Próf... talið niður

Eitt próf búið... annað á morgun og það síðasta næsta miðvikudag ... þá verður kátt í kotinu

Afmælisbörn desember mánaðar eru:
Berghildur systir átti facebook afmæli 6.des...
Tinna Sól verður 9 ára 26.des... hún er jólastelpan okkar
Sigurður Bragi verður 21.árs, 29.des

Til lukku allir

Flokkshreinsun!

Þetta er hreint með ólíkindum... Stjórnin sem ætlaði að hafa allt uppi á borðinu drullar nú yfir sjálfa sig dag eftir dag... og nú er verið að hreinsa til í flokknum fyrir atkvæðagreiðslu um I-save... til að þeir sjálfir verði SAVE.
Þetta lið hugsar eingöngu um að verma ráðherrasæti... þeim er skítsama um fólkið í landinu.

Og forsetinn var og er kommi og passar sig á að vera ekki á landinu þegar það þarf að undirrita plaggið.

Atli í leyfi

Nauðung?

Það er þá alla vega á hreinu að danskar konur stunda vændi af fúsum og frjálsum vilja.

Frítt kynlíf fyrir ráðstefnugesti er svipað tilboð og hjá dagblöðum og tímaritum hér á landi...  frí áskrift fyrsta mánuðinn...

Danskar vændiskonur bjóða ókeypis þjónustu

Nú eiga allir lífeyrissjóðina

Mesta arðrán sögunnar er þessi blessaði lífeyrissjóður sem er orðinn aðaltrygging landsins fyrir skuldum. Upphaflega var skattlagt inn svo var skattlagt út og nýlega var Skattman með hugmyndir um að fá sjóðinn lánaðan... en látum það vera hvernig er leikið sér með þá peninga sem fólk var skyldað til að geyma til elliáranna.
En til hvers að spara? Af hverju á ekki bara að eyða peningunum strax, þeir rýrna þá ekki á meðan.
Ríkisstjórn landsins passar að fólk fái aldrei nema ákveðna upphæð á mánuði, það eitt er ekki hvetjandi til sparnaðar. Og séreignarsparnaður - til hvers?

Ef einhver á sparnað einhversstaðar... þá sker ríkið ellilaunin niður um samsvarandi upphæð. Atvinnurekendur hafa t.d. ekki verið skyldugir til að greiða í lífeyrissjóð, en það skiptir ekki máli fyrir þá þegar upp er staðið, því atvinnurekandinn fær jafn háa upphæð í ellilaun og sá sem vann hjá honum fær samtals í ellilaun+lífeyrissjóðgreiðslur... samt borgaði hann alla sína ævi í sjóð til elliáranna.

Hver er tilgangurinn? Er ekki bara best að ríkið hirði lífeyrissjóðina, segji upp öllu starfsfólkinu sem reiknar skerðingar fram og til baka... og borgi bara sömu ellilaun til allra landsmanna.
Launþeginn fengi þá aðeins meira í budduna í bili - ekki veitir af.

 

Vilja tryggja aukið eftirlit með lífeyrissjóðum

Hann flytur ekki í bráð

þetta er ótrúleg seigla og líka ótrúlegt að það skuli ekki fleiri hafa hjálpað til fyrst göngin koma svo öllum til góða.
Eins gott að Steingrímur frétti þetta ekki... þá verða ekki gerð fleiri göng hér á landi á kostnað ríkisins.

Hjó göng til að geta lagt bílnum

Sjómannaafslátturinn

Ég er gift sjómanni og þess vegna hef ég haldið eyrunum opnum þegar þeirra mál hafa komið upp í þingumræðu. Nokkrir þingmenn hafa séð ofsjónum yfir þessum afslætti og þeir virðast ekki vita hvernig hann er til kominn.

Þegar kjarasamningar hafa verið lausir í gegnum tíðina, þá hafa sjómenn alltaf mætt afgangi og fengið minnsta hækkun í prósentum á fastakaupi. 
Það eitt er útaf fyrir sig undravert því almennt eru sjómenn taldir hálaunastétt og hækkun á fastakaupi myndi þá ekki skipta neinu máli því fastakaupið er bara lágmarkslaun á mánuði.
Launin eru aldrei trygg, þau fara eftir framboði og eftirspurn, þannig að ef það aflast vel fá menn jafnvel lægra verð fyrir aflann - sem þýðir lægri laun fyrir meiri vinnu.

Því miður er það þannig að stór hluti sjómanna hefur bara þessi lágmarkslaun sem eru langt fyrir neðan venjulegt tímakaup í landi - því vinnutíminn getur verið mjög langur, 12 tíma vinna á sólarhring á stærri skipum og stundum lengri tími á litlum bátum.

Sjómannaafsláttinn fengu sjómenn sem kjarabót þegar öll önnur stéttafélög fengu launahækkanir... það getur því verið erfitt að ætla að bæta þeim afnám hans með launahækkunum núna. Fólk er sífellt að horfa til nágrannalandanna... í Noregi er sjómannaafslátturinn mörgum sinnum hærri.

Berjumst fyrir hærri afslætti  

Vika eftir af skólanum :)

Hvílíkt hvað þetta er fljótt að líða áður en maður veit af verður komið nýtt ár 2010...

Þessi vika verður verkefna- og ritgerðar-skilavika hjá mér. Ég er að klára ritgerð í kirkjufræði/trúfræði   ... enginn smá léttir að vera að skila henni og þá verður 1 verkefni eftir hjá mér.

Mér hefur tekist að lesa námsefnið jafnóðum... komið lesin í alla tíma... nema þegar bóksalan hafði klikkað og bækurnar voru ekki til... en það er bara frábært að vera búin að lesa allt.  

2012

Sá myndina í kvöld, fannst hún löng... en datt samt ekki í hug að hún væri 3 tímar. Brellurnar voru raunverulegar, einmitt eins og manni gæti dottið í hug að náttúruhamfarir að þessari stærðargráðu gætu orðið.
Það var nokkuð um biblíulegar hliðstæður s.s. sonur aðalpersónunnar hét Nói. Þá myndi það lýsa guðleysi heimsins að menn horfðu fremur til spádóma austrænna trúarbragða, þó menn hefðu frasa eins og ,,Jesús Kristur" á takteinum. 

Ríkisstjórnir heimsins létu byggja 7 stk arkir til að komast af í fljóðbylgjum jarðskjálftanna, flóðið náði til hæstu fjalla jarðarinnar, og þeir tóku með sér dýrategundir, fíla, gíraffa. ljón og fl.

Stærð og lögun arkanna, risastórar og yfirbyggðar, svipar til lýsingar Biblíunnar. Í lok myndarinnar sáust 3 arkir sigla saman inn í nýtt tímaskeið sem byrjaði á ártalinu 1.
Bæði 7 og 3 eru táknrænar tölur, sjö vísar til hins óendanlega (7 dagar í viku) og þrír tákna hinn þrí-eina Guð - heilaga þrenningu, sem kristnir trúa að muni stjórna frá Dómsdegi, þegar hin nýja Jerúsalem kemur niður af himni eins og Opinberunarbók Jóhannesar segir.

Allt komið í sinn vana gang

Það er vika síðan ég kom heim... ég hef verið frekar löt, lesið það sem ég hef þurft að lesa, en ég hef hummað af mér þessar ritgerðir og skróp-verkefni sem ég þarf að skila.

Jesaja er nú bara dásamlegur, trúfræðin er allt í lagi en ég hef ekki jafn gaman af trúarlífssálarfræðinni.
Ég hef meiri áhuga á að prjóna og sjónvarpinu heldur en ritgerðarstússi... sem virkar þannig að ég man ekkert hvað ég hef verið að lesa.
Hvað á ég að gera ?

En þessi afmælisbörn fá kveðjur frá mér í nóvember:
Mein Sohn átti afmæli 7.nóv...
Linda á afmæli í dag 10.nóv... Happy birthday, Linda 
Ragnar Rúnar á afmæli 15. nóv...
Bryndís Líf á afmæli 29. nóv... 
Björg vinkona á afmæli 30. nóv...

IN´N´OUT of America

Þetta var söguleg ferð. Í fyrsta lagi varð ég að kíkja á flugmiðann til að vita hvert ég var að fara.
Ég lenti í Boston og hélt áfram ferðinni til N-Carolina daginn eftir. Flugið með Delta til Raleigh var stutt sem betur fer ,,flugan" var svo lítil að flugvélatöskur voru teknar af manni við innganginn, maður þurfti að bakka, með allt niðri um sig inn á klósettið og var í algjöru krumpi þar inni.

Í Raleigh var þægilegt að vera, ekki flókið vegakerfi.. og stutt á hótelið, búðirnar í næstu götu og stutt í hlaupið.

Ég komst að því að þessi ferð var hámarkið í kæruleysi, því ég hafði gleymt að prenta út ferðaáætlunina... langt frá því að ég hafði pantað allt og mundi ekki neitt

Það kórónaði svo vesenið að ég tímdi ekki að borga $8 á dag fyrir netið... enda var ferðin stutt og ég áætlaði að vera sem minnst á hótelinu. Eins og venjulega er Best Buy besti kosturinn til að komast á netið, senda sms á ja.is, blogga og fl, en þar er ekki hægt að senda email. Þar skrifaði ég niður heimilisfangið til að komast í maraþon-expoið.

Ferðin bar nafn með rentu IN´N´OUT of America... enda stysta ferð sem ég hef farið. Maraþonið gekk ágætlega og ég gat verslað eitthvað... svo var ég komin heim áður en ég vissi af.