Eru kristnir verri en aðrir?

Presturinn minn sagði einu sinni við mig eitthvað á þessa leið : Ég vil bara segja þér það strax, að þú átt eftir að verða fyrir mestum vonbrigðum með kristna fólkið."
Mér fannst þetta mjög undarleg athugasemd og vissi eiginlega ekki á hvaða hátt vonbrigðin yrðu.

En mikið rétt... með tímanum komu vonbrigðin fram... ekki vegna þess að kristið fólk sé verra en annað fólk - heldur vegna þess, að vegna trúarinnar ætlast maður til þess að það sé betra en annað fólk.

Sannleikurinn er hins vegar sá að það eina sem kristnir hafa fram yfir trúlausa og vantrúaða er JESÚS. Að öðru leyti erum við eins. Trúlausir eða fólk annarrar trúar en kristni geta borið miklu meiri kærleika í hjarta sér en maður sem segist vera kristinn.  Og oft finnst mér þeir sem segjast vera trúlausir, vera umburðarlyndastir...  en það eru öfgar á báðum endum... þar sem menn dæma aðra hart, bæði trúaðir og vantrúaðir.

Kristin trú er persónulegt samband við Guð en ekki við trúarleiðtogann eða spámanninn!
Margir trúarleiðtogar eru einungis að skýla sér bak við trú en allur þeirra tilgangur er að nota sér trúgirni annarra í ábataskyni.  Síðan er öll trúarhreyfingin dæmd vegna þessa.
Þetta á ekki bara við kristni, fjöldi trúarhreyfinga um allan heim hafa átt slíka leiðtoga.

Athugasemdir

[Bryndís Svavarsdóttir, 2.10.2008 kl. 00:48]

þessi færsla var til vegna athugasemdar sem ég skrifaði við ,,Hóruhúskirkju" Doktor E... þar sem hann segir ,,Það má nefnilega finna réttlætingu fyrir öllum fjandanum í biblíunni"

því var ég alls ekki sammála... maðurinn geri flest allt í nafni sjálfs síns en oft undir merkjum trúar...  og læt því athugasemdina fylgja, eins og hún birtist á síðu hans.
          ------------------------------------------------------------- 

Maðurinn er alltaf samur við sig... gerir allt í nafni trúar til að ota eiginhagsmunum áfram, en er langt frá Guði. Það þarf ekki háskólapróf til að sjá að enginn gerir neitt nema það hagnist honum sjálfum... amk á endanum.
Ef maður er heiðarlegur, sanngjarn og hjálpsamur er hann það fyrir sjálfan sig og eins ef hann er óheiðarlegur, ósanngjarn og óhjálplegur... ef það hentar betur þá stundina.

Biblían er saga óhlýðinnar þjóðar... þjóðar sem vissi afleiðingar óhlýðni og óráðsíu jafnt og við... og varð að súpa seyðið af því.... eins og við í dag.

Það segir í Prédikaranum ... ekkert er nýtt undir sólinni... það sem hefur gerst áður -getur gerst aftur... þannig er heimurinn - þess vegna lýsir Biblían því hvernig heimurinn er.

Kirkjusagan út í gegn er valdabarátta manna í eiginhagsmunaskyni... en í nafni trúar. Menn fela sig á bak við trú í stað þess að fela sig trúnni.

Guðfræðin er gagnrýnin - það sýna allar þessar stefnur sem hafa verið áhrifavaldar í tímans rás. En þar nær eiginhagsmunastefnan líka völdum. Þar taka menn það sem hentar og sleppa öðru. Ólíkir trúflokkar gagnrýna hver annan á túlkun biblíuversa - allir telja sig túlka rétt - hver og einn er alltaf að velja það sem honum hentar hverju sinni.

Nákvæmlega það sama er upp á teningnum hjá þeim sem aðhyllast vísindin... þeir velja og hafna því sem hentar í þeirra rökræðum... þegar öllu er á botninn hvolft... er JESÚS það eina sem aðskilur trúleysingja og trúaða... að öðru leyti erum við öll eins.