Hann er ekki með fulla fimm þessi maður!

Ég trúi því ekki að Bretar sjái ekki í gegnum yfirlýsingar Brown. Hvernig er hægt að segja að almenningur borgi ekki. VIÐ BORGUM ALLTAF, ÞVÍ VIÐ ERUM ÞJÓÐFÉLAGIÐ.

Ef fyrirtæki fær auknar álögur og skiptir þá engu máli hvort þær eru aukin skattheimta, sekt fyrir samráð eða hvað... fyrirtækið veltir álögunni alltaf út í verðlagið og þannig lendir það á neytendum.

Pakkinn endar alltaf hjá almenningi.

Þakkaði Brown fyrir að bjarga Icesave

Alþingissparnaður

Eftir því sem mér skilst var amk 63 áskriftum af Mogganum sagt upp hjá Alþingi í sparnaðarskyni, þ.e. blöðunum sem þingmenn fengu send frítt heim til sín. Það er ekkert nema gott við því að segja þegar fólk tekur sig til og sparar.

Langi Alþingi virkilega til að spara, þá má benda þeim á að nota KRANAVATNIÐ á fundum, en oft hefur maður séð í sjónvarpi, að fundarborðin eru full af vatnsflöskum frá gosdrykkjafyrirtækjunum.

 

Alþingi segir upp Morgunblaðinu visir.is

Einu sinni reykti ég...

Við vitum að alls kyns sjúkdómar fylgja reykingum, en það eru etv færri sem vita að á hverju ári missa einhverjir fæturna vegna reykinga... já, það þarf að taka af þeim fæturna við hné því æðarnar þrengjast og það kemur drep.

Einu sinni reykti ég... og ef ég hefði alltaf keypt mér 1 pakka í einu, þá hefði ég sagt að ég reykti 1 pakka á dag... en ég keypti alltaf karton og reykti það á 1 viku... það gerir 1 og hálfan pakka á dag.
Ég held að ef fólk sem reykir keypti alltaf karton, þá yrði því frekar ljóst hvað það reykir í raun mikið og hvað þetta er rosalega dýrt. 

Ég notaði engin hjálpartæki (plástra eða tyggjó) við að hætta en það sem hjálpaði mér mest þegar löngunin helltist yfir mig, var að drekka glas af köldu vatni... ótrúlegt en satt... og kannski virkar það vel fyrir fleiri. Ég er því hjartanlega sammála að tóbak verði tekið úr almennri sölu.

Tóbak verði tekið úr almennri sölu
Reykingar fella fleiri en slys

Miklu færri hjartatilfelli í kjölfar reykbanns

Skóli, skóli... skóli

Þetta er ekki eins þreytt og það virðist vera á fyrirsögninni... Ég mæti í 1 fag á hverjum degi nema á föstudögum þá eru það 2... og frí á fimmtudögum...
Lesturinn  er mesta vinnan... Það eru 7 bækur í Kirkjufræðinni og svolítið fúlt þegar aðal bækurnar eru ekki til á landinu og maður þarf að bíða 2-3 vikur eftir þeim... þetta eru tiltölulega nýjar bækur og því varla hægt að fá notaðar og svo eru þær rándýrar að auki.

Ég er að reyna að lesa þá annað námsefni fram í tímann en þá finnst mér ég ekki vera í takt við kennarann...

Næsta ferð til Usa

Þá er búið að kaupa næstu ferð... Bíðari nr 1 datt niður á hagstætt fargjald :)
það þýðir ekki annað en að halda sér við efnið. Þessi ferð verður bara stutt eða 5 dagar.

Við förum 1. okt til Boston...

PA - NY - Ísland

Þá erum við komin heim... Við þorðum ekki annað en að fara snemma af stað því maður getur lent í þvílíkum umferðarteppum í New York. En það rættist furðanlega úr og við vorum komin 3 tímum of snemma svo við kíktum í Walmart sem var ,,rétt hjá" þar sem við keyptum okkur SUBWAY í nesti.

Við skiluðum bílnum á réttum tíma og höfðum keyrt 2.074 mílur... en hvílíkt glæpaverð er orðið á þessum bílaleigubílum...
11 dagar kostuðu 88.400 kr ísl.  Þetta er hreinasta klikkun.

Flugið heim var 5:10 mín og lent rétt rúmlega 6... ég náði að horfa á 1 þátt og 1 og hálfa bíómynd á leiðinni.
Við biðum uppi í fríhöfninni eftir að hitta Helgu og Tinnu sem var mjög spennt yfir að vera að flytja til Svíþjóðar. Við höfðum ekki langan tíma saman - þær áttu flug 7:50... það er alltaf erfitt að kveðja en í nútímaunum er orðið styttra á milli staða en áður  hægt að skreppa í heimsókn.

Týri beið fyrir utan á jeppanum... búinn að þrífa hann með tannbursta... bíllinn alltaf eins og nýr ef maður fær að ,,geyma" hann hjá þeim... það er ekkert smá þægilegt að geta keyrt heim.

New York - Salt Lake City - Anchorage

Við vorum vöknuð fyrir kl 3 í nótt... enda áttum við langan dag fyrir höndum.  Við gistum í New Jersey í nótt og áttum klst.keyrslu til JFK í New York. Sú ferð gekk eftir áætlum og við vöktum vörðinn í hliðinu hjá Avis... steinsofandi í vinnunni. Við höfðum keyrt 1368 mílur þessa viku sem við vorum á vesturströndinni.

Fyrra flugið var 6:45 til Salt Lake City... 4:40 klst... Biðin þar var frekar stutt 1:30 klst... síðara flugið var til Anchorage í Alaska. það tók svipaðan tíma eða 4:30 klst. og þá var klukkan 4 tímum á eftir. Við lentum kl 2:35 á staðartíma...

Við vorum furðu hress eftir nær 16 tíma ferðalag. Hótelbus-inn sótti okkur því við fáum ekki bílaleigubílinn fyrr en kl 9 í kvöld. Við keyptum pakka, hótel í 2 nætur og bíl í 2 sólahringa og það kemur betur út að taka bílinn seinna því við eigum kvöldflug heim... skynsamlegra að hafa bíl þegar við höfum tékkað okkur út og geta farið eitthvað áður en við fljúgum heim  

Super 8 Anchorage

3501 Minnesota Drive, 36th Ave & Minnesota Dr. Anchorage, AK 99503-3650 US
Phone: [phone]    Room 105

Hvernig vissi hún hvað þetta var mikið?

Mér finnst harla ótrúlegt... að konan hafi átt 1 milljón dollara... eins og maður heyrir mikið um fátækt frá þessum landsvæðum þarna suðurfrá... 

En ef þetta er rétt... þurfa hjálparstofnanir þá ekki að hugsa sig um tvisvar áður en ákveðið er að veita aðstoð hverju sinni.

Bara til að leika sér með þessar tölur... ef maður áætlar að konan hafi byrjað að safna um tvítugt og hafi safnað í 40 ár... þá hefur hún þurft að leggja 68,4 dollara til hliðar á hverjum einasta degi (40 ár = 14.610 dagar)... til að eiga um 1 milljón dollara...

Henti sparnaði móður sinnar á haugana

Oklahoma City OK - Dodge City KS

Tékkaði mig út eftir morgunmat og keyrði frá Oklahoma City, norður sveitavegina sem ég kom... I LOVE IT... áleiðis til Guymon. Nema ég hélt áfram norður sem sagt keyrði til Kansas. það er alveg nóg að keyra um 300 mílur á dag... og maður verður að passa að vera ekki of seint á ferð til að fá herbergi.

Það var hrikalegt verð á mótelunum í Dodge City... fyrir utan hvað dollarinn er hár... ég tók Travelodge og setti tölvuna í samband... Ég hafði sett upp nýjan Internet explorer í gærkvöldi og þá poppaði MSN-ið upp. Ég sem var farin að halda að grænu MSN-kallarnir væru komnir með svínaflensu  

Travelodge   Dodge City
1510 W. Wyatt Earp
Dodge City, KS 67801 US
Phone: [phone] Room 406

Elkton MD - Sea Isle City NJ

Ég lagði af stað rétt fyrir kl.8. Svaf frekar illa í nótt, kannski stressuð yfir að eiga eftir að finna hótel í New Jersey. Ég var nefnilega margbúin að tékka á nokkrum síðum og það var allt svo dýrt og langt í burtu.
Þess vegna var það best að kíkja á staðinn... það voru um 100 mílur þangað og þá komst ég að því að flest allt er lokað þarna á þessum tíma... þetta er eiginlega draugabær

Svo ég keyrði 10-12 mílur í burtu og fékk mér gistingu á Econo Lodge. Þessi mótelkeðja er óðum að verða í eigu Indverja og um leið og mótelin verða fjölskyldufyrirtæki, þá byrja þau að drabbast niður  
Eftir að hafa sett tölvuna í gang og talað við Bíðara nr.1 þá ákvað ég að fara og athuga hvort það væri ekki buffet hér nálægt.
Ég verð hérna í 2 nætur. Ég tékka mig út á sunnudagsmorguninn þegar ég fer í maraþonið.

Econo Lodge (NJ708) 119 US 9 S. , Marmora, NJ, US, 08223 | Phone: [phone] room 157