Keflavík - Denver CO

Við lentum í Denver eftir 7 tíma og 35 mín flug. Denver er ekki skemmtilegur flugvöllur, það er hrikalega langt í útlendinga-eftirlitið og þar eru raðir af fólki úr mörgum flugvélum og alltaf löng bið.

Það versta var að í röðinni fengum við að vita að vegur 25 norður til Wyoming var í sundur vegna flóða. Við vorum með gamalt kort af fylkinu og áætluðum þá að fara 76 vestur en það svæði var allt á floti. Við og þúsundir annarra voru föst og fyrsta hótelið okkar var í Cheyenne WY.

Það var ekkert annað að gera en að keyra á milli hótela og reyna að fá gistinu. Mörg þeirra voru þegar full enda klukkan orðin 10 pm á þeirra tíma... en við fengum loks svítu á Led Lion...

Eins og útlitið er, þá lítur út fyrir margra daga töf áður en það verður gert við vegina... þá höfum við verið að fylgjast með fréttum og sýnist að það rigni enn fyrir norðan þangað sem við ætlum að fara og þá er spurning hvort hlaupunum verði aflýst.

Við höfum leitað leiða til að komast áfram og vorum að frétta af krókaleið kringum flóðasvæðið. Ef það tekst þá keyrum við yfir 400 mílur í dag. 

Red Lion Hotels 

7010 Tower Rd, Denver, CO ‎

[phone]  

Götusýning 2013

Sumarið sem rataði ekki til okkar.

Sumarið hefur í sjálfu sér verið ágætt - þ.e.a.s. maður verður að gera gott úr því, ekki ræður mannlegur máttur við veðrið. 

Við systurnar höfum verið í ratleiknum og svo fórum við Matthías saman í ratleikinn þannig að hann hefur fundið 18 spjöld og hefur titilinn Göngugarpur. Við gerðum síðan videó og settum á Youtube.com.

 

 3:14

Matthías Daði í Ratleik 2013

Það var rosa gaman hjá okkur en við reyndum að nota góða veðrið þegar það gafst.  

Arionbanki er núna með Götusýningu í Reykjavík. Um 600 listamenn fengu hver eina mynd setta upp og ég fékk að vera með.
Ég tók mynd af prjónaðri dúkku og myndaði hana fyrir framan eitt af málverkunum mínum... þannig að ég sló eiginlega 2 flugur í einu höggi.  

Myndin er í Arionbanka við Hlemm.

Sumarfrí :)

Lokahátíð æskulýðsstarfs Ástjarnarkirkju var 12.maí en ég ákvað að vera með starf út maí. Kirkjuprakkararnir fóru í hetju-ferð á Helgafell 28.maí og Þristurinn fór í Paintball síðasta þriðjudag, 11.júní. 

Nú má sumarið koma - takk fyrir. Nú er kominn tími til að undirbúa sig fyrir haustmaraþonin. Ég hef ekki planað ferð til USA í sumar, á ekki ferð fyrr en um miðjan sept. 

Mig langar að fara í nokkrar göngur, hjóla, hlaupa og taka ratleikinn. Þú er bara að biðja Almættið um gott veður í sumar.

Komin heim í rokið og kuldann...

Komum snemma til Boston og borðuðum á Old Country Buffetinu okkar í Meadow Glen Mall. Þar var löng biðröð inn enda er hátíðarhelgi - Memorial Day. Við erum búin að versla svo það var ekki eftir neinu að bíða, bara skila bílnum og koma sér á völlinn.

Við vorum mætt mjög snemma út á völl - eigum flug 21:30, en það er líka ágætt að vera ekki í þyngstu umferðinni. Við gerðum ráð fyrir að þurfa að vigta töskurnar og færa á milli... 

Biðin eftir fluginu var svolítið löng og ég varð sífellt syfjaðri... þegar við komum inn í vélina og ég var búin að athuga hvort það væri einhver ný bíómynd (NEI) þá ákvað ég að reyna að sofa á leiðinni heim. það gekk brösuglega því við vorum aftasta sæti fyrir framan neyðarútgang og ekki hægt að halla sætunum aftur.

Mamma og pabbi sóttu okkur út á völl - og við yfir-fylltum bílinn þeirra af dótinu... svo þegar maður kemur heim þá eru þetta mest umbúðir.

 

Springfield - Boston MA - Keflavik Ísland

Við fórum í æðislegt moll í gær.
http://www.holyokemall.com/

Þar var allt og allar verslanirnar undir einu þaki, allar sem við gætum hugsað okkur og þurftum að fara í. Við molluðumst hálfan dag og ég fann hluti sem ég hef verið með augun opin fyrir í nokkrum síðustu ferðum.
Eftir mollið borðuðum við og fórum aftur á hótelið og pökkuðum í eina tösku. 

Nú er komið að heimferð. Að baki eru 4 maraþon í 4 fylkjum (VT, NH, RI og MA) keyrsla og ómælt búðarráp.

Við keyrum til Boston þegar ég hef lokað tölvunni og fljúgum heim í kvöld.

Warwick RI - Springfield MA

Comfort Inn í RI var frábært hótel þrátt fyrir netvandamál. Við tékkuðum okkur ekki út fyrr en um kl 10. Leiðin lá norður til Springfield MA.

Þetta var um klukkutíma keyrsla og veðrið var ágætt. Við tékkuðum okkur inn á Travelodge og fórum í garðinn þar sem startið í fyrramálið er... Síðan kíktum við í Walmart og Stop & Shop.

Það hafði rignt þegar við fórum inn að versla en þegar við komum út var skýfall... Við hreinlega syntum út í bíl og eftir götunum heim á hótel... Þetta á eftir að verða eitthvað sögulegt. 

 

TRAVELODGE WEST SPRINGFIELD

437 Riverdale St Bldg. B, 

West Springfield, MA 01089 US 

Phone:  [phone]    Room 107

 

Bennington VT - Nashua NH - Warwick RI

Við keyrðum frá Bennington Vermont til Nashua í New Hamshire og gistum þar á Motel 6. Það var ágætur kostur því mótelið var hálfa mílu frá startinu morguninn eftir... en aftur á móti voru nokkrir ókostir við sexuna, þeir voru að endurnýja og bara herbergi á 2 hæð (mikið dót), maður verður að kaupa netið sérstaklega og við vorum svo seint á ferð að það tók því ekki og svo var ekkert kaffi fyrr en kl 6 am... en þá var maraþonið startað.

Motel 6 - Nashua #1062

2 Progress Avenue
Nashua, NH 3062
[phone]     room 361

Eftir maraþonið (New England Challenge # NH The Granit State, 21.5.2013) keyrðum við til Warwick í Rhode Island. Við verðum hér í 2 nætur og hótelið æðislegt, kostirnir margir, nálægt starti, flottur morgunmatur sem byrjar kl 4:30 því hótelið er svo nálægt flugvellinum.

 

Comfort Inn Airport (RI400)

1940 Post Rd., Warwick, RI, US, 02886

• Phone: [phone]
 room 206

 

Kef - Bos MA - Chicopee MA - Bennington VT

Þetta hljómar lengra en það er í raun og veru... en ég var bara þreytt þegar við komum til Boston í gær, tollaeftirlitið hefur tekið helmingi lengri tíma í síðustu ferðum og það var líka í gær.... og svo tók við tæplega 2ja tíma keyrsla til Chicopee og þá fór ég bara beint í bælið.

 

PLANTATION INN OF NEW ENGLAND,
295 BURNETT ROAD, Chicopee 01020 MA,  Room 142

................................................................................................................... 

Við fengum okkur ekkert heldur lögðum af stað til Bennington, ætluðum að fá okkur góðan morgunmat á leiðinni... en eftir því sem við keyrðum lengur færðumst við aftur í tímann og vorum nánast komin aftur í fornöld þegar við komum að mótelinu í Bennington Vermont !!! 

 

Það leyndi síðan á sér eftir að við opnuðum dyrnar - bara ágætis herbergi. Við fórum á rúntinn til að fá okkur að borða og kíkja á expo-ið en við vorum of snemma. 
Ég mundi ekkert hvernig ég hafði skipulagt þetta, eins gott að safna upplýsingum alltaf og búa jafn óðum til ferðaplan, þegar maður er með margar ferðir í takinu.
Ég hef sett þetta þannig upp að við gistum 2 mílur frá starti og ég tek rútu aftur á startið eftir hlaupið - Bíðarinn verður að bíða á mótelinu meðan ég hleyp ;)

 

WEST ROAD MOTEL
2968 WEST ROAD ROUTE 9, BENNINGTON 05201 VA 

Phone: [phone]     room 104 

við verðum hér 2 nætur :)

 

Tacoma/Seattle - Kefl - heim

Ég tékkaði mig aðeins of snemma út af hótelinu, var komin út í bíl kl 8... það er svo stutt í allt að það tekur engan tíma að komast í búðirnar. Ég endaði á að dingla mér í Sears, Macy´s, Ross og Walmart áður en ég fékk mér að borða á Old Country Buffet.

Flugið var kl 16:30, ég skilaði bílnum eh (hafði bara keyrt fyrir 14 usd), tók rútuna og ég var komin upp í flugstöð 2 tímum áður. Eftir að hafa tékkað mig inn og farið með lestinni í terminalinn kom smá þreyta fram, ekki skrítið því ferðin var stutt og 7 tíma tímamunur.

Flugið heim var 7 klst. vélin lenti um hálf 7 og Bíðari nr 1 beið samviskusamlega eftir mér... munur að hafa einkabílstjóra :)