Kommúnisminn - jafnaðarstefnan

Þetta sjá menn í hillingum, að allir hafi jafnt - jafn lítið... eða nær ekkert. Í þeim ríkjum sem ,,jafnaðarstefnan" er/var, er það raunin að almenningur lifði við sárustu fátækt og skort en yfirvaldið sat á auðnum. Kommúnisminn eða ,,jafnaðarstefnan" á fínna máli... er fallega hugsuð en hún virkar bara ekki. 
Stefnan hefur alltaf þýtt kúgun og fátækt fyrir almenning og það er svo skrítið að þeir sem eiga lítið eru fylgjandi henni... geri ég þá ráð fyrir að þeir vilji fá meira - en ekki að aðrir verði færðir niður á sama plan og þeir. 

Ósnortin íbúð frá tímum kommúnistastjórnarinnar kemur í leitirnar

Athugasemdir

[Einar Steinsson, 29.1.2009 kl. 15:08]

Jafnaðarstefna er það sem Skandinavíubúar hafa iðkað, kommúnismi er allt annar handleggur.

[Bryndís Svavarsdóttir, 29.1.2009 kl. 15:14]

Sæll Einar,
Hugsjónin er sú sama... upphaflega hét þetta kommúnismi hér, en síðan hefur verið reynt að fegra stefnuna með því að kalla hana ,,jafnaðarstefnu" en hugsjónin á bakvið hana er sú sama.

[Ólafur Þórðarson, 29.1.2009 kl. 15:38]

Bryndís hvernig dettur þér í hug að halda fram að Austur Þýskaland hafi haft "jafnaðar"stefnu eins og við hugsum í dag? Stefnur jafnaðarmanna í dag eiga ekkert skylt einræðisstjórninni og Sovét leppríkisins í Austur Þýskalandi. Reyndar eru jafnaðarhugmyndirnar í dag langt frá því að vera flatneskjulegar og allir-eins.

[Ásgrímur Hartmannsson, 29.1.2009 kl. 15:49]

Pawel Bartoszek um líf í sósíalísku hagkerfi:

http://www.deiglan.com/index.php?itemid=12289

http://www.deiglan.com/index.php?itemid=12293

http://www.deiglan.com/index.php?itemid=12296

Spaugilegt, en svona mun þetta hafa verið á bestu stöðunum.  Sósíallinn sem var iðkaður í Svíþjóð var í raun Fasismi - einstaklingar máttu eiga hitt og þetta.  Það var diet versionin, sykurlaus, koffeinlaus og ekki nema 2.25%, en engu að síður - fasismi.

Þá vantaði óvin, og það voru of margir hippar til að þeir gætu almennilega stundað fasisma.

[Einar Steinsson, 29.1.2009 kl. 15:54]

Eiginlega er þetta nú alveg öfugt, jafnaðarstefna (sosialismi) er næstum því einni öld eldri en sameignarstefna (kommúnismi) en vissulega er kommúnismi "klofningur" úr sósalisma. Legg til að þú lesir þetta:

http://is.wikipedia.org/wiki/S%C3%B3s%C3%ADalismi

http://is.wikipedia.org/wiki/Komm%C3%BAnismi

[Svavar Bjarnason (IP-tala skráð) 29.1.2009 kl. 16:05]

Langt síðan ég hef lesið aðra eins fáfræði í bloggheimum!

[Bryndís Svavarsdóttir, 29.1.2009 kl. 20:29]

Sælir,
Fyrirgefið þið vinir, en hverjir tóku við stjórninni í Austur-Þýskalandi eftir seinni heimstyrjöldina??? Voru það ekki Rússar... með komúnismann sem stjórnarfyrirkomulag... Var ekki ógurleg fátækt og skortur hjá hinum almenna borgara í Sovétríkjunum þegar þau liðuðust í sundur. Sést ekki skorturinn í blaðagreininni um íbúðina sem hafði verið óhreyfð ??? 
Hugsunin á bak við kommúnismann er sú að allir hafi jafn mikið... en reyndin var kannski að ,,allir höfðu jafn lítið"
Ég var ekki að tala um jafnaðarstefnu almennt á Norðurlöndum... ég sagði að hugsjónin að allir hefðu jafnt... væri falleg hugsun en hún virkaði ekki.
Menn skipta um nöfn á flokkum en stefnan er sú sama... Hvað hefur gamli Kommúnistaflokkurinn heitið mörgum nöfnum þar til hann tók upp nafnið Vinstri grænir??? 

[Jóhannes Ragnarsson, 29.1.2009 kl. 20:44]

Ég tek heilshugar undir með Sævari: Langt síðan ég hef lesið aðra eins fáfræði í bloggheimum, og er þó ýmislegt skrítið í þeim kýrhaus.

[nafnlausa gungan (IP-tala skráð) 29.1.2009 kl. 22:44]

Smá öfgastærðfræði:

Ef:

Jöfnuður = Kommúnismi

Þá:

Frjálshyggja  = Fasismi  

Æ...Nei...Ég get ekki reiknað á þennan hátt...Ég er ekki nógu heimskur til að heimurinn sé svarthvítur.  

[Svavar Bjarnason (IP-tala skráð) 29.1.2009 kl. 22:45]

Ég hef aðeins eina ráðleggingu handa þér Bryndís: Bættu ekki við fleiri kommentum við þína eigin bloggfærslu!

[Bryndís Svavarsdóttir, 29.1.2009 kl. 22:47]

Sælir,
Það væri laglegt ef enginn opnaði munninn eða setti orð á blað/í tölvu nema hann teldi sig leggja fram nýja opinberun fyrir heiminn. Það er bara gaman að tjá sig og skoðanaskipti eru alltaf góð.
Enginn hefur 100% rétt fyrir sér og með umræðum opnast víddir.
Ég fór inn á þessa linka sem voru settir inn fyrir ofan.

Jafnaðarstefnan hefur það markmið að ,,útrýma mestmegnis efnahagslegu misrétti og stéttaskiptingu."
http://is.wikipedia.org/wiki/S%C3%B3s%C3%ADalismi
Kommúnisminn eða sameignarstefnan... ,,framleiðslutæki eigi að vera í sameign samfélagsins eða a.m.k. jafnt skipt."
http://is.wikipedia.org/wiki/Komm%C3%BAnismi

Fyrir mér er þetta nokkurn veginn það sama að ,,efnahagslegu misrétti sé útrýmt" og að það sé ,,jafnt skipt"...
Stefnan heftir fremur en að vera hvetjandi fyrir einstaklinginn. Það hafa t.d. ekki allir áhuga á að eignast fyrirtæki, en þeir sem gera það geta veitt öðrum vinnu.
Ég er enn á sömu skoðun að.. hugsjónin að allir eigi jafnt og allt sé sameign okkar (eign ríkisins) er falleg en hún virkar ekki.

[nafnlausa gungan (IP-tala skráð) 29.1.2009 kl. 23:03]

Já...Á sama hátt má segja:

Þjóðkirkjan hefur það markmið að kenna fólki kristin gildi.

Gunnar í krossinum hefur það markmið að brenna homma á báli.

Ég sé bara engan mun.  Fyrir mér er þetta nokkurn veginn það sama.

[Bryndís Svavarsdóttir, 29.1.2009 kl. 23:03]

Þakka þér fyrir Svavar, það er rétt hjá þér

[Anna (IP-tala skráð) 29.1.2009 kl. 23:16]

Hvað segirðu, kemst fólk núorðið inn í Háskóla Íslands án þess að vera með lágmarksþekkingu eða rökhugsun? Guðfræðideildin hefur reyndar alltaf verið sér á báti, en að ástandið væri svona slæmt...

[Héðinn Björnsson, 30.1.2009 kl. 00:32]

Af ávöxtunum skulum við þekkja þá, sagði einhver! Við skulum bera saman niðurstöðurnar af komandi tímabili ríkisstjórna undir forsæti jafnaðarmanna og fráfarandi stjórna undir forsæti ójafnaðarmanna. Ójöfnuðurinn reyndist vaxa svo ógurlega að valdastaða auðmanna varð svo sterk að þeirra hagsmunir réðu einir meðan hagsmunir almenings voru hundsaðir og að lokum stungu þeir af frá reikningnum og skildu okkur eftir til að borga. Ef jafnaðarmönnum tekst að rústa efnahagnum á Íslandi jafn illa eða ver en ójafnaðarmönnunum skal ég taka undir með þér.

[Óskar Steinn Gestsson, 30.1.2009 kl. 12:41]

Enginn hefur 100% rétt fyrir sér, en þú væna mín hefur 100% rangt fyrir þér. Tek undir með Héðinni Björnssyni.