Rasssæri hvað!

Með beran rassinn á hnakknum - NEI TAKK...
Ég hef nú hjólað aðeins undanfarin ár, gekk/hjólaði meira að segja í hjólreiðaklúbb hafnfirskra kvenna... Þar snérist nú umræðan svolítið mikið um einn hlut á hljólinu... HNAKKINN.
Flestar höfðu þær fengið sér gel-hnakka... þegar ég byrjaði að hjóla á hjóli mannsins míns þá hafði hann þegar keypt almennilegan hnakk, sem ég kalla traktorssætið... annað var ekki hægt, hnakkarnir sem fylgja þessum hjólum eru hreinlega morðtæki?

Berrassaðir á reiðhjóli

Að bregðast eða bregðast við?

Hin nýja stjórn hefur gjörsamlega gleymt sér í valdastólnum... það átti að slá skjaldborg um heimilin en það virðist vera gleymt í einhverju þrefi um stóla og embætti.
Það eina sem maður heyrir í fréttum er ,,hvað það er lítill tími"... en í tíð fyrri stjórnar var þessi sami tími ,,alltof langur" til að hægt væri að bíða eftir næstu kosningum... það varð að bregðast við strax... 
Ætlar þessi stjórn að ,,bregðast" eða ,,bregðast við"?

Blæs á tal um pólitískar hreinsanir

Sundur eða saman

Samfylkingin er sundruð... þó allir flokkar hafi fólk með ólíkar skoðanir þá virðist einhvern veginn vera meiri sundrung innan Samfylkingar en annarra flokka... enda var upphaflega, eina sameiginlega markmið þeirra að fella Sjálfstæðisflokkinn.

Mér persónulega finnst bagalegt að unga fólkið, úr hvaða flokki sem það er, hverfi frá. Við þurfum að yngja upp... það er engin lífsleið án mistaka og af þeim fær maður reynslu. 

Það þarf að hlúa að unga fólkinu, það kemur að því að það tekur við stjórninni... og hætta þessu skítkasti sem tekur svo oft yfirhöndina þegar fólk hefur ólíkar skoðanir. Það er alltaf fleiri en ein hlið á málinu.

Ágúst Ólafur hættir

Hvernig væri að spara svolítið!

Aðrar þjóðir (og miklu fjölmennari) hafa EINN seðlabankastjóra og ég held ég fari með rétt mál... að hann sé ópólitískur... Við höfum ekkert að gera með ÞRJÁ 
Nú þegar niðurskurður er á öllum mögulegum og ómögulegum hlutum væri tilvalið að fækka þeim í EINN... svona í sparnaðarskyni

Vill nýja bankastjórn í Seðlabankann

Kominn í kosningabaráttu...

Þetta er einmitt ástæðan þess að ég hef ekki talið tímabært að boða til kosninga... Menn fara strax að ota sínum tota til að komast að aftur... og í betra embætti.
Hvers vegna að axla ábyrgð og hlaupa svo frá henni sama dag?  Þetta er svipað og þegar fyrirtæki skiptir um kennitölu. Eigandinn hugsar bara um eigin hagsmuni og við töpum. 
Björgvin rak starfsmenn Fjármálaeftirlitsins og þeir fá STARFSLOKASAMNING... Hverjir borga ??? VIÐ

Björgvin segir af sér

Pabbi á afmæli í dag, 21.jan

 Til hamingju með daginn pabbi minn.

Pabbi, Svavar Jóhannesson er fæddur 1933 og er því 76 ára í dag, 21.jan.

TIL LUKKU MEÐ DAGINN

Innsetning Obama

Hvílík öryggisgæsla og skipulag.
Það er aðdáunarvert hve kananum tekst alltaf að vera skipulagður, og hvað allt gengur fljótt og vel fyrir sig... þetta er enginn smá mannfjöldi sem er á staðnum og fylgist með athöfninni. Öll dagskráin hefur verið sýnd beint og hreint út sagt frábær. Við sáum í sjónvarpinu í morgun að fólk var farið að drífa að eldsnemma í morgun.  Við bíðum spennt eftir embættissetningunni kl 12 í dag.

Gífurlegt fjölmenni í Washington

Martin Luther King Day

Við fengum okkur í rúmlega klukkutíma brúnkugöngu í dag 19.jan... í sólinni en það var aðeins vindur. Við vorum rétt komin út á International Drive þegar við heyrðum rosa hvell... niðri á horninu hjá Wet´N´Wild hafði orðið árekstur. 
Fólksbíll í köku að framan, hafði keyrt undir pall á flutningabíl. Bílstjórinn hafði á einhvern óskiljanlegan hátt sloppið án þess að fá skrámu... ef hann var ekki blessaður þá veit ég ekki hver er það.

Ég var auðvitað í tölvunni í dag, byrjaði á prédikun... skoðaði póstinn minn... facebook... moggann og fl.  Við fórum út að borða og horfðum svo á útsendingu frá Washington... ótrúlega flott dagskrá.

Í dag er fæðingardagur Martin Luther King og þá vinna margir þjónustuverk eins og að tína drasl í poka á ströndinni eða eitthvað... það sleppur víst alltaf eitthvað drasl út í náttúruna

Við förum til Miami á miðvikudagsmorgun

Elmo radarvari

Ég gleymdi nú að blogga um Elmo kallinn...
Harpa pantaði Elmo á netinu og hann var sendur á hótelið til okkar. Við höfum ekkert tekið pakkann upp... enda eigum við hann ekki.
Eitt kvöldið þegar Lúlli var að flakka á milli stöðva á sjónvarpinu... þá heyrum við flaut... hvít-hvíjú...  í ca. eina mínútu.  Við skildum ekkert í þessu... en svo datt okkur í hug að þetta hafi komið frá Elmo... að sjónvarpsfjarstýringin hefði komið þessu flauti af stað.

Þegar við keyrðum til Georgíu, var Elmo í aftursætinu... Allt í einu fer hann að flauta og það eina sem okkur datt í hug var að við hefðum keyrt inn í radargeisla hjá lögreglunni. Svo Elmo kallinn lét okkur vita - kannski heldur seint - að lögreglan væri að mæla.

Frábær konsert

Ég var að horfa á beina útsendingu frá konsert í Washington. Þar söng hver stjarnan af annarri og hver stórleikarinn af öðrum tók til máls... til heiðurs Obama fjölskyldunni. 

Athöfnin var öll hin stórkostlegasta, frábær lög og flytjendur og sviðsetningin snurðulaus. Mannfjöldinn sem var á staðnum og fylgdist með... var eins og við myndum segja ,,óteljandi"

Obama aldrei vinsælli