verður fúll og skiptir um flokk... og fer með atkvæðið mitt... samt kaus ég flokkinn en ekki þingmanninn