Nauðung?

Það er þá alla vega á hreinu að danskar konur stunda vændi af fúsum og frjálsum vilja.

Frítt kynlíf fyrir ráðstefnugesti er svipað tilboð og hjá dagblöðum og tímaritum hér á landi...  frí áskrift fyrsta mánuðinn...

Danskar vændiskonur bjóða ókeypis þjónustu

Vika eftir af skólanum :)

Hvílíkt hvað þetta er fljótt að líða áður en maður veit af verður komið nýtt ár 2010...

Þessi vika verður verkefna- og ritgerðar-skilavika hjá mér. Ég er að klára ritgerð í kirkjufræði/trúfræði   ... enginn smá léttir að vera að skila henni og þá verður 1 verkefni eftir hjá mér.

Mér hefur tekist að lesa námsefnið jafnóðum... komið lesin í alla tíma... nema þegar bóksalan hafði klikkað og bækurnar voru ekki til... en það er bara frábært að vera búin að lesa allt.  

2012

Sá myndina í kvöld, fannst hún löng... en datt samt ekki í hug að hún væri 3 tímar. Brellurnar voru raunverulegar, einmitt eins og manni gæti dottið í hug að náttúruhamfarir að þessari stærðargráðu gætu orðið.
Það var nokkuð um biblíulegar hliðstæður s.s. sonur aðalpersónunnar hét Nói. Þá myndi það lýsa guðleysi heimsins að menn horfðu fremur til spádóma austrænna trúarbragða, þó menn hefðu frasa eins og ,,Jesús Kristur" á takteinum. 

Ríkisstjórnir heimsins létu byggja 7 stk arkir til að komast af í fljóðbylgjum jarðskjálftanna, flóðið náði til hæstu fjalla jarðarinnar, og þeir tóku með sér dýrategundir, fíla, gíraffa. ljón og fl.

Stærð og lögun arkanna, risastórar og yfirbyggðar, svipar til lýsingar Biblíunnar. Í lok myndarinnar sáust 3 arkir sigla saman inn í nýtt tímaskeið sem byrjaði á ártalinu 1.
Bæði 7 og 3 eru táknrænar tölur, sjö vísar til hins óendanlega (7 dagar í viku) og þrír tákna hinn þrí-eina Guð - heilaga þrenningu, sem kristnir trúa að muni stjórna frá Dómsdegi, þegar hin nýja Jerúsalem kemur niður af himni eins og Opinberunarbók Jóhannesar segir.

Ritgerðin búin :O)

Það er engin smá hamingja á ferð... :O) búin með fyrstu ritgerðina.

Jesaja 43:8-11. ritgerðin mátti vera ca 16 bls en ég svindlaði aðeins hún var 19 bls. En hann Gunnlaugur er svo umburðarlyndur að hann mun ekki röfla neitt yfir því.

Áður en ég byrja á næstu ritgerð ætla ég að taka smá aukaverkefni í Trúarlífssálarfræði...

Bannið búrkur

Ég held að fólk átti sig ekki á hvað það er hættulegt að leyfa fólki að ganga í svona ,,tjöldum" á almannafæri. Við lifum á tímum hryðjuverka... Ég vona að þeir banni þessar búrkur, það er hægt að fela allt undir þessu - meira segja menn með hríðskotabyssur.

Meirihluti Dana vill búrkurnar burt

Misræmi guðspjalla... Mark 6:8-11

Mark 6:8 Hann bauð þeim að taka ekkert til ferðarinnar annað en staf, ekki brauð, mal né peninga í belti.
-9- Þeir skyldu hafa skó á fótum, en ekki tvo kyrtla.
-10- Og hann sagði við þá: Hvar sem þér fáið inni, þar sé aðsetur yðar, uns þér leggið upp að nýju.
-11- En hvar sem ekki er tekið við yður né á yður hlýtt, þaðan skuluð þér fara og hrista dustið af fótum yðar þeim til vitnisburðar.

Jesús sendi lærisveinana út tvo og tvo saman. Mark og Matt ber ekki saman í frásögnum sínum þó frásagnirnar eigi mjög líklega af sama atviki.
Í Matt 10:1-10 og Lúk 9:1-5, fá lærisveinarnir ekki aðeins vald til að reka út óhreina anda heldur fá þeir einnig vald til að lækna. Þá segir í Matt 10:10 ...að þeir eigi ekki að taka neitt með sér... ,,eigi mal til ferðar eða tvo kyrtla og hvorki skó né staf." og Lúk 9:3 segir ,,og sagði við þá: Takið ekkert til ferðarinnar, hvorki staf né mal, brauð né silfur, og enginn hafi tvo kyrtla."

Hann gaf þeim vald... Mark 6:7

-7- Og hann kallaði þá tólf til sín, tók að senda þá út, tvo og tvo, og gaf þeim vald yfir óhreinum öndum.

Í annað sinn segir Markús að Jesús kalli þá tólf til sín og hann gefi þeim vald yfir óhreinum öndum... aðeins yfir óhreinum öndum. Fyrri frásögnin er í 3:14-15.

Margar frásagnir eru af því er Jesús rekur út óhreina anda. Vandamálið hefur verið stórt fyrst það er fyrsta og eina valdið sem postularnir fengu í byrjun.
Maðurinn í gröfunum (5:2-9) hafði marga illa anda og var komið fyrir utan borgarinnar en fyrsti maðurinn sem Jesús rak illan anda úr í Markúsi, var í samkunduhúsi gyðinga (1:23).

Jesús notaði samlíkingu við hreingerningu á húsi og útrekstur illra anda er hann sagði að eftir að illur andi hefði verið rekinn út, húsið hefði verið sópað og prýtt og tómt, þyrfti að fylla það með góðu svo hið illa gæti ekki snúið aftur og hertekið húsið (Matt 12:43-45, Lúk 11:24-26).

Hvergi minna metinn... Mark 6:1-4

-1- Þaðan fór Jesús og kom í ættborg sína, og lærisveinar hans fylgdu honum.
-2- Þegar hvíldardagur var kominn, tók hann að kenna í samkundunni, og þeir mörgu, sem á hlýddu, undruðust stórum. Þeir sögðu: Hvaðan kemur honum þetta? Hver er sú speki, sem honum er gefin, og þau kraftaverk, sem gjörast fyrir hendur hans?
-3- Er þetta ekki smiðurinn, sonur Maríu, bróðir þeirra Jakobs, Jóse, Júdasar og Símonar? Og eru ekki systur hans hér hjá oss? Og þeir hneyksluðust á honum.
-4- Þá sagði Jesús: Hvergi er spámaður minna metinn en í landi sínu, með frændum og heimamönnum.

,,Er þetta ekki smiðurinn, sonur Maríu"... fólk er oftar kennt við föðurinn en móðurina. Kannski var Jósef dáinn... eða í þessu felist viðurkenning á að Jesús er sonur Guðs.
Sjálfri finnst mér ólíklegt að María hafi lagt til erfðaefni í getnaðinn og í rauninni er það vantraust á Guð að telja að Guð hafi ekki getað lagt allt til sem þurfti. Það nægði að María skildi ganga með barnið.
Í annan stað... er það ólíklegt, því þá hefði Jesús átt hálfsystkini.

Jesús sagði að ,,hvergi væri spámaður minna metinn en af þeim sem þekktu hann" og gestaprédikarar og útlendingingar hafa oft meira aðdráttarafl en prestur safnaðarins. Sennilega er þeim sýnt meira umburðarlyndi, þar sem fólk þekkir þá ekki fyrir.

Trú þú aðeins... Mark 5:25-34

-25- Þar var kona, sem hafði haft blóðlát í tólf ár.
-26- Hún hafði orðið margt að þola hjá mörgum læknum, kostað til aleigu sinni, en engan bata fengið, öllu heldur versnað.
-27- Hún heyrði um Jesú og kom nú í mannþrönginni að baki honum og snart klæði hans.
-28- Hún hugsaði: Ef ég fæ aðeins snert klæði hans, mun ég heil verða.
-29- Jafnskjótt þvarr blóðlát hennar, og hún fann það á sér, að hún var heil af meini sínu.
-30- Jesús fann þegar á sjálfum sér, að kraftur hafði farið út frá honum, og hann sneri sér við í mannþrönginni og sagði: Hver snart klæði mín?
-31- Lærisveinar hans sögðu við hann: Þú sérð, að mannfjöldinn þrengir að þér, og spyrð þó: Hver snart mig?
-32- Hann litaðist um til að sjá, hver þetta hefði gjört,
-33- en konan, sem vissi, hvað fram við sig hafði farið, kom hrædd og skjálfandi, féll til fóta honum og sagði honum allan sannleikann.
-34- Jesús sagði við hana: Dóttir, trú þín hefur bjargað þér. Far þú í friði, og ver heil meina þinna.

Lög Móse kveða á um að kona með blóðlát, var nánast útskúfuð úr þjóðfélaginu, hún mátti ekkert snerta og enginn mátti snerta það sem hún snerti...
Hún heyrði af Jesú... að snerta hann var brot á hreinleikalögum gyðinga og brotið átti að gera hann óhreinan í 1 dag... En Jesús hélt áfram sínum daglegu gjörðum...
Á þessu sjáum við að brot á lögum Móse voru ekki synd því Jesús var syndlaus, enda segir Guð á mörgum stöðum í ritningunni að synd er brot gegn honum þ.e. vantrú og dýrkun á öðrum guðum.

Konan með blóðlátin þurfti ekki að hrópa upp trú sína... hún hugsaði aðeins ef ég gæti snert klæði hans... hugsunin nægði. Trúin var síðan sýnd í verki með því að snerta klæði hans. Trúin bjargaði henni og trúin bjargar okkur líka.

Tákn fyrir gyðing... Mark 5:22

-22- Þar kom og einn af samkundustjórunum [gyðinga], Jaírus að nafni, og er hann sá Jesú, féll hann til fóta honum,
-23- bað hann ákaft og sagði: Dóttir mín litla er að dauða komin. Kom og legg hendur yfir hana, að hún læknist og lifi.
-24- Jesús fór með honum. Og mikill mannfjöldi fylgdi honum, og var þröng um hann.

-35- Meðan hann var að segja þetta, koma menn heiman frá samkundustjóranum og segja: Dóttir þín er látin, hví ómakar þú meistarann lengur?
-36- Jesús heyrði, hvað þeir sögðu, en gaf ekki um, heldur sagði við samkundustjórann: Óttast ekki, trú þú aðeins.

Trú er allt sem þarf en óttinn og efinn banka stanslaust á huga okkar. Jesús sagði:,,Ef þér hefðuð trú eins og mustarðskorn" (Lúk 17:6) þá væru okkur allir vegir færir. En við erum trúlítil hversu erfitt sem það er að viðurkenna það.

-43- En hann [Jesús] lagði ríkt á við þá [heimilisfólk samkundustjórans] að láta engan vita þetta... 

Maðurinn [sennilega heiðingi] með óhreina andann í sögunni á undan átti að segja öllum frá en heimilisfólk samkundustjórnans átti að þegja yfir kraftaverkinu.
Sem samkundustjóri gyðinga gat maðurinn í þessari sögu ekki þagað - hann varð að fórna til Guðs fyrir blessun sína, og hann hafði heimilifólk sitt til vitnis um kraftaverkið. Presturinn sem myndi sjá um fórnina hefði þurft að viðurkenna að kraftaverkið væri blessun Guðs og um leið hefði hann viðurkennt að Jesús væri með kraft frá Guði.
Fræðimenn og farisear þurftu að samþykkja Jesús því fólkið hlýddi prestunum... en það var yfirstétt gyðinga sem hafnaði Jesú og af ótta við yfirstéttina höfnuðu flestir gyðinganna honum líka.