Gamalt og nýtt lögmál... Mark 2:18-22

-18- Lærisveinar Jóhannesar og farísear héldu nú föstu. Þá koma menn til Jesú og spyrja hann: Hví fasta lærisveinar Jóhannesar og lærisveinar farísea, en þínir lærisveinar fasta ekki?
-19- Jesús svaraði þeim: Hvort geta brúðkaupsgestir fastað, meðan brúðguminn er hjá þeim? Alla þá stund, sem brúðguminn er hjá þeim, geta þeir ekki fastað.
-20- En koma munu þeir dagar, er brúðguminn verður frá þeim tekinn, þá munu þeir fasta, á þeim degi.

Hátíðir og föstur hafa verið órjúfanleg hefð hjá gyðingum... enda ákvæði í lögmálinu. Jesús og lærisveinar hans föstuðu ekki... og gyðingar flokkuðu það sem lögmálsbrot. Jesús segir að þeir muni fasta þann dag sem hann verður tekinn frá þeim. 

-21- Enginn saumar bót af óþæfðum dúk á gamalt fat, því þá rífur nýja bótin af hinu gamla og verður af verri rifa.
-22- Og enginn lætur nýtt vín á gamla belgi, því þá sprengir vínið belgina, og vínið ónýtist og belgirnir. Nýtt vín er látið á nýja belgi. 

Jesús kom með nýtt lögmál... ekki viðbætur við hið gamla - NÝTT LÖGMÁL. Gamla lögmálið varð ógilt, því hið nýja lögmál vann gegn hinu gamla. Eins og Jesús sagði í fjallræðunni, þið hafið heyrt að lögmálið sagði... en ég segi yður...
Nýtt lögmál krefst nýs hugarfars og nýrrar íhugunar... það gengur ekki að blanda saman hinu nýja og hinu gamla... sbr. gamla fatið og gamli belgurinn rifna og ónýtast.

Athugasemdir

[Hjalti Rúnar Ómarsson, 4.5.2009 kl. 14:17]

Gamla lögmálið varð ógilt,...

Þannig að "lögmálið er fallið úr gildi"?

[ibbets (IP-tala skráð) 5.5.2009 kl. 15:08]

já gamli sáttmálinn er fallinn úr gildi og það er kominn nýr sáttmáli sem er ekki háður verkum okkar heldur trú okkar.

[Hjalti Rúnar Ómarsson, 5.5.2009 kl. 15:19]

Merkilegt, því að samkvæmt Jesú þá er: "auðveldara, að himinn og jörð líði undir lok, en einn stafkrókur lögmálsins falli úr gildi." (Lk 16.17)

Hann var líklega ekki að meina þetta.

[ibbets (IP-tala skráð) 5.5.2009 kl. 16:11]

En ég myndi lesa brefið til Hebbrea kafli 3 - 5 og rómverjabrefíð kafli 4 - 10. Galatabréf kafli 2-5.  Þarna er farið í sáttmálana tvo og mjög góður lestur og svarar spurningu þinni. 

[Hjalti Rúnar Ómarsson, 5.5.2009 kl. 16:37]

ibbets, samkvæmt Jesú í Lk 16.17 er lögmálið ekki fallið úr gildi. Það þarf ekki að lesa 14 kafla í bréfum eftir einhverja allt aðra til að skilja þessi orð hans.

[ibbets (IP-tala skráð) 5.5.2009 kl. 17:00]

Ég nenni ekki að svara þessari spurningu fyrir þig, ef þú virkilega vildir vita svarið þá myndi ég glaður gefa þér það. En þar sem þú skilur ekki trú og vilt ekki skilja hana, þá get ég ekki opnað augu þín með mínum skriftum. Þannig lestu þig til um málin ég held að það sé best að byrja í Hebrea-bréfin. Ef þú vilt ekki opna fyrir það sem þú sérð ekki, þá ertu að missa af miklu en það er þitt val. 

[Hjalti Rúnar Ómarsson, 5.5.2009 kl. 17:22]

Skrifaði Jesús Hebreabréfið?

[ibbets (IP-tala skráð) 5.5.2009 kl. 18:42]

Hvaða máli skiptir það, kemur það trú við?

[Bryndís Svavarsdóttir, 9.5.2009 kl. 18:49]

Sæll Hjalti Rúnar.
Sannleikurinn er sá að Jesús skrifaði ekki neitt, og það sem meira er það finnst hvergi hvatning til neinna að skrifa.
Við getum valið um tvennt, að trúa því að við frelsumst fyrir náð... eða verk. Hvort viltu?
Ef þú ætlar að frelsast með því að halda í fórnarkerfið, hreinleikalögin og allt það sem gamla lögmálið innifelur - þá ertu kominn út í verk og hefur útilokað náðina.
Ef þú trúir á náðina - þá hefur Jesús uppfyllt gamla lögmálið fyrir þig og þannig er lögmálið orðið ógilt, þ.e. þú verður ekki dæmdur eftir því.