Allt komið í sinn vana gang

Það er vika síðan ég kom heim... ég hef verið frekar löt, lesið það sem ég hef þurft að lesa, en ég hef hummað af mér þessar ritgerðir og skróp-verkefni sem ég þarf að skila.

Jesaja er nú bara dásamlegur, trúfræðin er allt í lagi en ég hef ekki jafn gaman af trúarlífssálarfræðinni.
Ég hef meiri áhuga á að prjóna og sjónvarpinu heldur en ritgerðarstússi... sem virkar þannig að ég man ekkert hvað ég hef verið að lesa.
Hvað á ég að gera ?

En þessi afmælisbörn fá kveðjur frá mér í nóvember:
Mein Sohn átti afmæli 7.nóv...
Linda á afmæli í dag 10.nóv... Happy birthday, Linda 
Ragnar Rúnar á afmæli 15. nóv...
Bryndís Líf á afmæli 29. nóv... 
Björg vinkona á afmæli 30. nóv...

IN´N´OUT of America

Þetta var söguleg ferð. Í fyrsta lagi varð ég að kíkja á flugmiðann til að vita hvert ég var að fara.
Ég lenti í Boston og hélt áfram ferðinni til N-Carolina daginn eftir. Flugið með Delta til Raleigh var stutt sem betur fer ,,flugan" var svo lítil að flugvélatöskur voru teknar af manni við innganginn, maður þurfti að bakka, með allt niðri um sig inn á klósettið og var í algjöru krumpi þar inni.

Í Raleigh var þægilegt að vera, ekki flókið vegakerfi.. og stutt á hótelið, búðirnar í næstu götu og stutt í hlaupið.

Ég komst að því að þessi ferð var hámarkið í kæruleysi, því ég hafði gleymt að prenta út ferðaáætlunina... langt frá því að ég hafði pantað allt og mundi ekki neitt

Það kórónaði svo vesenið að ég tímdi ekki að borga $8 á dag fyrir netið... enda var ferðin stutt og ég áætlaði að vera sem minnst á hótelinu. Eins og venjulega er Best Buy besti kosturinn til að komast á netið, senda sms á ja.is, blogga og fl, en þar er ekki hægt að senda email. Þar skrifaði ég niður heimilisfangið til að komast í maraþon-expoið.

Ferðin bar nafn með rentu IN´N´OUT of America... enda stysta ferð sem ég hef farið. Maraþonið gekk ágætlega og ég gat verslað eitthvað... svo var ég komin heim áður en ég vissi af.

Keflavík - Boston

Þetta verður sennilega síðasta ferðin til USA á árinu. Flugið var rúmir 5 tímar, en biðin í eftirlitinu og eftir skutlunni var ótrúlega löng. Ég fór í tölvuna í stað þess að fara að sofa. Ég á flug í fyrramálið til N-Carolinu.

Ramada Boston
800 Morrissey Boulevard, Freeport St
Boston, MA 02122 US
Phone: [phone] Room 252

Hamarinn

Snubbóttur endir á annars frábærum og spennandi þáttum. Það var svolítill útskýringarstíll á atburðarrásinni... en mér fannst vanta svar við hvernig steinninn gat lent á bílnum eða skipti það engu máli ? Endirinn býður upp á framhald, það er kannski næsta stig - hver veit!

Launahærri en forsætisráðherra

Ótrúlegt... það borgar sig að stela sem mestu, hann verður á góðum launum þessi í fangelsinu ef þessu verður ekki bara breytt í skilorðsbundið á næstu dögum, þá gengi hann líka laus...

Skilorðsbundið fangelsi og 45,6 milljónir í sekt fyrir skattsvik

Ritgerðin búin :O)

Það er engin smá hamingja á ferð... :O) búin með fyrstu ritgerðina.

Jesaja 43:8-11. ritgerðin mátti vera ca 16 bls en ég svindlaði aðeins hún var 19 bls. En hann Gunnlaugur er svo umburðarlyndur að hann mun ekki röfla neitt yfir því.

Áður en ég byrja á næstu ritgerð ætla ég að taka smá aukaverkefni í Trúarlífssálarfræði...

Ritgerð í Jesaja

Það er nóg að gera hjá mér.... ég er í FRÍI... ;)

Það er starfsvika í skólanum þessa viku. Ég þurfti samt að mæta á mánudaginn og horfa á myndina Holy Smoke í trúarlífssálarfræði, OMG...

Ég ligg í ritgerð í Jesaja og gengur bara vel. Það er best að halda sig við efnið, það koma aðrar á eftir og ég fer aftur út 30.okt, bara helgarferð aftur... en þá fellur enn eitt fylkið.

Stóra planið

Ég var svekkt að hafa misst af fyrsta þættinum af Stóra planinu... en eftir að hafa séð annan hlutann í gær... veit ég að ég missti ekki af neinu og ætla að horfa á einhverja aðra stöð næstu föstudagskvöld... Hvílíkt hvað myndin var hrútleiðinleg... en aftur á móti er Hamarinn góð, ég ætla ekki að missa af hinum þáttunum.

Portland - Boston - Heim

Við vorum í morgunmat. Á eftir klárum við að pakka og keyrum til Boston, en við eigum flug heim í kvöld. Ég er laus við harðsperrur þó ég hafi hlaupið maraþon bæði á laugardaginn og í gær... en ég er samt sem áður með merki eftir átökin, ss nuddsár og blöðrur.

Við hringdum til Santa Barbara CA til Jonnu og Braga í gærkvöldi. Það var frábært að heyra hvað þau eru hress núna og Jonna er öll að styrkjast, farin að fara í göngutúra. Við hringdum líka í Lilju í Colorado, það var allt gott að frétta hjá þeim. Hún átti afmæli á laugardaginn (3.okt), Þórdís lögmaður varð 50 ára á laugardaginn... Til lukku stelpur

Það er fullt af afmælum í fjölskyldunni í október.

Harpa á afmæli í dag - TIL HAMINGJU MEÐ DAGINN
Ingvar bróðir hefði átt afmæli á morgun, 6.okt
Árný á afmæli 11.okt
Lovísa á afmæli 17. okt
María Mist og Hafdís systir eiga afmæli 20.okt og Hafdís verður 50 ára.

Portland, Maine

Við keyrðum hingað strax eftir maraþonið í Bristol í gær. Við vorum rúma 2 tíma á leiðinni. Við gistum á Rodeway Inn, sem hefur áður heitið Quality Inn samkvæmt garminum.

Ég fór snemma að sofa, en kl 10:30  fór brunakerfið af stað og ég hrökk upp og var svo rugluð að ég hélt að það væri bara í herberginu hjá okkur en það var allt húsið. Þetta tók af mér meiri svefn, ég dottaði öðru hverju og vaknaði svo kl 4:40. 

Rodeway Inn,
738 Maine St. South Portland ME
Phone: [phone]     room 207 

Tilton, New Hampshire

Það var stutt hingað norður frá Manchester og 20 mílur í startið í Bristol á morgun. Við keyrðum þangað en expo-ið opnar ekki fyrr en kl 4 og við nenntum ekki að bíða. Ég má ná í númerið fyrir hlaupið í fyrramálið. Við keyrðum til baka og tökum það rólega til fyrramáls.

Super 8   7 Tilton Road, Tilton NH 03276
phone [phone]   room 215

Keflavík - Boston - Manchester NH

Við settum eitthvað ofaní tösku kl 10 í morgun, renndum til Keflavíkur um kl 2 og fórum í loftið kl 5. Flugtíminn til Boston var 5:40 mín, það var víst einhver mótvindur. Ég rétt náði 2 bíómyndum, skermirinn var með einhver leiðindi. Það var orðið koldimmt þegar við lögðum af stað til Manchester... fyrsta áfangastaðar.

Econo Lodge, 75 W Hancock St, Manchester NH.
phone [phone]   room 101 

Hann er ekki með fulla fimm þessi maður!

Ég trúi því ekki að Bretar sjái ekki í gegnum yfirlýsingar Brown. Hvernig er hægt að segja að almenningur borgi ekki. VIÐ BORGUM ALLTAF, ÞVÍ VIÐ ERUM ÞJÓÐFÉLAGIÐ.

Ef fyrirtæki fær auknar álögur og skiptir þá engu máli hvort þær eru aukin skattheimta, sekt fyrir samráð eða hvað... fyrirtækið veltir álögunni alltaf út í verðlagið og þannig lendir það á neytendum.

Pakkinn endar alltaf hjá almenningi.

Þakkaði Brown fyrir að bjarga Icesave

SPARI-blogg

Nú er bara bloggað SPARI... og sést greinilega að skólinn er byrjaður. Nóg af verkefnunum bæði smá og langar ritgerðir... og liggur fyrir að fólk og fénaður verður eitthvað vanræktur :( 
Ég hélt að ég væri að byrja rólega, bara í 20 einingum, en nei takk, það eru verkefni og ritgerðir í öllum fögum og 7 kennslubækur í Kirkjufræði... góðan daginn og komdu sæll.

Alþingissparnaður

Eftir því sem mér skilst var amk 63 áskriftum af Mogganum sagt upp hjá Alþingi í sparnaðarskyni, þ.e. blöðunum sem þingmenn fengu send frítt heim til sín. Það er ekkert nema gott við því að segja þegar fólk tekur sig til og sparar.

Langi Alþingi virkilega til að spara, þá má benda þeim á að nota KRANAVATNIÐ á fundum, en oft hefur maður séð í sjónvarpi, að fundarborðin eru full af vatnsflöskum frá gosdrykkjafyrirtækjunum.

 

Alþingi segir upp Morgunblaðinu visir.is